Ayat Alkitab yang Popular daripada Juan 11

Kongsi

Ne migkag̵i si Jesus te, “Iyan a sikan is ebpemanhew; iyan a kes ebeg̵ey te untung. Ke zuen etew he edtuu kedì, minsan ke ebpatey, uuyag gihapun is gimukud din. Su is etew he edtuu kedì, duen din untung he wazà pidtemanan ne kenè en ebpatey is gimukud din. Bayi, edtuu ke ve kayi?”

Ne migkag̵i ziyà te kandin si Jesus te, “Migkag̵i ku en kenikew he ke edtuu ka, egkeehè nu is utew igkeventug̵a te Megbevayà.”

Ne zutun mibpenig̵is is menge luhà ni Jesus.

Ne hein nezineg haazà ni Jesus migkag̵i te, “Kenà ibpatey ni Lazaro is daru zin, kekenà, iyan ketezengan ke maan is egkezeruwan sikandin su wey mevantug is Megbevayà ne wey e zaan mevantug is Anak te Megbevayà.”

Ne te nekag̵i zin heini, midhabet megkag̵i te, “He Lazaro, gawas ka keniyan!” Ne migawas si Lazaro he nevanhew. Nevukusan is lawa zin wey menge velad din wey paa zin te manggad. Ne is ulu zin, nevukusan te penuwilu. Ne migkag̵i si Jesus te, “Bedbazi niw wey ipaawà.”

Ne zutun mid-iseg is kegkeseeng ni Jesus, ne mid-uvayan din haazà is midlevengan. Su haazà is penlevengà, surung diyà te pangpang. Duen inlekeb dutun he vatu te g̵emawan din.

Ne mid-uman megkag̵i si Jesus te, “Nekelipezeng en is emig̵u tew he si Lazaro. Umba edhendiyà a te kandin su wey ku sikandin mepukew.”