Luke 23

Jesus Dibai Ngagai Pilate

(Matthew 27.1-2, 11-14; Mark 15.1-5; John 18.28-38)

1Semua raban Kunsil lalu angkat sereta, lalu mai Jesus ngagai Pilate. 2#Luk 20.25. Sida lalu belabuh bedawaka Iya, ku sida, “Kami nemu orang tu nesatka bansa kami, nagang kami mayar chukai ngagai Raja Besai, lalu ngumbai Diri Kristus,#23.2 Tauka: Messiah reti nya raja.”

3 # Mat 27.11-12; Mrk 15.2-3; Jhn 18.29-38; Luk 22.70. Pilate lalu nanya Iya, “Kati Nuan raja orang Judah?”

Jesus lalu nyaut iya, “Munyi ti ku nuan.”

4 # Luk 23.14, 22, 41; Mat 27.24; Jhn 19.4, 6; SKR 13.28. Pilate lalu bejaku ngagai sida tuai imam, enggau ngagai bala orang mayuh, “Aku nadai nemu kebuah kita bedawaka orang tu.”

5Tang sida bebendar agi bejaku, ku sida, “Iya megau orang mayuh, ngajar di serata menua Judea, kenyau ari Galili alai Iya ke berengkah, nyentuk ngagai endur tu.”

Jesus Dibai Ngagai Herod

6Lebuh Pilate ninga nya, iya lalu nanya enti Jesus nya orang Galili. 7Lebuh iya ninga Jesus datai ari menua ti dipegai Herod, iya lalu ngasuh Jesus dibai ngagai Herod, ke bisi di Jerusalem lebuh maya nya. 8#Luk 9.9; SKR 4.27-28. Lebuh Herod meda Jesus, iya gaga amat ati, laban iya lama udah keran deka betemu enggau Jesus, laban iya udah ninga berita pasal Jesus, lalu ngarapka diri ulih meda Jesus ngereja kereja ajih. 9#Mrk 15.5. Herod lalu lama nanya Jesus, tang Jesus enda nyaut iya. 10Sida tuai imam enggau sida pengajar Adat bisi bediri dia, bebendar amat bedawaka Jesus. 11#Mrk 15.17-19; Jhn 19.2-3. Indah Herod enggau bala soldadu iya deh beduan sereta ngeleseka Jesus. Udah nya iya ngerasukka baju panjai ti manah ba Jesus, lalu ngirumka Jesus pulai baru ngagai Pilate. 12Ba hari nya Herod seduai Pilate lalu bebaik enggau pangan diri. Sebedau nya, seduai iya endang bemunsuh enggau pangan diri.

Jesus Diukum Bunuh

(Matthew 27.15-26; Mark 15.6-15; John 18.39—19.16)

13Pilate lalu ngempuruka sida tuai imam, tuai bansa, enggau orang mayuh, 14#Luk 23.4, 22, 41. lalu bejaku ngagai sida, “Kita udah mai orang tu ngagai aku, madahka Iya udah nesatka orang mayuh. Aku udah mansik Iya di mua kita empu, lalu aku nadai nemu Iya bisi udah ngereja penyalah munyi ti ku kita. 15Herod pen nadai mega nemu penyalah Iya, laban iya udah ngirumka Iya pulai baru ngagai aku. Orang tu nadai udah ngereja utai ti tau ngasuh Iya kena ukum bunuh. 16#Luk 23.22; Jhn 19.12-14. Nya alai aku deka ngasuh Iya disipat, lalu ngelepaska Iya.” 17Nyadi Pilate endang selalu ngelepaska siku orang jil ke orang mayuh ba genap Gawai Paska.#23.17 Sekeda salin nadai ayat 17

18 # Mat 27.20-23; Mrk 15.11-14; SKR 3.13-14; Jhn 18.38-40; 19.14-15. Semua sida lalu manjung, ku sida, “Bunuh Iya! Lepaska Barabas ke kami!” ( 19Nyadi Barabas udah ditutup dalam rumah jil ketegal orang begau ngelaban perintah di nengeri nya, enggau ketegal iya udah munuh orang.)

