Kuyamba 5
5
M'badwe wa Adhamu
(1 Mako 1:1–4)
1 #
Kuya 1:27,28 Aya ndiyo madzina yam'badwe wa Adhamu. Mulungu paadalenga munthu, adamulenga adalingana nayiye pachake. 2#Mat 19:4; Mar 10:6Adalenga mwamuna nankazi, adaadalisa, achiwachemela kuti, “Wanthu” 3Adhamu akhana magole dzana namakumi matatu (130), adakhala apayi wamwana akhadalingana nayiye, waadapasa dzina lakuti Seti. 4Pambuyo pakubaliwa kwa Seti, Adhamu adakhala pomwe magole mazana masele (800) adachita pomwe anango wana wachimuna nawachikazi. 5Magole yentse yadalalama Adhamu yakhali mazana pfemba namakumi matatu (930), nkuzafa.
6Seti paakhana magole dzana namashanu (105), adakhala apayi wa Enoshi. 7Pambuyo pakubaliwa kwa Enoshi, Seti adalalama kwamagole mazana masele nanomwe (807), adabala anango wana wachimuna nawachikazi. 8Magole yentse yadalalama Seti yakhali mazana pfemba nakhumi namawili (912), nkuzafa.
9Enoshi paakhana magole makumi pfemba (90), adakhala apayi wa Kenani. 10Pambuyo pakubaliwa kwa Kenani, Enoshi adalalama kwamagole mazana masele nakhumi nashanu (815), adabala anango wana wachimuna nawachiakazi. 11Magole yentse yadalalama Enoshi yakhali mazana pfemba namashanu, (905), nkuzafa.
12Kenani paakhana magole makumi manomwe (70) adakhala apayi wa Mahalaleli. 13Pambuyo pakubaliwa kwa Mahalaleli, Kenani adalalama kwamagole mazana masele namakumi manayi (840), adabala anango wana wachimuna nawachikazi. 14Magole yentse yadalalama Kenani yakhali mazana pfemba nakhumi (910), nkuzafa.
15Mahalaleli paakhana magole makumi matanthatu namashanu adakhala apayi wa Jaredhi. 16Pambuyo pakubaliwa kwa Jaredhi, Mahalaleli adalalama kwamagole mazana masele namagole makumi matatu (830), adabala pomwe anango wana wachimuna nawachikazi. 17Magole yentse yadalalama Mahalaleli yakhali mazana masele namakumi pfemba namashanu (895), nkuzafa.
18Jaredhi paakhana magole dzana namakumi matanthatu namawili (162), adakhala apayi wa Enoki. 19Pambuyo pakubaliwa kwa Enoki, Jaredhi adalalama kwamagole mazana makumi masele (800), adabala pomwe anango wana wachimuna nawachikazi. 20Magole yentse yadalalama Jaredhi yakhali mazana pfemba namakumi matanthatu namawili (962), nkuzafa.
21Inoki adalalama magole makumi matanthatu namashanu (65), nkukhala apayi wa Metusela. 22Pambuyo pakubaliwa kwa Metusela, Inoki adafamba na Mulungu kwamagole mazana matatu (300), adabala pomwe anango wana wachimuna nawachikazi. 23Magole yentse yadalalama Enoki yakhali mazana matatu namakumi matanthatu namashanu (365). 24#Ahe 11:5; Jud 1:14Inoki adafamba na Mulungu, adanyangalika, pakuti Mulungu adamutola.
25Metusela paakhana magole dzana namakumi masele nanomwe (187), adakhala apayi wa Lameki. 26Pambuyo pakubaliwa kwa Lameki, Metusela adalalama kwamagole mazana manomwe namakumi masele namawili (782), adabala anango wana wachimuna nawachikazi, nkuzafa. 27Magole yentse yadalalama Metusela yakhali mazana pfemba namakumi matanthatu napfemba (938), nkuzafa.
28Lameki paakhana magole dzana namakumi masele namawili (182), adakhala apayi wamwana wachimuna, 29waadapasa dzina lakuti Nowa, adati, “Kuchoka padongo lidatembelelewa na Chawuta, mwana uyu ndiye an'zatinyamaliza pabasa lentse lakuwuma latim'phata namanja yathu.” 30Pambuyo pakubaliwa kwa Nowa, Lameki adakhala kwamagole mazana mashanu namakumi pfemba nashanu (595), adabala anango wana wachimuna nawachikazi. 31Magole yentse yadalalama Lameki yakhali mazana manomwe namakumi manomwe nanomwe (777), nkuzafa.
32Nowa paakhana magole mazana mashanu (500), adakhala apayi wa Shemu na Hamu na Jafeti.
सध्या निवडलेले:
Kuyamba 5: KUNDA
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Bhaibheri reChikunda © Bible Society of Zimbabwe