Ovun Apostol 6
6
1Im ran dan sū mori pol sugkū dūtū tandam sah ovnūrie mori, yetepū nenūafokefo enirora ōveteme Helene dūmūtavūntan iranda ōveteme Hibrū popōwo ōvun neviampūwi isenda dūmnelesakepon iranda pol sugkū dūtūvūrak wokonda nevag. 2Mirora mori Twelv dūmūsemsimokonda sū ōvun nūrie momūnūwi mūmokū, Tawi aremī ka kel owi nam eni Nōbū lentorugat ugi netevūrak nevag, 3Popōwo imo sugkū wosorugi rapmamsīemi seven sugkū kĭmi ōveteme ūmnumpūvsok aremī iranda, mumampwarugi Naviat Tumpora ĭm numpūn nelekon ĭm ka ke lantipe irora worumpi imo numpūrak, 4Im ka kelenatekisah ugi nufwaki ĭm len torenūwi sah nam. 5Semsimak omwisū dūmokū nam aremi: mirora dūmū tampolora Stifan, neteme tavniri ves yemovūwar ugi Naviat Tumpora, ĭm Filip, ĭm Prokorus, ĭm Nīkanor, ĭm Sīmon, ĭm Parminas, ĭm Nĭkolas sī nūrie ra Antiok: 6Mūtipe irora ūniminda ōvun apostol: mirora dūmūfwaki mūtipe nokovenda iranda.
7Im nam eni Nōbū yemteli; movnūrie dūmū tandamsah tamas ra Yerūsalem; ĭm sikat ra irora ōveteme sokowar dūmūsendiuki nam tavniri.
8Im Stifan yovūwarugi tavniri ĭm horog yemumpi ov numpūrak sū navlugi horog iranda netevokontū. 9Kō dūmūtūok nugkon ra semsimak ra nimo tavsogi isenda Libertne ĭm Sirini, mōveteme Aleksandria, mōveteme Sīlisia, mōveteme Esia, mori dūmūseloki gi nam dal Stifan. 10Mirora tawi faneteme woretūramtugi nelekon ĭm horog ra nam Stifan yemenūwi. 11Mirora dūmūvi ōveteme mori dūmumpūvsok namli mūmokū, Ka kelorigi iyi yemenūwi memokū namli sat iran Mōses ĭm Nōbū. 12Mirora dūmūsendūkiya ūnōwanda ōvnetevo kontū, mōveteme talam, movun Somūl, mūmūvlevelum pugi mūmūlekavi momutori ra naūor, 13mūmūtipe ōveteme worumpūvsok namli mori dūmūnūwi mūmokū, Imō neteme otūm owi woresendūkia ugi imo nūrū tumpora movun netiyi tumpora; 14ĭt ka kelorigi iyi yemenūwi memokū, Iesu neteme Nasaret ontivavtiti imo nūrū mesumpoli memtampnemugi ōvun nam sū ugi entiame mori iyi Mōses yemovug kos. 15Mirora omwisū mori dūmūtesep ra naūor mori dūmūtūpotnemi iran dūmokesi nipmi eni sugkū nipmi eni sī nagelo.
Одоогоор Сонгогдсон:
Ovun Apostol 6: ERGNT79
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Erromangan New Testament © British and Foreign Bible Society, 1909,1979.
