Ayat Alkitab yang Popular daripada Juan 12

Kongsi

Ke zuen etew he egkesuat he mehimu he sulug̵uen ku, kinahanglan he edsunuzen e zin, su ke hendei a ne zutun daan is sulug̵uen ku. Ne ke zuen edtuman te menge sug̵ù ku, edelig̵en sikandin te Amey ku he Megbevayà.

Is etew he egkenug̵unan din is untung din dini te kelibutan, ebpatey sikandin gihapun, iyan, is etew he tenged kediey kenè din egkenug̵unan is untung din dini te kelibutan, egkekuwa zin is untung he wazà pidtemanan.

Utew venar is egkeg̵iyen ku keniyu he emun kenà idleveng is benì diyà te tanà, kenà egkevuwad. Ne emun igkeleveng en ne edtuvù; ne ebeg̵as te mezakel. Iring din ded daan kedì, su emun ebpatey a ne mezakel is egkeveg̵ayan te veg̵u en he untung.

Umba midhendini a is kerayag te kelibutan su wey ku meteyawi is isip te menge etew. Ne ke zuen edtuu kedì, kenè en egkerusireman is isip din.

Ne ke zuen etew he nezineg din heini is menge penurù ku ne kenè din edtumanen, kenè ku sikandin edhukuman te silut su wazà a medhendini te kelibutan wey ku mesiluti is menusiyà, kekenà, wey ku melibri te silut is menusiyà.

Ne si Maria, migkuwa zin is sengesalmun he agwa te nardu he utew mahal, ne mid-uvayan din si Jesus ne inhaplas din diyà te menge paa ni Jesus ne interapu zin is menge vulvul zin te paa ni Jesus. Ne nekeeneb dutun te tivuuk he seled te valey is mehemut.

Ne migkuwa zan te menge zehunen he subpang, ne migawas dan dutun te inged su edsinug̵ungen dan si Jesus. Migkag̵i zan te, “Delig̵a is Nengazen! Delig̵a zaan heini is ebpekeuma he midsug̵ù te Nengazen! Is hadì tew te menge kevuwazan ni Israyil, berakat he tuvazi sikandin te Megbevayà!”

Ne migkag̵i si Jesus te, “Egkesipeg̵an en utew is timpu he ibpeg̵awag̵awa ziyà te minsan hentei is utew ku kebpekelavew te langun.