Luke 22
22
Bepekat Deka Munuh Jesus
(Matthew 26.1-5; Mark 14.1, 2; John 11.45-53)
1 #
P-sut 12.1-27. Maya ngintu Gawai Roti Ti Enda Beragi, ti dikumbai Gawai Paska, nyau semak. 2Sida tuai imam enggau sida pengajar Adat begigaka jalai munuh Jesus, laban sida takutka orang mayuh.
Judas Besetuju Deka Nyual Jesus
(Matthew 26.14-16; Mark 14.10-11)
3Udah nya Sitan tama ngagai Judas, ke dikumbai Iskariot, siku ari sida ke dua belas. 4Judas mupuk lalu berandau enggau sida tuai imam, enggau bala pemesai ke nyaga Rumah Sembiang, pasal jalai iya nyual Jesus ngagai sida. 5#Mat 26.14-16; Mrk 14.10-11; Jhn 13.2. Sida gaga amat ati, lalu besetuju deka meri iya duit. 6Nya alai Judas besetuju, lalu belabuh begigaka peluang nyual Jesus ngagai sida, lebuh orang mayuh nadai dia.
Jesus Sedia Deka Makai Pemakai Gawai Paska
(Matthew 26.17-25; Mark 14.12-21; John 13.21-30)
7 #
P-sut 12.18-20; U-dat 16.5-8. Hari Gawai Roti Ti Enda Beragi pen nyau datai, alai anak domba Gawai Paska deka disayat. 8#SKR 3.1; Luk 19.29. Nya alai Jesus ngasuh Peter seduai John, ku Iya, “Alai seduai mupuk, lalu nyendiaka pemakai Gawai Paska ke kitai, ngambika kitai makai.”
9Seduai iya lalu nanya, “Dini alai Nuan ngasuh kami duai nyendiaka nya?”
10Disaut Jesus, “Dingaka tu: lebuh seduai tama ngagai nengeri, siku lelaki ke mai tepayan#22.10 Tauka: tempayan ai deka betemu enggau seduai. Titihka iya ngagai rumah ti alai iya tama, 11lalu sebut ngagai orang ke bempu rumah nya, ‘Pengajar nanya ngagai nuan, “Dini alai bilik temuai, alai Aku deka makai pemakai Gawai Paska enggau murid Aku?” ’ 12Iya deka madahka ngagai seduai siti bilik ti besai di sadau, ti udah dikemas. Sediaka semua utai dia ke kitai.”
13Seduai iya mupuk, lalu nemu semua utai munyi ti udah dipadahka Jesus ngagai seduai iya. Seduai iya lalu nyendiaka pemakai Gawai Paska.
Pemakai Tuhan Ditumbuhka
(Matthew 26.26-30; Mark 14.22-26; John 13.17; 1 Korint 11.23-25)
14Lebuh jam nyau chukup, Iya lalu belatur duduk ba mija, sama enggau sida rasul. 15#Luk 12.49-50. Ku Iya bejaku ngagai sida, “Aku bisi amat ati deka makai pemakai Gawai Paska tu enggau kita sebedau Aku kena perinsa, 16#Luk 14.15. laban, Aku madah ngagai kita, Aku enda makai#22.16 Sekeda salin: enda agi makai pemakai tu datai ke iya dikamatka dalam Perintah Allah Taala.”
17 #
Mat 26.27; Mrk 14.23; 1 Kor 10.16. Iya lalu ngambi mangkuk, lalu lebuh Iya udah meri terima kasih, Iya lalu bejaku, “Ambi tu, lalu bagi entara bala kita, 18#Mat 26.29; Mrk 14.25. laban, Aku madah ngagai kita, belabuh ari diatu Aku enda ngirup wain tu nyentuk ngagai maya Perintah Allah Taala datai.”
19 #
Mat 26.26; Mrk 14.22; 1 Kor 10.16; 11.23-26; Luk 9.16. Iya lalu ngambi roti, lalu lebuh Iya udah meri terima kasih, Iya mechahka roti nya, lalu nyuaka nya ngagai sida, ku Iya, “Tu tubuh Aku, ti diberi ke kita. Kereja tu kena ngingatka Aku.” 20#Jer 31.31-34. Baka nya mega, lebuh sida udah badu makai, Iya ngambi mangkuk, ku Iya, “Mangkuk tu ti dituang ke kita nya sempekat baru Allah Taala ti ditanggam ngena darah Aku.#22.20 Sekeda salin nadai ayat 19b-20: ti diberi ke kita…ditanggam ngena darah Aku
21 #
Mat 26.21-24; Mrk 14.18-21; Mas 41.9; Jhn 13.21-30. Tang, peda kita! Orang ke nyual Aku bisi enggau Aku ba mija tu! 22Laban Anak Mensia deka mati, nitihka atur Allah Taala, tang tulah orang ke nyual Iya!”
23Sida lalu belabuh betanya ngagai pangan diri, sapa ari bala sida ke deka ngereja nya.
Bekelikuhka Pasal Sapa Ke Besai Agi
24 #
Mat 18.1; Mrk 9.34; Luk 9.46. Sida murid mega bekelikuhka sapa ari bala sida ke tau dikumbai pemadu besai. 25#Mat 20.25-27; Mrk 10.42-44. #Mat 20.25-28; Mrk 10.42-45; Jhn 13.3-16. Tang ku Iya bejaku ngagai sida, “Raja orang bansa bukai merintah orang ke dipegai sida, lalu orang ke megai kuasa atas sida ngumbai diri ‘Pangan Orang Mayuh’. 26#Mat 23.11; Mrk 9.35. Tang utai nya enda baka nya ba bala kita. Orang ke pemadu besai dalam bala kita enda tau enda nyadi baka orang ke pemadu biak, lalu orang ke nyadi kepala enda tau enda nyadi orang ke mela. 27#Jhn 13.12-15. Laban sapa ke besai agi? Iya ke duduk ba mija, tauka iya ke mela? Tentu orang ke duduk, ukai enda? Tang Aku begulai enggau kita nyadi orang ke mela.
28 #
Mat 19.28; Luk 4.13; Heb 2.18; 4.15. “Kita udah begulai enggau Aku lebuh Aku natka semua pemerinsa Aku, 29#Mrk 14.24; Heb 9.20. lalu Aku meri kita kuasa merintah,#22.29 Sekeda salin: Aku meri kita Perintah baka Apai ti udah meri Aku kuasa kena merintah,#22.29 Tauka: baka Apai ti udah meri Aku Perintah, 30#Mat 19.28. ngambika kita ulih makai ngirup ba mija Aku dalam Perintah Aku, lalu kita deka duduk ba kerusi diraja, ngakim dua belas raban bansa orang Israel.
Jesus Madahka Peter Deka Besangkalka Iya
(Matthew 26.31-35; Mark 14.27-31; John 13.36-38)
31 #
Jop 1.6-12; Amo 9.9. “Simon, Simon! Dinga nuan! Sitan udah minta Aku ngemendarka iya#22.31 Tauka: udah bulih pemendar ngayak semua kita baka ke ngayak gandum, 32#Jhn 17.15; 21.15-17. tang Aku udah besampika nuan Peter,#22.32 Tauka: Simon ngambika pengarap nuan kering, lalu lebuh nuan udah pulai baru ngagai Aku, keringka sida menyadi nuan.”
33 #
Mat 26.33-35; Mrk 14.29-31; Jhn 13.37-38. Lalu ku Peter bejaku ngagai Iya, “Tuhan, aku sedia deka ditutup dalam rumah jil lalu mati enggau Nuan!”
34Jesus lalu nyebut ngagai iya, “Aku madah ngagai nuan, Peter, sebedau manuk mengkukuk sehari tu, nuan udah besangkalka Aku tiga kali.”
Kandi Duit, Kambut, Enggau Pedang
35 #
Mat 10.9-10; Mrk 6.8-9; Luk 9.3; 10.4. Ku Jesus bejaku ngagai sida, “Lebuh Aku ngasuh kita bejalai, lalu enda nyagi kita mai kandi duit, tauka kambut, tauka selipar, kati kita bisi suntuk utai?”
“Nadai,” ku sida nyaut.
36 #
Luk 22.49-50. Ku Iya bejaku ngagai sida, “Tang diatu, barang sapa bisi kandi duit, enda tau enda mai kandi nya, lalu baka nya mega orang ke bisi kambut. Lalu orang ke nadai pedang, enda tau enda nyual kelambi iya, lalu meli pedang. 37#Isa 53.12. Laban Aku madah ngagai kita, jaku ti disebut dalam Bup Kudus, ‘Iya deka begulai enggau orang ke jai,’ enda tau enda dikamatka ba Aku, laban utai ti ditulis pasal Aku endang benung dikamatka diatu.”
38Sida murid Iya lalu bejaku, “Peda Nuan, Tuhan! Tu dua bilah pedang!” Iya lalu nyaut, “Umbas meh nya.”#22.38 Tauka: Udah meh nya
Jesus Besampi Ba Bukit Kana
39 #
Mat 26.30; Mrk 14.26; Jhn 18.1. Iya pansut lalu mupuk baka selama ngagai Bukit Kana, lalu sida murid nitihka Iya. 40#Mat 26.36-46; Mrk 14.32-42; Heb 5.7-8.Lebuh Iya datai ba endur nya, Iya lalu nyebut ngagai sida, “Besampi ngambika kita enda kena laban penguji.” 41Iya lalu bejalai jauh mimit ari sida, kira sepenikau batu ari sida, besugang lalu besampi, 42#Mrk 10.38; Jhn 18.11; 5.30. “Apai, enti Nuan deka, ambi mangkuk tu ari Aku; ukai nitihka peneka Aku, tang awakka peneka Nuan nyadi.” 43Udah nya siku melikat ari serega pegari di mua Iya, lalu ngeringka Iya. 44Enggau ati ti balat tusah, Iya bebendar agi besampi, datai ke peluh Iya nyau baka darah neritik ngagai tanah.#22.44 Sekeda salin nadai ayat 43-44
45Lebuh Iya angkat ari endur Iya ke besampi, Iya pulai ngagai sida murid Iya, lalu nemu sida tinduk, laban sida lelak laban ati ti kelalu balat tusah. 46Iya lalu bejaku ngagai sida, “Nama kebuah kita tinduk? Angkat, lalu besampi, ngambika kita enda kena laban penguji.”
Jesus Ditangkap
(Matthew 26.47-56; Mark 14.43-50; John 18.3-11)
47Lebuh Iya agi benung bejaku, bala orang lalu ngenyit datai, diuluka Judas, siku ari sida ke dua belas. Judas mansang ngagai Jesus, deka nyium Iya. 48Tang ku Jesus bejaku ngagai iya, “Judas, kati nuan nyual Anak Mensia ngena sium?”
49 #
Luk 22.38. Lebuh sida murid ke sama enggau Jesus meda utai ti deka nyadi, sida lalu nanya, “Tuhan, kati kami tau mantap sida ngena pedang?” 50Siku ari bala sida lalu mantap ulun imam besai, mutuska pending kanan iya.
51Tang ku Jesus bejaku, “Badu agi!” Iya lalu negu pending orang nya, lalu ngeraika iya.
52Jesus lalu bejaku ngagai sida tuai imam enggau bala polis ke nyaga Rumah Sembiang, enggau sida tuai bansa ke udah datai nangkap Iya, “Kati Aku tu penyamun alai kita datai mai pedang enggau pemalu?” 53#Luk 19.47; 21.37. Lebuh Aku begulai enggau kita tiap hari dalam Rumah Sembiang, kita enda nangkap Aku. Tang tu endang maya kita, maya kuasa pemetang merintah.”
Peter Besangkalka Jesus
(Matthew 26.57-58, 69-75; Mark 14.53-54, 66-72; John 18.12-18, 25-27)
54 #
Mat 26.57-58; Mrk 14.53-54; Jhn 18.12-16. Sida lalu nangkap Jesus lalu mai Iya ari endur nya ngagai rumah imam besai. Tang Peter nitih ari jauh. 55Lebuh sida udah nungkunka api ba tengah laman nya lalu duduk, Peter mega duduk enggau sida. 56#Mat 26.69-75; Mrk 14.66-72; Jhn 18.16-18, 25-27. Siku indu ke ulun lalu tepedaka Peter duduk nunga api. Iya lalu merening ngagai Peter, lalu bejaku, “Orang tu pen udah meh enggau Iya!”
57Tang Peter besangkalka nya, ku iya, “Indu, aku enda ngelala Iya!”
58Enda lama udah nya, siku agi orang meda Peter lalu bejaku, “Nuan pen siku ari bala sida!”
Tang ku Peter nyaut, “Ukai!”
59Kira sejam udah bekau nya, siku agi orang bejaku, “Orang tu tetap udah enggau Jesus, laban iya orang Galili!”
60Tang ku Peter nyaut, “Aku enda nemu utai ti ku nuan.”
Tekala nya, lebuh Peter agi benung bejaku, manuk mengkukuk. 61#Luk 7.13; 22.34. Tuhan nguing lalu merening ngagai Peter. Peter lalu ingatka jaku Tuhan, jalai Iya nyebut ngagai Peter, “Sebedau manuk mengkukuk sehari tu, nuan udah besangkalka Aku tiga kali.” 62Peter pansut lalu duie-duie nyabak.
Jesus Dikeduan Lalu Dipalu
(Matthew 26.67-68; Mark 14.65; John 18.22-24)
63Orang ke nyaga Jesus beduan Iya, lalu belabuh ngelese sereta malu Iya. 64Sida mega mampul mata Iya ngena kain, lalu majak nanya Iya, “Uji sangka! Sapa malu Nuan?” 65Sida majak nyebut mayuh macham utai bukai kena sida ngeleseka Iya.
Jesus Dibai Ngagai Kunsil
(Matthew 26.59-66; Mark 14.55-64; John 18.19-24)
66 #
Mat 26.57; Mrk 14.53; Luk 22.54. Lebuh hari nyau tawas, sida tuai bansa, tuai imam, enggau sida pengajar Adat begempuru, lalu sida mai Jesus ngagai Kunsil. 67#Mat 26.63-66; Mrk 14.61-64; Jhn 18.19-21. Ku sida, “Padahka ngagai kami, enti Nuan tu Kristus?”#22.67 Tauka: Messiah
Iya lalu nyaut, “Enti Aku madah ngagai kita, kita enggai arap, 68lalu enti Aku nanya kita, kita enggai nyaut. 69Tang belabuh ari diatu, Anak Mensia deka duduk muak ari kanan Allah Taala ti Bekuasa.”
70 #
Luk 23.3; Mat 27.11. Semua sida lalu nanya, “Enti pia, kati Nuan tu Anak Allah Taala?”
Lalu ku Iya bejaku ngagai sida, “Kita ngumbai Aku Anak Allah Taala.”
71Sida lalu bejaku, “Kitai enda ibuh begunaka saksi bukai. Kitai empu udah ninga nya ari mulut Iya Empu!”
सध्या निवडलेले:
Luke 22: BK
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Hakcipta © 2011, The Bible Society of Malaysia
Copyright © 2011, The Bible Society of Malaysia
