ملاکی ۳
۳
1 یهوه صبایوت فرمأیه: «می پیغمبرَ اوسه کونٚم کی رأیَ مِرِه آمأدَه کونه. بأزون او خوداوندَ کی اونٚ رأفأ ایسأیید نأخٚوٚرکی اَیِه خو خأنه. او پیغمبر کی شومأن اونٚ دِئنٚ رِه شوق و ذوق دأریدی اَیِه و می عهدَ شِمِره وأگویا کونِه.»
2 ولی کیسه کی بٚتأنه اونٚ جولو بِئیسه؟ و کیسه کی بٚتأنه اونٚ اَمؤنَ تأب بأوٚره؟ چونکی اون شوأله فأکشه آتشٚ مأنستَن ایسٚه کی فلزَ تصفیه کونِه و ایتأ صأبونَ مأنِه کی رختأنَ پأکَ کونِه. 3 اون اینفرَ مأنِه کی آهینَ تصفیه کونِه، لاویأنَ طلأ و نوقره مأنستَن پأکَ کونِه کی اوشأن پأکٚ دیلٚ اَمرأ پیشکشأنَ خوداوندَ تقدیم بوکونٚد. 4 بأزون پیشترٚ مأنستَن، خوداوند جٚه او پیشکشأن کی یوهودأ و اورشلیمٚ مردوم اونٚ رِه اَوٚرٚده رأضی بِه.
5 آسمأنٚ لشکرأنٚ خوداوند فرمأیه: «من دأوری رِه اَیٚم شیمی میأن و گونأکأرأنٚ ضد شهأدت دٚهٚم ینی جأدوگرأن و اوشأنی کی زنأ کونٚده و دورُغ گده ضد، تومأمٚ اوشأن کی خوشأنٚ کأرگرأنٚ حقَ فأندٚده ضد و اوشأنی کی ویوٚه زنأکأن و یتیمأن و غریبأنَ ظولم کونٚده و می جَا نترسٚده.»
جٚه خودا دوزدی کودن
6 «من ایتأ خوداوند ایسٚم کی عوضَ نیبِه. هنٚ وأسی ایسٚه کی شومأن اَی یعقوبٚ نتأج، تأ اَسه جٚه بین نوشؤیید. 7 هرچن شومأنم شیمی پِئرأنٚ مأنستَن جٚه می حوکمأن تٚمرود بوکودیدی، اوشأنَ انجأم ندأییدی، ولی هسأ وأگردید می ور و منم وأگردم شیمی ور. اَن ایسٚه اونچی یهوه صبایوت فرمأیه. ولی شومأن گیدی: مگه اَمأن چی بوکودیم کی وأستی وأگردیم؟
8 «ینی هیکس جٚه خودا دوزدی کونِه؟ ولی شومأن جٚه من دوزدی بوکودید!
«وأوٚرسیدی: تی نیّت چیسه؟
«می نیّت دَه‌یکأن و پیشکشأن ایسٚه. 9 اَی ایسرأییلٚ قوم، شومأن همٚتأن نیفرین بوبوستیدی، چونکی جٚه می مأل و مینأل دوزدی کونیدی. 10 شیمی مأل و مینألٚ دَه‌یکَ تومأم و کمأل بأوٚرید می خأنه تأ اوندر کی وٚست بٚبه اویَه غذأ بٚمأنه. و یهوه صبایوت فرمأیه: هطؤ مٚرَه ایمتحأن بوکونید و بیدینید چوطؤ آسمأنٚ درزٚدألأنأنَ وأکونم و شٚمٚره جٚه می برکتأن پورَ کونٚم! 11 یهوه صبایوت فرمأیه: من حشره‌یأن و آفَتأنَ جٚه شیمی زیمین دورَ کونٚم کی شیمی مأصولأن جٚه بین نٚشه و شیمی رٚزٚ بأغأن فرأوأن مِیوه فأدٚد. 12 همٚتأ قومأن شٚمٚره خوشبخت دؤخأنٚده، چونکی ایتأ قشنگٚ سرزیمینٚ صأب ایسید.» اَن ایسٚه یهوه صبایوتٚ فرمأیش.
13 یهوه صبایوت کی شومأن اونٚ ضد دورُغٚ گبأن بٚزِیید؛ ولی شومأن اونَ گیدی: «تی ضد چی بوگفتیم؟»
14 بوگفتیدی: «خودا پرستٚش و ایطأعت جٚه اون فأیده نأرِه. چٚره اَمی کأرأنٚ رِه وأستی بیشیم یهوه صبایوتٚ حوضور و بیگیم پشیمأنیم؟ 15 بیدینید چوطؤ پورایدعأ آدمأن خوشبخت زٚندیگی کونٚده و گونأکأرأن خوشبختَ بٚده و هطؤ کی نأجورٚ کأرأن بوکودٚد خودا اوشأنَ جزأیَ فأنده!»
16 بأزون اوشأن کی خوداوندٚ ترسَ خوشأنٚ دیلٚ دورون دأشتیدی، کس‌کسٚ اَمرأ بینیشتٚد گب بٚزِد و خوداوند اوشأنٚ بوگو بٚشتأوَ بٚشتأوٚسته. بأزون او کیتأبٚ دورون کی خوداوندٚ حوضورٚ نٚهأ بو اوشأنٚ ایسمأنَ کی خودا ترسَ خوشأنٚ دیلٚ دورون دأشتید و اونٚ نأمَ موحترم دأشتیدی، بینیویشته بوبوسته. 17 یهوه صبایوت فرمأیه: «او روجٚ میأن کی من موشخص بوکودم، اوشأن می بٚخصوصٚ قوم بٚده و هوطؤ کی ایتأ پِئر، خو سربرأ پٚسرَ بٚخشِه، منم اَشأنَ بٚخشم. 18 بأزون دینیدی کی خودا خُب و نأجورٚ آدمأنٚ اَمرأ، خو خیدمتگوزأرأنٚ اَمرأ و اوشأنی کی اونَ خیدمت نوکونٚده، چوطؤ کردٚکأر کونِه.»
सध्या निवडलेले:
ملاکی ۳: GCB
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
The Gilaki Contemporary Bible is a Product of Transform Iran © 2024. All rights reserved. www.kelisayejame.org