Kuyamba 6
6
Kutaza kwawanthu
1 #
Job 1:6; 2:1 Wanthu paadayamba kuwanda padziko, adabala wana wachitsikana. 2Wana wa Mulungu adazawona kuti wana wawanthu wachitsikana akhabaliwa akhadakoma nkhope, adatakula waakhafuna nkuloola. 3Pamwepo Chawuta adati, “N'zimu wangu un'zakhala lini pamunthu kufika lini nalini, pakuti nimunthu wanyama. Nakutenepo munthu an'zakhala lini padziko kwamagole yampita dzana namakumi mawili.” (120) 4#Kuw 13:33A Nefilimu akhali padziko lapantsi muntsiku zimwezo napambuyo pache, wana wa Mulungu paadabwela kuzaloola wana wawanthu achibala nawo wana. Amwewa akhali wanthu wam'phamvu wakale akhadziwika kwene-kwene.
5 #
Mat 24:37; Luk 17:26; 1 Pit 3:20 Chawuta adawona kuti kuyipa kwamunthu padziko kukhadakula, bzentse bzaan'khala achikumbuka mumitima yawo m'bzakuyipa bzokha-bzokha. 6Chawuta adakumbuka kuti “Ninga ndilibe kukonza wanthu padziko.” 7Pamwepo Chawuta adati, “Nin'chosapo wanthu wentse wandidalenga padziko, wanthu nabzilombo nabzinkwawa namimba, nambalami. Ninkungula kuti ndidabzilengelanyi.” 8Nowa ankomelewa ntima na Chawuta.
Nowa
9 #
2 Pit 2:5
Iyi ndiyo nkhani ya Nowa. Nowa akhali munthu wakulungama, akhali munthu akhalibe mulandu pam'badwe wake wentse. Nowa adafamba na Mulungu. 10Nowa akhana wana atatu, Shemu na Hamu na Jafeti. 11Mulungu adawona kuti dziko ladzala nankhondo. 12Tsapano Mulungu adawona kuti padziko padzala nakudzonga, wanthu wentse akhadzonga padziko lapantsi.
13Mulungu adati kwa Nowa, “Ndakumbuka bzakupha wanthu wentse, pakuti dziko ladzala nankhondo. Wonani, niwachenekela kubodzi nadziko. 14Tsono iwe bzikonzele bote labwino lamatabwa, uyikhe bzipinda nkati mwalene, ulitsutsute nabelewu nkati nakunja kwalene. 15Botelo ulikonze tenepa, muwutali mwalene lichite mamita dzana namakumi matatu namatatu (133), muwufupi mwalene muchite mamita makumi mawili namawili (22), kuyenda n'dzulu kuchite mamita khumi namatatu (13). 16Pabote limwelo uyikhepo ntsodzi, pakati pantsodzi nachengo usiyepo mbuto infika masendimita makumi manayi namanayi (44). Nkati mwalene mukhale nambuto zitatu, yapantsi, yapakati nayapadzulu. Pambali pambotelo uyikhepo nsuwo. 17Wonani, ine nin'zabvumbisa mvula yachigumula padziko, in'zacheneka bzinthu bzentse bzamoyo bzili padziko. Bzentse bzili padziko bzin'zafa. 18Koma ine nin'zachita chibvano nayiwe. Iwe nankazi wako nawana wako naaloola wako mupite mubote. 19Pabzinyama bzentse bzamoyo bzamishowo yentse utakule bziwili-bziwili upite nabzo mubote, kuti bzikhale bzamoyo pabodzi nayimwe, ngabziwe bzimuna nabzikazi. 20Utole bziwili-bziwili, mbalami kuteyeza mishowo yazene nabzentse bzin'kwawa padziko kuchitila kuti bzikhale bzamoyo. 21Utakule chakudya chakusiyana-siyana, chako nachabzinyamabzo.” 22#Ahe 11:7Nowa adachita bzentse bzaadawuziwa na Mulungu kuti achite.
सध्या निवडलेले:
Kuyamba 6: KUNDA
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Bhaibheri reChikunda © Bible Society of Zimbabwe