Малын тэвш рүү хийх аянЗагвар

Есүс амьдралыг өөрчилдөг

Есүсийн төрсөн тэр шөнө, хоньчид Түүний хамгийн анхын гэрчүүд болжээ. Хүнээс хүн дамжин мэдээ хэрхэн тарсан талаар төсөөлөөд үз. Бэтлэхэмд ядарсан аянчид дүүрэн байсан бөгөөд хоньчдын гайхширал, баяр хөөрийг анзаарахгүй байхын аргагүй байсан нь гарцаагүй.

Төрснөөсөө тэнгэрулс өөд явах хүртлээ Есүс Өөртэй нь уулзсан бүхий л хүмүүсийн амьдралыг өөрчилсөн. Учир нь Түүний хайр хүрсэн зүйлээ өөрчилдөг, Тэрээр энэ дэлхийд нөлөөгөө үзүүлсэн хэвээр байгаа. Түүний хайрын улмаас өөрчлөгдсөн хүмүүсээр дамжуулан шинэ амийн талаарх Өөрийнхөө мессэжийг алдагдсан хүмүүст хүргэхээ Тэрээр үргэлжлүүлсээр байдаг. Хамгийн анхны тэр л Христ мэндэлсэн баярын хоньчдын адилаар, бид ч мөн Түүний улаачид мөн.

Есүс таны амьдралыг хэрхэн өөрчилсөн түүх тань юу вэ? Зовж буй эсвэл ямар ч зүг чиггүйгээр хайгч хүмүүстэй Түүний хайрыг хуваалцахаас өөр ямар агуу бэлгийг та өгөх боломжтой вэ?

Өнөөдөр, Түүний төрөлтийг тэмдэглэ-Өөрийнхөө нөхцөл үл шаардах хайрыг Тэрээр танд үзүүлсэн бүхий л арга замуудыг тэмдэглэ. Тэгээд бусдад энэ талаараа ярь, тэгснээрээ тэд ч мөн адил Түүгээр төгс хайрлагдах боломжтой болох юм.

Үйл ажиллагаа:Агуу баяр хөөрийн сайнмэдээг хуваалц! Хэн нэгэнд Есүсийн талаар мөн таны амьдралд Түүний үзүүлсэн нөлөөллийн талаар ярь.

 Энд дарж Эцэг рүү ойртох, Түүнтэй харилцах харилцаагаа гүнзгийрүүлэх талаар улам илүүг олж мэдээрэй.