THEU NAI 20 मधील लोकप्रिय बायबल वचने

सामायिक करा

“Kai ly nangchi ai miseaung achei nai, Aikupta pri i dengdairei pahawi nai keung nangchi i ARENG Tameuh ne. “Kai ny y baly tameuh takhra y chiu moh.

“Kani khusangra i heng nai amjy, khaileaung salo i heng nai amjy, khaileaung anui tui theung i heng nai amjychi ka-tawm mynchi ly nangmychi i vui so u moh. Kai ly nangchi i ARENG Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai.

“Nang i ARENG Tameuh my pei nai pri y heng sau ai nai, nang i amhm, ampo ai tahm khai.

“Anawn kani y ja ai nai tami reng moh. Huni kani ai ly kachai khai takhra ai nai tla.

“Kai i amyn thui rumrang moh; kai ly nang i ARENG Tameuh ne i, kai i amyn thui rumrang nai khumi ai ly kapajeng ai.

Nang ly kani tariurei sala y, sa ai avo nai kalopchi sa ai nai tla; Saryh kani ly Tameuh i vui khai takhra nai anawn nai kani ne. Huni kani y ly nangmy hawi nang i cho chanauchi, miseaungchi, tawnbawichi, angvynchi py kalop sa ai nai avo y.

“Ami i yhm hlau paleung no moh; ami i aju py, miseaungchi ai py, tawnbawichi py, keaungngo kano kasauchi py, mymy i atitichi py paleung no moh,” napi.

“Amichi ai ka-chawi naimy seu rumrang moh.

“Pajang so moh.

“Khumi ai padei moh.

“Paviu moh.