THEU NAI 20
20
Leusai Horei pei nai
(Leu 5.1–21)
1Tameuh my, 2“Kai ly nangchi ai miseaung achei nai, Aikupta pri i dengdairei pahawi nai keung nangchi i Areng Tameuh ne.
3“Kai ny y baly tameuh takhra y chiu moh.
4“Kani khusangra i heng nai amjy, khaileaung salo i heng nai amjy, khaileaung anui tui theung i heng nai amjychi ka-tawm mynchi ly nangmychi i vui so u moh. #Theu 34.17; Lev 19.4, 26.1; Leu 4.15–18, 27.15 5Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai. #Theu 34.6–7; Kati 14.18; Leu 7.9–10 6Na i py kai ai tamen iy kai i reita patawm nai khumichi ai ly deung kangthau sang ho khrairei katamen ai.
7“Kai i amyn thui rumrang moh; kai ly nang i Areng Tameuh ne i, kai i amyn thui rumrang nai khumi ai ly kapajeng ai. #Lev 19.12
8“Anawn kani y ja ai nai tami reng moh. Huni kani ai ly kachai khai takhra ai nai tla.#Theu 16.23–30, 31.12–14 9Nang ly kani tariurei sala y, sa ai avo nai kalopchi sa ai nai tla;#Theu 23.12, 31.15, 34.21, 35.2; Lev 23.3 10Saryh kani ly Tameuh i vui khai takhra nai anawn nai kani ne. Huni kani y ly nangmy hawi nang i cho chanauchi, miseaungchi, tawnbawichi, angvynchi py kalop sa ai nai avo y. 11Kai Areng ly kani tariurei sala y my kani khusang, khaileaung, pangli hawi huni theung y awm nai cheaungkhangchi ai sa iy saryh kani y anawn nai ne. Naibaly Areng my huni Anawn nai kani ai ly amtheaung hai iy kani kachai palawn bo.#AA 2.1–3; Theu 31.17
12“Nang i Areng Tameuh my pei nai pri y heng sau ai nai, nang i amhm, ampo ai tahm khai.#Leu 27.16; Mt 15.4, 19.19; Mk 7.10, 10.19; Lk 18.20; Eph 6.2–3
13“Khumi ai padei moh.#AA 9.6; Lev 24.17; Mt 5.21, 19.18; Mk 10.19; Lk 18.20; Rom 3.9; Jak 2.11
14“Pajang so moh.#Lev 20.10; Mt 5.21, 19.18; Mk 10.19; Lk 18.20; Rom 13.9; Jak 2.11
15“Paviu moh.#Lev 19.11; Mt 19.18; Mk 10.19; Lk 18.20; Rom 13.9
16“Amichi ai ka-chawi naimy seu rumrang moh.#Theu 23.1; Mt 19.18; Mk 10.19; Lk 18.20
17“Ami i yhm hlau paleung no moh; ami i aju py, miseaungchi ai py, tawnbawichi py, keaungngo kano kasauchi py, mymy i atitichi py paleung no moh,” napi.#Rom 7.7, 13.9
Khumichi i jei nai
(Leu 5.22–23)
18Khumi mipuichi ly kani pajyh nai katyn, baw eng nai katyn hawi amlosadi theu nai, mawi verei mai khyh theu naichi ai niu nai, thai nai khala jei hyn u i, kamlo mang y angdo u bo.#Heb 12.18–19 19Nichi my Mosi teng y, “Nangmy kaichi teng y Areng i leu pei nai amti pi ba, kaichi tangai ai mang; na i py Tameuh kypkyp my kaichi teng y leu pei lawh baly kaichi ly dei ai,” napi.
20Naibaly Mosi my, “Jei u moh; nangchi ai cham ai nai py, nangchi ly mymy i leu tangai iy kamngo so y ai nai py, Tameuh ang jeu nai ne,” nanai pathang. 21Na i py mipuichi ly kamlo kyh y angdo u jo rai. Mosi naini Tameuh awm nai tamai kaveng sahawi y chei tapai khyh nai ne.
Maicham i vui Reitachi
22 Areng my Mosi dengdairei Israelachi teng y thui pi nai ly “Kai, Areng ly kani mang dengdairei nangchi teng y leu pei nai nangchi pany u bo. 23Nangchi ly kai ai naini chiu ai nai tla khyh; nangmychi i vui muku, tangkachi hawi tameuh mynchi sa iy chiu u moh. 24Apathyp ai nai vui y khaileaung hawi maicham sa ai nai tla; huni maicham salo y nang i beram, si, mi-i tawnbawi bom verei ai py, leunghawi kapathypra py, leng patlum ai nai tla. Kai ai chiu ai nai khai takhra nai meingtym tleirei y kang jeu iy amtheaung hai ai. 25Nangchi ly kai i vui lengseaung hawi maicham sa baly, si nai lengseaung hawi so moh; tamo hawi si nai lengseaung maicham ly chai y i, kai i vui y teaung ngau y nai ne.#Leu 27.5–7; Josua 8.11 26Maichamra y kheubyn so moh; sa lawh baly, nangchi maicham tleaung y lyn nai khala tlang ka-keu awm nai niu ai.
सध्या निवडलेले:
THEU NAI 20: KCL02
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Khumi Common Language Bible © Bible Society of Myanmar, 2005.