20Laban Pilate endang deka ngelepaska Jesus, nya alai iya lalu bejaku baru ngagai sida. 21Tang sida majak manjung, “Regang Iya! Regang Iya!”

22Pilate lalu bejaku baru ketiga kali ngagai sida, ku iya, “Nama kebuah? Nama penyalah ti udah dikereja Iya? Aku nadai nemu Iya bisi udah ngereja penyalah ti tau ngasuh Iya kena ukum bunuh! Nya alai aku deka ngasuh Iya disipat, lalu ngelepaska Iya.”

23 # Mat 27.26; Mrk 15.15. Tang sida majak manjung madahka Jesus enda tau enda diregang. Ke pengujung iya, Pilate lalu nurutka sida, 24lalu meri pemutus penemu madahka peminta sida dikemendarka. 25Pilate lalu ngelepaska orang ke dipinta sida, orang ke udah ditutup dalam rumah jil ketegal iya udah mai orang angkat ngelaban perintah lalu udah munuh orang. Pilate lalu nyerahka Jesus ngagai sida, nurutka pinta sida.

Jesus Di Regang

(Matthew 27.32-44; Mark 15.21-32; John 19.17-27)

26Lebuh sida mai Iya ari endur nya, sida nangkap siku orang ke benama Simon orang Sairin, ke baru datai ari menua pesisir deka mansang ngagai nengeri, sida lalu manggaika regang nya ba belakang Simon, lalu mejalka iya ngesan regang nya ngentudi Jesus.

27Mayuh amat orang nitihka Jesus, nyengkaum sida indu ke mandam dada diri nyabakka Iya. 28#Luk 21.23-24; 19.41-44. Tang Jesus nguing ngagai sida, lalu bejaku, “Kita indu Jerusalem! Anang nyabakka Aku, tang nyabakka diri empu, enggau nyabakka anak kita. 29Laban hari deka datai alai orang deka nyebut, ‘Beberekat meh indu ke mandul, ke nadai kala ngandung, ke nadai kala nusuka anak!’ 30#Hos 10.8; Pem 6.16. Sida lalu belabuh bejaku ngagai bukit, ‘Tinggang kami!’ lalu bejaku ngagai munggu, ‘Lamun kami!’ 31Laban enti sida ngereja nya lebuh kayu agi idup, nama utai ti deka nyadi lebuh kayu nya udah rangkai?”

32Dua iku orang bukai, ke udah ngereja penyalah, mega dibai ngambika seduai iya dibunuh sama enggau Iya. 33Lebuh sida datai ba endur ti dikumbai “Keruntuk,” sida lalu ngeregang Iya dia sama enggau dua iku orang ke udah ngereja penyalah, siku muak ari kanan, lalu siku muak ari kiba Iya. 34#SKR 7.60; Mas 22.18. Udah nya Jesus bejaku, “Apai, ampun sida, laban sida enda nemu utai ti dikereja diri.”#23.34 Sekeda salin nadai: Udah nya Jesus bejaku, “Apai, ampun sida, laban sida enda nemu utai ti dikereja diri.”

Sida lalu bedua gari Iya ngena chara bechabut undi. 35#Luk 4.23; Mas 22.7. Orang mayuh bediri dia nengkilaka Iya, tang bala tuai orang Judah ngeleseka Iya. Ku sida, “Iya ngidupka orang bukai. Awakka Iya ngidupka Diri Empu, enti Iya amat Kristus ti udah dipilih Allah Taala!”

36 # Mrk 15.23; Mas 69.21. Sida soldadu mega ngeleseka Iya. Sida mansang ngagai Iya lalu meri Iya wain ti masam, 37ku sida bejaku, “Enti Nuan amat raja orang Judah, selamatka Diri Empu!”

