Gyenesis 5
5
Adam Asefo
(1 Mbermunsɛm 1.1-4)
1 #
Gye 1.27, 28 Adam n’ebusuasantsen nwoma nye yi. Da a Nyankopɔn bɔɔ nyimpa no, Nyankopɔn ne saso do na ɔyɛɛ no; 2#Mat 19.4; Mar 10.6 ɔbanyin nye ɔbaa na ɔbɔɔ hɔn; na ohyiraa hɔn, na ɔfrɛɛ hɔn nyimpa. 3Na Adam dzii mfe ɔha eduasa no ɔwoo ne saso babanyin, na ɔtoo no dzin Set: 4na Adam woo Set no n’ekyir ne nda yɛɛ mfe ahaawɔtwe: na ɔwoo mbabanyin nye mbabaa. 5Na nda a Adam dzii nyinara ɔyɛ mfe ahaakron eduasa.
6Set dzii mfe ɔha nye enum no, ɔwoo Enos: 7Na ɔwoo Enos no n’ekyir odzii mfe ahaawɔtwe nye esuon, na ɔwoo mbabanyin nye mbabaa: 8na Set ne nda nyinara yɛɛ mfe ahaakron nye duebien.
9Na Enos dzii mfe eduokron no, ɔwoo Kenan: 10na Enos woo Kenan no n’ekyir odzii mfe ahaawɔtwe duenum, na ɔwoo mbabanyin nye mbabaa: 11na Enos ne nda nyinara yɛɛ mfe ahaakron nye enum.
12Na Kenan dzii mfe eduosuon, na ɔwoo Mahalalel: 13na Kenan woo Mahalalel no n’ekyir no odzii mfe ahaawɔtwe eduanan, na ɔwoo mbabanyin nye mbabaa: 14na Kenan ne nda nyinara yɛɛ mfe ahaakron nye du: na owui.
15Na Mahalalel dzii mfe eduosia enum, na ɔwoo Jared: 16na Mahalalel woo Jared no n’ekyir odzii mfe ahaawɔtwe eduasa, na ɔwoo mbabanyin nye mbabaa. 17Mahalalel ne nda nyinara yɛɛ mfe ahaawɔtwe eduokron enum.
18Na Jared dzii mfe ɔha eduosia ebien, na ɔwoo Enok: 19na Jared woo Enok no n’ekyir odzii mfe ahaawɔtwe, na ɔsanee woo mbabanyin nye mbabaa: 20na Jared ne nda nyinara yɛɛ mfe ahaakron eduosia ebien na owui.
21Enok dzii mfe eduosia enum no, ɔwoo Metusela: 22na Enok woo Metusela no n’ekyir ɔnye Nyankopɔn nantseew mfe ahaasa, na ɔwoo mbabanyin nye mbabaa binom so. 23Enok ne nda nyinara yɛɛ mfe ahaasa eduosia enum: 24#Heb 11.5 na Enok nye Nyankopɔn nantsewee: na woennhu no bio, osiandɛ Nyankopɔn faa no kɔree.
25Metusela dzii mfe ɔha eduowɔtwe esuon no, ɔwoo Lamek: 26na Metusela woo Lamek no ekyir no, odzii mfe ahaesuon eduowɔtwe ebien, na no mu na ɔsanee woo mbabanyin nye mbabaa. 27Metusela ne nda nyinara yɛɛ mfe ahaakron eduosia akron: na owui.
28Na Lamek dzii mfe ɔha eduowɔtwe ebien, na ɔwoo babanyin: 29na ɔtoo no dzin Noa, dɛ, Oyiara na ɔbɛkyekye hɛn werɛ wɔ hɛn edwuma nye hɛn nsaano berɛ mu, osian asaase a EWURADZE apaa no no ntsi. 30Na Lamek woo Noa no ekyir odzii mfe ahaenum eduokron enum, ɔno mu na ɔwoo mbabanyin nye mbabaa binom so: 31na Lamek ne nda nyinara yɛɛ mfe ahaesuon eduosuon esuon.
32Na Noa dzii mfe ahaenum no, ɔwoo Sem, Ham, nye Jafet.
Одоогоор Сонгогдсон:
Gyenesis 5: MFANBRPC
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Mfantse Bible © Bible Society of Ghana, 2011.
