PANDARIADDI 36
36
Papapulunni Esau
(1Ta. 1:34-37)
1Indiwe papapulunni Esau apan isassago lai i Edom. 2I Esau na'awingngu siri tallu wawinen Kanaan, eteudde: i Ada, ana'i Elon taumatan i Het; i Oholibama, ana'i Ana wuṛṛu pulunni Zibeon taumatan i Hewi; 3i Basmat, ana'i Ismael wuṛṛu tuarin i Nebayot. 4I Ada nanungkangi Elifas, i Basmat nanungkangi Rehuel, 5wuṛṛu i Oholibama nanungkangi Yeus, i Yaelam wuṛṛu i Korah. Manga ana'a udde sarangkanambone niasungkanga su wanua Kanaan.
6Wua'udde i Esau nanantangngi Yakub wuṛṛu inaite watukku wanua waine nangapiddu anambon awingnge, anangnge wuṛṛu anambon taumata apan uatana'a su wal᷊ene, suadio'a ringannu manga winatangnga wuṛṛu darotongnge apan niasombanganne su Kanaan. 7I Esau nattal᷊em i Yakub ana waugu darotongngi mangitou tumaniten manambo na'oman sara i mangitou tawe mapabiakka su sambau. Ana see lai su wanua apan atatanaanni mangitou udde tawe mattiudda annu winatangngi mangitou apan tumanite manambo udde. 8Ne i Esau apan isassago lai i Edom, namanuate su wageangngu panenteannu Seir.
9Indiwe papapulunni Esau, al᷊amonan taumatan i Edom. 10-13Awingngi Esau aranne i Ada nanungkangu sangkatou ana'a esakka, aranne i Elifas. Wuṛṛu i Elifas pia siri lima ana'a esakka, eteudde; i Teman, i Omar, i Zefo, i Gaetam wuṛṛu i Kenas. I Elifas pia awingnge su liudde, aranne i Timna. I tou nanungkangu ana'a esakka aranne i Amalek.
Awingngi Esau aranne i Basmat nanungkangu sangkatou ana'a esakka aranne i Rehuel. Wuṛṛu i Rehuel naasomba siri appata ana'a esakka, eteudde; i Nahat, i Zerah, i Syama wuṛṛu i Miza.
14Awingngi Esau aranne i Oholibama, eteudde ana'i Ana wuṛṛu pulunni Zibeon, nanungkangu siri tallu ana'a esakka, eteudde; i Yeus, i Yaelam wuṛṛu i Korah.
15Indiwe timmadu ṛuangannu papapulunni Esau: i Elifas, ana'i Esau pahul᷊une, eteudde al᷊amona manga ṛuanganna manansunna indi; i Teman, i Omar, i Zefo, i Kenas, 16i Korah, i Gaetam wuṛṛu i Amalek. I mangitou sarangkanambone udde papapulunni Ada, awingngi Esau.
17I Rehuel, ana'i Esau, eteudde iupungngu manga ṛuanganna manansunna indi: i Nahat, i Zerah, i Syama wuṛṛu i Miza. I mangitou sarangkanambone papapulunni Basmat, awingngi Esau.
18Manga ṛuanganna manansunna indi eteudde papapulunni Esau wuassu awingnge aranne i Oholibama ana'i Ana, eteudde: i Yeus, i Yaelam wuṛṛu i Korah. 19Anambon ṛuanganna udde papapulunni Esau.
Papapulunni Seir
(1Ta. 1:38-42)
20-21Tumana'u leta'u Edom tutune nitahia wuassu manga ṛuanganna papapulunni Seir, taumatan i Hori. Manga ṛuanganna udde eteudde: i Lotan, i Syobal, i Zibeon, i Ana, i Disyon, i Ezer wuṛṛu i Disyan.
22I Lotan eteudde iupungngu ṛuanganni Hori wuṛṛu i Heman (i Lotan pia tuṛṛangnge wawine, eteudde i Timna.)
23I Syobal eteudde iupungngu ṛuanganni; Alwan, i Manahat, i Ebal, i Syefo wuṛṛu i Onam.
24I Zibeon pia duang katou ana'a esakka, eteudde i Aya wuṛṛu i Ana. (Ete i Ana indi apan naasangkalla manga al᷊imatang kua'e mal᷊oso su wadda'a, su tempo i tou tantal᷊anna mallu'adda manga keledain iamangnge). 25-26I Ana eteudde iamangngi Disyon iupungngu ṛuanganni: Hemdan, i Esyban, i Yitran wuṛṛu i Keran. I Ana lai uatahuanna sangkatou ana'a wawine, aranne i Oholibama.
27I Ezer al᷊amonan ṛuanganni: Bilhan, i Zaawan, wuṛṛu i Akan.
28I Disyan al᷊amonan ṛuanganni Us wuṛṛu i Aran.
29-30Ete indi manga ṛuanganni Hori su wanua Edom; i Lotan, i Syobal, i Zibeon, i Ana, i Disyon, i Ezer wuṛṛu i Disyan.
Manga Ratun Edom
(1Ta. 1:43-54)
31-39Tantal᷊anna taambe ratu apan uaparenta su Israel, manga ratu apan manansunna indi uaparenta su leta'u Edom ringannu ual᷊al᷊ol᷊ossa:
I Bela ana'i Beor wuassu Dinhaba.
I Yobab ana'i Zera wuassu Bozra.
I Husyam wuassu wageangngu leta'u Teman.
I Hadad ana'i Bedad wuassu Awit (ete i tou apan nalluṛṛugu taumatan Midian sulal᷊ummu pangalo su wageangngu leta'u Moab).
I Samla wuṛṛu i Masreka.
I Saul wuassu Rehobot su wiwikku Sal᷊u.
I Baal-Hanan ana'i Akhbor.
I Hadar wuassu Pahu (awingnge aranne I Mehetabeel, ana'i Matred wuṛṛu pulunni Mezahab).
40-43I Esau uddewe al᷊amona manga ṛuangannu Edom manansunna indi; i Timna, i Alwa, i Yetet, i Oholibama, i Ela, i Pinon, i Kenas, i Teman, i Mibzar, i Magdiel, wuṛṛu i Iram. Suapan ṛuanganna nangonggolu aranne su wageangngu leta'a apan atatanaanne.
सध्या निवडलेले:
PANDARIADDI 36: LAITLD
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन