इब्री 12:14-17

सर्वांबरोबर शांततेने राहण्याचा व पवित्र होण्याचा झटून प्रयत्न करा; पवित्रतेशिवाय कोणालाही प्रभुला पाहता येत नाही. परमेश्वराच्या कृपेला कोणी उणे पडू नये, दक्ष असा की ज्यामुळे पुष्कळ जण अशुद्ध व त्रास देणारे होतील असे कोणतेही कडूपणाचे मूळ अंकुरित होऊ नये. कोणी जारकर्मी होऊ नये, किंवा ज्याने एका जेवणासाठी आपल्या ज्येष्ठपणाच्या वतनाचा हक्क विकला, त्या एसावासारखे अनीतिमान होऊ नये, म्हणून लक्ष द्या. तुम्हाला माहीत आहे की, त्यानंतर तो हे ज्येष्ठपणाचा आशीर्वाद मिळविण्याची इच्छा करत असतानाही त्याचा नाकार झाला; त्याने जरी अश्रू ढाळून आशीर्वाद मिळविण्याचा प्रयत्न केला, तरी जे काही त्याने केले होते ते त्याला बदलता आले नाही.