स्तोत्रसंहिता 93

स्तोत्र 93

1याहवेह राज्य करतात; ऐश्वर्याची वस्त्रे त्यांनी परिधान केली आहेत;

याहवेहनी राजेशाही वस्त्रे परिधान केली आहेत आणि ते शक्तीने सुसज्जित आहेत;

निश्चितच, त्यांनी पृथ्वी अत्यंत स्थिर व अढळ केलेली आहे.

2तुमचे सिंहासन अनादिकालापासून स्थापलेले आहे;

तुम्ही अनंतकाळापासून आहात.

3याहवेह, महासागर उसळत आहेत;

महासागरांनी त्यांचा स्वर उंच केलेला आहे;

समुद्राच्या प्रचंड लाटांचा प्रहार उग्र होत आहे.

4सर्व बलाढ्य लाटांहून कितीतरी अधिक शक्तिशाली,

तुम्ही महासागरापेक्षाही अधिक बलशाली आहात—

सर्वोच्च स्थानातील याहवेह सर्वशक्तिमान आहेत.

5हे याहवेह, तुमच्या आज्ञा अटळ आहेत;

पवित्रता हे तुमच्या भवनाचे

अनंतकाळचे आभूषण आहे.

सध्या निवडलेले:

स्तोत्रसंहिता 93: MRCV

ठळक

सामायिक करा

कॉपी करा

तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन

पवित्रशास्त्र, मराठी समकालीन आवृत्ती™

यांची परवानगी घेऊन केले गेले आहे.

सर्व अधिकार जगभरात राखीव.

Holy Bible, Marathi Contemporary Version™

Used with permission.

स्तोत्रसंहिता 93
मधील लोकप्रिय बायबल वचने