Ayat Alkitab yang Popular daripada यूहन्ना 15

Kongsi

सै बेल हऊँ इ कने तुहें तिसरियां डाल़ियां इ। सै जे मांह च बणीरा रैआं, कने हऊँ तिसच, तां सै बौहत फल़वन्त हुआं, काँह्भई मेरते बिणा तुहें किछ नीं करी सकदे।

मेरे सौगी जुड़ीरे रौआ कने मांह तुहां सौगी रैहणा। जिस तरीके ने इक डाल़ी फल़ नीं देई सकदी, तदुआं तक जे सै बेली ने जुड़ी नीं जान्दी, इयां इ जे तुहें मांह च नींये, तां किछ अच्छा नीं करी सकदे।

जे तुहें मेरेने जुड़ीरे रौ कने मेरे उपदेशा रे मुतावक चलदे रौ, तां जो किछ तुहें चाँह यें मंगा, सै तुहांजो मिली जाणा।

तुहें मिन्जो नीं चुणया, पर मैं तुहांजो अपणे खातर चुणीरा; कने नियुक्त कित्तिरा भई तुहें जाओ कने कामयाब हुईने औआ, हऊँ चांह भई तुहांरी कमयाबी बणीरी रौ, काँह्भई ताहलूं जे तुहें पिता ते मेरे चेले हुणे रे नाते जो किछ मंग्गो, तां सै तुहांजो मिली जाओ।

बडे ते बडा प्यार येआ भई कोई माहणु अपणे दोस्तां खातर अपणी जान बी दई दो, येढ़ा प्यार करना किसी बी माहणुये रे बशा रा काम्म निआं।

सै जे डाल़ी मेरे च हई कने फल़ नीं ल्यान्दी, तिस्सो सै बढी देआं। कने सै डालियां जे फल़ देईयां, तिन्हांजो सै छांगी देआं भई सै होर बौहत फल़ ल्याओ।

“मेरा हुक्म येआ भई तुहें अप्पूँ चियें प्यार रखा, इयां इ तियां जे मैं तुहांजो प्यार कित्या।

इसते मेरे पिता री बौहत बडयाई हुआं इ भई तुहें मेरे चेले बणीने बौहत फल़ पैदा करने औले हुईजो।

यीशुये गलाया, “हऊँ अँगूरा रिया बेली साई आ; कने मेरा पिता तिसरा माली आ।

जे कोई मांहने जुड़ीरा नीं रैंहदा तां सै टुटी रिया डालिया साई सटी दित्या जां कने सै सुकी जां। फेरी तिन्हां डालियां जो कट्ठयां करीने अग्गी च पाईने फुकी दें।

मैं तुहांजो ये गल्लां इस खातर बोलियां भई मेरा आनन्द तुहां च बणीरा रौ कने तुहांरा आनन्द उमड़दा रौ।

जे तुहें मेरयां हुक्मां जो मनगे तां तुहां मेरे प्यारा च बणीरे रैहणा। तियां जे हऊँ पिता परमेशरा रे हुक्मां रा पालन करीने तिसरे प्यारा च बणीरा रैआं।

इन्हां गल्लां रा हुक्म हऊँ तुहांजो इस खातर दस्यारां भई तुहें इक्की दुजे ने प्यार रखा।

जे तुहें इस संसारा रे लोकां साई हुंदे, तां संसारा रे लोक तुहांजो अप्पूँ साई प्यार करदे, पर तुहें संसारा रे नींये पर मैं तुहांजो संसारा चते चुणील्या; इस खातर संसार तुहांजो बैर कराँ।