38Siti pelekat bisi mega diengkah ari atas Iya, “Tu Raja orang Judah.”

39Siku orang ke udah ngereja penyalah ke diregang dia majak ngeleseka#23.39 Tauka: majak bejaku busung ngagai Jesus. Ku iya, “Kati Nuan ukai Kristus?#23.39 Tauka: Messiah Selamatka Diri Empu enggau kami duai!”

40Tang iya ke siku ngerara iya, ku iya, “Kati nuan enda nangika Allah Taala, laban nuan sama kena ukum baka Iya? 41#Luk 23.4, 14, 22. Tua endang patut diukum, laban tua amat udah ngereja penyalah, tang orang tu nadai udah ngereja penyalah.” 42Iya lalu bejaku ngagai Jesus, “Jesus, kingatka aku lebuh Nuan datai ngagai#23.42 Sekeda salin: dalam Perintah Nuan!”

43 # 2 Kor 12.3; Pem 2.7. Jesus lalu nyaut, “Enggau bendar Aku madah ngagai nuan, sehari tu nuan deka sama enggau Aku di serega.”#23.43 serega; Sekeda salin: Paradise lalu sekeda nyebut: Firdaus, iya nya endur alai nembiak Allah Taala diau belelak lantang senang nganti diri diakim ba pengujung dunya

Pemati Jesus

(Matthew 27.45-56; Mark 15.33-41; John 19.28-30)

44Ba urung tengah hari semua menua#23.44 Tauka: dunya petang magang, nyentuk ngagai pukul tiga ngalih hari, 45#P-sut 26.31-35; Heb 9.8; 10.19. laban mata hari nadai manchar agi. Kain tirai dalam Rumah Sembiang lalu charik belah dua. 46#Mas 31.5. Jesus lalu ngangau enggau nyawa ti inggar, “Apai! Aku nyerahka semengat Aku ngagai jari Nuan!” Lebuh Iya udah nyebut nya, Iya lalu ngapuska seput.

47Lebuh kepala soldadu meda utai ti udah nyadi, iya lalu muji Allah Taala. Ku iya, “Orang tu amat nadai penyalah!”#23.47 Tauka: lurus

48Lebuh semua orang ke begempuru nengkila dia meda utai ti nyadi, sida lalu pulai ke rumah, mandam dada diri. 49#Luk 8.1-3; 23.55-56; 24.10. Tang semua orang ke bekelala enggau Jesus, nyengkaum sida indu ke udah nitihka Iya ari Galili, bediri nengkila ari jauh.

Jesus Dikuburka

(Matthew 27.57-61; Mark 15.42-47; John 19.38-42)

50Nyadi dia bisi siku orang ke badas sereta lurus, benama Josep. Iya tu raban Kunsil. 51Tang iya enda besetujuka pelan enggau utai ti dikereja sida. Iya datai ari nengeri Arimatea, di menua Judea lalu iya nganti Perintah Allah Taala. 52Iya mansang ngagai Pilate, lalu minta bangkai Jesus. 53Iya nurunka bangkai Jesus, mungkus Iya ngena kain linin, lalu ngalika Iya dalam kubur ti udah ditebuk ba batu galang, lalu nadai udah kala dikena alai nguburka orang. 54Nyadi hari nya Hari Nyendiaka Gawai, lalu hari Sabat nyau deka berengkah.

55Sida indu ke udah datai enggau Jesus ari Galili, nitihka Josep lalu sida meda kubur nya, sereta meda chara bangkai Jesus digalika dalam kubur nya. 56#Mrk 16.1; P-sut 12.16; 20.10; U-dat 5.14. Udah nya sida pulai, lalu nyendiaka rempah enggau minyak wangi.

Lebuh hari Sabat, sida diau, nitihka pesan.

सध्या निवडलेले:

Luke 23: BK

ठळक

सामायिक करा

कॉपी करा