Oyinyima 5
5
Ezi Adamị ne tu Inowa ọnịrị ezi anị
1 #
Oyn 1.27,28 Ọsọnị ọ vị ịtọpa ezi Adamị nị. Ịjị Ohomorihi mẹ aza, ọ mẹ wa vene ẹngụ anị nị. 2#Imt 19.4; Ịmk 10.6Ọnọrụ ọnịrị ọnẹẹ ọ mẹ wa nị. Ộ mẹ̀ aduwa yị wa, dị ọ ka ọza ẹ rị nị. 3Adamị ọ sị gụ ịrayị eche ịhịnọnyị tụra ẹẹwụ, dị ọ ma ozi ọnọrụ ọnya nị. Ozi ọnọọ ô vene e, ọnị osusu ọ vị nị. Dị ọ yị ozi anị ọnọọ Ịsẹtị nị. 4Adamị mẹ̀ sị Ịsẹtị ma, ọ vana ra mẹ ịrayị akana, dị ọ vana ma ezi anọrụ ọnịrị anẹẹ nị. 5Avaba ịrayị Adamị ịnị ẹhẹ vị akanarẹchịhịnọnyị tụra ẹẹwụ, di o ve su nị. 6Ịsẹtị ọnị vị ịrayị ẹchẹhị tụra ẹẹhị dị ọ ma Enosi. 7Ịrẹma ọnị ọ ma Enosi, Ịsẹtị ộ vana mẹ ịrayị akana tụra ịhịmba, dị ọ vana ma ezi anọrụ ọnịrị anẹẹ nị. 8Avaba ịrayị ọnị Ịsẹtị mẹ ịnị ẹhẹ vị akanarẹchẹhị tụra ẹwụrẹva. 9Enosi ọnị rẹ vị ịrayị ẹbẹẹna tụra ẹẹwụ dị ọ ma Ikenani. 10Ọ mẹ sị Ikenani ma, Enosi ọ rẹ vana mẹ ịrayị akana tụra ẹwụrẹhị, dị ọ rẹ vana ma ezi anọrụ ọnịrị anẹẹ nị. 11Di avaba ịrayị ēni Enosi mẹ ịnị ẹhẹ vị akanarẹchẹhị tụra ẹẹhị, di o ve su nị. 12Ikenani ọnị mẹ̀ rẹ sị gụ ịrayị ẹtarẹwụ, dị ọ ma Imahareri nị. 13Ọ mẹ̀ sị Imahareri ma, Ikenani ộ vana mẹ ịrayị akana tụra ẹbẹẹva, dị ọ rẹ ma ezi anọrụ ọnịrị anẹẹ nị. 14Avaba ịrayị Ikenani ịnị ẹhẹ vị akanarẹchẹhị tụra ẹẹwụ, di o ve su nị. 15Imahareri ọnị ọ rẹ sị gụ ịrayị ẹbẹẹta tụra ẹẹhị dị ọ ma Ịjarẹdị. 16Ọ mẹ̀ sị Ịjarẹdị ma, Imahareri ộ vana mẹ ịrayị akana tụra ohurẹẹwụ, dị ọ rẹ ma ezi anọrụ ọnịrị anẹẹ nị. 17Avaba ịrayị Imahareri ịnị ẹhẹ vị akana tụra ẹnarẹwụ ộ tụra ẹẹhị dị ọnị re su nị. 18Ịjarẹdị mẹ sị gụ ịrayị ẹchịhịnta tụra ẹẹva dị ọ ma Enọkị nị. 19Ọ mẹ̀ sị Enọkị ma, Ịjarẹdị ộ vana mẹ ịrayị akana, dị ọ vana ma ezi anọrụ ọnịrị anẹẹ nị. 20Avaba ịrayị Ịjarẹdị ịnị ẹhẹ vị akanarẹchẹhị tụra ẹbẹẹta ộ tụra ẹẹva dị ọnị re su nị. 21Enọkị mẹ̀ sị gụ ịrayị ẹbẹẹta tụra ẹẹhị, dị ọ ma Imetusẹra nị. 22Enọkị ọnịrị Ohomorihi ệ rị pooro mẹ ịrayị ịrẹkẹẹchẹhị ọ mẹ̀ hụrẹ ma Imetusẹra. Ộ rẹ vana ma ezi anọrụ ọnịrị anẹẹ. 23Avaba ịrayị Enọkị ịnị ẹhẹ vị ịrẹkẹẹchị tụra ẹbẹẹta ộ tụra ẹẹhị. 24#Ihib 11.5; Ijudi 1.14Enọkị ọnịrị Ohomorihi ệ rị, dị ọza ò yi vene re e nị, agụvị ka Ohomorihi ọ raà sị ọ si hu. 25Imetusẹra ọnị rẹ vị ịrayị ẹchịhịmba tụra ẹbẹẹva ộ tụra ịhịmba dị ọ ma Irameki. 26Imetusẹra ộ vana mẹ ịrayị akahịnọnyị tụra ẹchẹhị ộ tụra ẹbẹẹna rị uto ẹẹva, dị ọ vana ma ezi anọrụ ọnịrị anẹẹ nị. 27Avaba ịrayị ọnị Imetusẹra mẹ ịnị ẹhẹ vị akanarẹchẹhị tụra ẹbẹẹta ộ tụra ịhịịna, di oni re su nị. 28Irameki ọnị mẹ̀ rẹ sị gụ ịrayị ẹchịhịmba tụra ẹbẹẹva ộ tụra ẹẹva dị ọ ma ozi ọnọrụ ọnya nị, 29dị ọ hị́ ọ Inowa nị. Ọ kà, Ozi ọnọnị vaa mẹ̀ ka ẹnị ẹ̀ daba hi ụhwẹ ịnị ụkọrọ ẹnịnị ọnịrị ụya ọnị ẹnị sị Ochẹtẹngụ rị Ẹnẹyịmavara mẹ̀ hụrẹ chì hi ẹhẹ. 30Irameki mẹ̀ ma Inowa, ộ vana mẹ ịrayị akavarẹchẹhị tụra ẹnarẹwụ ộ tụra ẹẹhị, dị ọ vana ma ezi anọrụ ọnịrị anẹẹ nị. 31Avaba ịrayị Irameki ẹhẹ vị akatarẹchẹhị tụra ẹtarẹwụ ộ tụra ịhịmba, dị ọnị re su nị. 32Inowa vị ịrayị akavarẹchẹhị dị ọ ma Isemi, Ihami ọnịrị Ịjahwẹtị.
सध्या निवडलेले:
Oyinyima 5: EBTP
ठळक
सामायिक करा
कॉपी करा
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.