2 तीमथ्य 3:1-9

हे लक्षात ठेव, शेवटच्या दिवसांमध्ये कठीण संकटाचे काळ येतील. लोक स्वार्थी, धनलोभी, गर्विष्ठ, बढाईखोर, परमेश्वराचा उपहास करणारे, मातापित्यांची अवज्ञा करणारे, दयाहीन, अपवित्र, ममताहीन, क्षमा न करणारे, चहाड्या करणारे, आत्मसंयमन न करणारे, क्रूर, चांगल्याचा द्वेष करणारे, विश्वासघातकी, बेपर्वा, अहंकारी परमेश्वरावर प्रीती करण्याऐवजी सुखोपभोगावर प्रीती करणारे, असे होतील. ते भक्तिचा देखावा करतील. परंतु त्यांच्या सामर्थ्याला नाकारतील, अशा सर्व लोकांपासून दूर राहा. ते अशाप्रकारचे लोक आहेत की ते घरांमध्ये शिरतात व पापांनी दबलेल्या, सर्वप्रकारच्या दुष्ट वासनांनी वेढलेल्या व सतत शिकत असूनही ज्यांना सत्य कधीही उमगले नाही, अशा स्त्रियांना वश करतील. यान्नेस आणि यांब्रेस यांनी जसा मोशेला विरोध केला, तसेच हे शिक्षक सत्याचा विरोध करतात. ते भ्रष्ट बुद्धिचे आणि विश्वासाविषयी नाकारलेले असे लोक आहेत. परंतु हे फार काळ चालणार नाही. कारण जसा त्यांचा मूर्खपणा उघड झाला, तसेच यांचाही मूर्खपणा प्रत्येकाला कळून येईल.