Matewu 16
16
Ta lavakombelaka xikombiso
(Marka 8:11-13; Luka 12:54-56)
1 # Vona ni: Mat. 12:38; Luk. 11:16. Vafarisi ni Vasaduki vata ka Yesu kutamuringa, vakombela lesvaku ayendla xikombiso lexihumaka tilweni. 2Yena avahlamula, aku: “[Nimajambu, mili: ‘Ritaxa khwatsi, hikuva tilo ripshukile kufana ni ndzilo.’] 3[Kutani ni mixo mili: ‘Namuntlha yitana, hikuva tilo radzindza, ni kumphuma rimphumile.’ Vakanganyisi, mitiva matshamela ya tilo, kambe mitsandzeka kutiva svikombiso sva minkarhi leyi?] #16:3 Van'wana avatsalanga tindzimana ta 2 na 3. 4Rixaka leri ra mona, ni vuwosvi, rilava xikombiso, kambe ringakala ringanyikiwi xona, loko xingali xikombiso xa muprofeta Yonasi.” Kutani avasiya, atifambela.
Ta comela ra Vafarisi ni ra Vasaduki
(Marka 8:14-21)
5Loko vajondzisiwa vatsemakanyile vaya tlhelo rin'wana ra tiva vatsundzuka lesvaku avakhohlwile kuteka svinkwa. 6Yesu aku ka vona: “Tlharihani, tivoneleni ka comela ra Vafarisi ni ra Vasaduki.” 7Kutani vakanetana vaku: “Kumbe hi lesvi hingatekangiki svinkwa.” 8Kuteloko Yesu asvitwile, aku ka vona: “Vanhu vakupfumela lokutsongo, hikolaho ka yini mikanetana hi lesvi mingaliki ni svinkwa xana? 9#Vona ni: Mat. 14:17-21. Xana amisetwisisa ke? Xana amitsundzuki svinkwa sva ntlhanu lesvingaphamela vanhu va ntlhanu wa makhulu (5 000) ni lesvaku mitatile svirhundzu svingani lesvikulu hi matlhantlha ke? 10#Vona ni: Mat. 15:34-38. Amitsundzuki ni svinkwa sva ntlhanu ni svimbirhi lesvingaphamela vanhu va mune wa makhulu (4 000) ni lesvaku mitatile svirhundzu svingani hi matlhantlha ke? 11Hikolaho ka yini mingatwisisi lesvaku aningavulavuli na n'wina hi ta svinkwa xana? Kambe hi lesvaku mitivonela ka comela ra Vafarisi ni ra Vasaduki xana?” 12Hikona vangatwisisa lesvaku aangavuli kutivonela ka comela ra svinkwa, kambe kutivonela ka tijondzo ta Vafarisi ni ta Vasaduki.
Ta Petrosi loko avula lesvaku Yesu i mani
(Marka 8:27-30; Luka 9:18-21)
13Loko Yesu afikile tikweni ra Khezariya wa Filipi, avutisa vajondzisiwa va yena, aku: “Xana vanhu vali, N'wana-wa-Munhu i mani ke?” 14#Vona ni: Mat. 14:1-2; Mar. 6:14-15; Luk. 9:7-8. Vaku: “Van'we vali, u Yohani Mukhuvuli; van'wana vali, hi wena Eliya; van'wana kambe vali, hi wena Yeremiya, kumbe mun'we wa vaprofeta.” 15Aku ka vona: “N'wina ke, mili ni mani xana?” 16Kutani Simoni Petrosi ahlamula aku: “U Kriste, N'wana wa Xikwembu lexinyikaka vutomi.” 17Yesu ahlamula aku: “Ukatekile Simoni n'wana Yona, hikuva ahi munhu wa misava lweyi angakupfuletela svosvo, kambe i Tatana wa mina lweyi anga matilweni. 18Kolaho-ke nili ka wena: U ‘Petrosi’,#16:18 Hi Xigirika, vito ra ‘Petrosi’, rivula ‘ribze.’ kutani henhla ka ribze leri, nitayaka kereke ya mina; kutani hambi wuli ntamu wa rifu wungakala wungayihluli. 19#Vona ni: Mat. 18:18; Yoh. 20:23. Nitakunyika makhiya ya Mfumu wa matilo; kutani lexi ungataxiyalela la misaveni, xitayaleliwa ni le tilweni, ni lexi ungataxipfumelela la misaveni, xitapfumeleliwa ni le tilweni.” 20Kutani abzela vajondzisiwa va yena lesvaku vangatshuki vabzela munhu lesvaku hi yena Mesiya.
Yesu ativisa ta rifu ra yena
(Marka 8:31—9:1; Luka 9:22-27)
21Kusukela nkarhini wolowo Yesu asungula kubzela vajondzisiwa va yena lesvaku afanele kuya Yerusalema ayatwisiwa kuvava lokukulu hi vakulukumba ni Vaprista lavakulu ni Vatsali, adlawa, atlhela apfuka kufeni hi siku ra vunharhu. 22Kambe Petrosi amukokela tlhelweni, amukawuka aku: “Xikwembu axingesvipfumeleli lesvi, we Hosi! Svilo lesvi, svingakala svingakuhumeleli.” 23Hi loko yena ahundzukula, aku ka Petrosi: “Suka ka mina Sathana! U xikhunguvanyiso ka mina, hikuva awuyehleketi sva Xikwembu, uyehleketa sva vanhu ntsena.”
24 # Vona ni: Mat. 10:38; Luk. 14:27. Yesu atlhela aku ka vajondzisiwa va yena: Loko munhu alava kunilandza aatitshike, atirhwexa xihambanu xa yena, kutani anilandza, 25#Vona ni: Mat. 10:39; Luk. 17:33; Yoh. 12:25. hikuva lweyi arhandzaka kutihlayisela vutomi bza yena, atalahlekeliwa hi bzona; kambe lweyi alahlekeliwaka hi vutomi bza yena hikolaho ka mina, atatlhela abzikuma. 26Hikolaho loko munhu akota kufuwa misava hinkwayu, kambe alahlekeliwa hi vutomi bza yena, svitava svimupfune yini ke? Kumbe munhu atahumesa yini kuxava vutomi bza yena xana? 27Hikuva N'wana-wa-Munhu atavuya hi kukwetsima ka Tatana wa yena na ali ni tintsumi ta yena, kutani hi kona angatanyika mani na mani hi kuya hi mintirho ya yena. #Vona ni: Mat. 25:31; Psal. 62:12; Rom. 2:6. 28“Nitiyisile nili ka n'wina: Ku ni van'wana xikarhi ka lavanga kola, lavangatakala vangakhumbiwi hi rifu na vangasivona N'wana-wa-Munhu avuya Mfun'wini wa yena.”
सध्या निवडलेले:
Matewu 16: NTC2014
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Novo Testamento Changana © Bible Society of Mozambique, 2014.
