SASABANGNGA 2
2
Asasungkangngi Musa
1Su tempo udde sangkatou esakka wuassu ṛuanganni Lewi, na'awingngu sangkatou wawine wuassu ṛuanganna udde lai. 2Ana see wawine udde nanungkangngu sangkatou ana'a esakka. Napawe i tou naasilo manungku ana'a udde maṛṛamaga atonna, i tou namuni sulal᷊ummu tallu wul᷊anna al᷊annune. 3Arawe ana'a udde tawe iawuni mal᷊annu. Ne inangnge nanganu sambau sal᷊angka wuassu nannal᷊on nioosannu pulutta tadea'u tawe asuttannu ua'e. Ana'a udde nitaṛṛo sulal᷊ummu sal᷊angka udde, ana see niapiddi tou watukku pattangngannu nannal᷊on buṛṛassa su winggin sal᷊ukka udde. 4Iaangnga wawine wuassu ana'a udde uarisikka addaune wua isudde ma'ellega tanne apa sarun mariaddi su tuarine.
5Tantal᷊anna udde nirumantate ana'u ratu maṛṛuala. I tou sinumossokka su sal᷊ukka mandeno, ewe'e manga ammungnge, u'amatta su wiwikku sal᷊ukka. Inaṛṛombanganne maṛṛualan datu naasilo sal᷊angka udde su pattangngannu nannal᷊on tiwo, ana see i tou nandolokku sangkatou allangnga wawine niapaanu. 6Su tempo maṛṛualan datu namu'a sal᷊angka udde, i tou naasilo pia ana'a addio'a sulal᷊umme, wuṛṛu ana'a udde tantal᷊anna lulluai. Maṛṛualan datu niumakkanni tou wuṛṛu nabbisara, “Indi ana'u taumatan Ibrani.”
7Ana see iaangngu ana'a udde naiwal᷊o su maṛṛualan datu, “Tuangnga Maṛṛuala maapulu i ya'u maddea'a sangkatou wawinen Ibrani mapasusun ana'a udde?”
8“Aroddite,” sasimbakku maṛṛualan datu. Ne ana'a wawine udde inaite namaggo inangnge sassane. 9Unnu maṛṛualan datu su wawine udde, “Apira'e ana'a indi, wuṛṛu pasusua'e i tou ana waugu i ya'u; mantewe inangnga ta'u onggol᷊annu lal᷊antakke.” Ne i tou nangapidden ana'a udde wuṛṛu niapasusuten tou. 10Napawe ana'a udde aatambante ahewalle, inangnge nanantilli tou su maṛṛualan datu. Ana see maṛṛualan datu nangampitte ana'a udde maola'a anangnge. “I tou ta'u onggol᷊annu aranne i Musa, ana waugu i tou ta'u nianu wuassu ua'e,” wisaran maṛṛualan datu.
I Musa tinumal᷊angnga watukku Midian
11Napawe i Musa umbasante, i tou inaite naisasomba manga taumata balahanna sambau. I tou naasilo ereapa i mangitou iwabbata'a mammanara masahadda. I tou naasilo lai sangkatou Mesir namate sangkatou Ibrani. 12I Musa nanaile uapal᷊iwutta si tou, wuṛṛu napawe i tou naasilo manungku taweddu ua'ellega si tou, i tou namate taumata Mesir udde ana see winal᷊unanne nial᷊i sulal᷊ummu anne. 13Tiṛṛabine i Musa inaite apia, ana see i tou naasilo ruan katou taumatan Ibrani tantal᷊anna uawawul᷊o. “Anio i'o namuulla hawenu?” aiwal᷊o i Musa su taumata apan nassal᷊a udde.
14Taumata udde sinumimbakka, “Isai namile si'o maola'a piaṛṛangnge wuṛṛu mallaṛṛuungngi yami? I'o maapulu lai mamate si ya'u, ere lai taumata Mesir apan nipatenu udde?” Ana see i Musa nata'utta wuṛṛu naṛṛingidda, “Nasilakate! Inolaangku udde niasingkatante.” 15-16Su tempo ratu naaringikka hatto udde, i tou maddea'a lal᷊anne mamate si Musa. Arawe i Musa tinumal᷊angnga ana see natana'e su wanua Midian.
Imam wuassu Midian, aranne i Yitro, uatahuanna siri pitu ana'a maṛṛuala. Su allo sambau, su tempo i Musa tantal᷊anna ua'ianna maranim paṛṛihi, nirumantate siri pitu maṛṛuala ana'i Yitro mania ua'e wuṛṛu malloṛṛo tampa pa'inumannu ammul᷊annu ambinga wuṛṛu domban iamangngi mangitou. 17Arawe manga pira mallal᷊u'adda winatangnga nallimbuakka manga ana'a maṛṛuala udde. Ana see i Musa nirumanta nantul᷊ungngi mangitou wuṛṛu i tou napa'inummu winatangngi mangitou. 18Su tempo i mangitou napul᷊e, iamangngi mangitou naiwal᷊o, “Anio i yamiu aroddi al᷊ihakke napul᷊e allo indi?”
19I mangitou sinumimbakka, “Pia sangkatou taumata Mesir apan natul᷊ungngi yami wuassu sal᷊asa'u manga mallal᷊u'adda winatangnga waine. I tou ewe'e lai nania ua'en kami, wuṛṛu napa'inummu winatangngi ite.”
20“Suapate i tou orassa indi?” aiwal᷊on i Yitro su manga anangnge. “Anio i yamiu nanantangngu taumata udde? Roote wagoite i tou umanna su sampunna ringanni ite.”
21I Musa nappul᷊ute natana'a isudde. Wua'udde i Yitro nangawingngu anangnge aranne i Zipora ringanni Musa. 22I Zipora nanungkangngu sangkatou ana'a esakka. Ana'a udde aranne nissaggo i Gersom, ana waugu i Musa naṛṛingidda, “I ya'u sangkatou raho isindi.”
23Manga pira tonna wua'udde ratu Mesir natete. Arawe balahannu Israel ta'e sussal᷊iomanna ana waugu i mangitou niallangnga, na'oman sara i mangitou mangintul᷊i ma'iontolla. Sasal᷊iomanni mangitou na'omate ringannu Ruata. 24Ruata naaringikka si mangitou, wuṛṛu i Tou naanaungnga paaire-Ne si Abraham, si Ishak wuṛṛu si Yakub. 25I tou naasilo manga taumatan Israel niallangnga, ne i tou nakkawessa inai mantul᷊ungngi mangitou.
सध्या निवडलेले:
SASABANGNGA 2: LAITLD
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन