Ovun Apostol 7
7
1Potni sokowar itagkeli memokū, Imo sū sugkū kū? 2Miyi yemenūwi memokū, Urigi, Ravūgeme, Nōbū Nilasilaswi, yemetūratumpeni pugi Ebraham itemen e kos pol sugkū iyi ra Mesopotemia penūri iyi yemetūtendowi ra Haran, 3memenūwi pugi memokū, Eve mowi nūrū sorum ĭm rapmisĭeme, ĭm pelum ra nūrū ya kosesi punok. 4Miyi yemowi nūrū isenda ōveteme Kaldia memetĭndowi ra Haran: pol sugkū itemen eni yimas Nōbū yemtori marugi nūrū yūi memetipe igko kūmantindowiwi: 5miyi yetū vugi sī nūrū nisekon, tawi nemap woretipe nowon eni; kō yem-yevūwos memokū ampugi iyi, ĭm mov novsin eni ra nisah ĭm tawi sī netni isen ra nempugon mori. 6Miyi yemenūwi memokū ōvun novsin eni wantendowi ra nūrū tawi isenda worumpi irora worelĭvsaū mampiesesat irora nevi sū for hunder. 7Im Nōbū yōmenūwi memokū, ya onūrian iranda lō mori irora wolivsaū iranda: ĭm penūri irora wampe pelah montevita irag ra imo nūrū. 8Miyi yemovugi nempasiwugi ūnam ugi numpi namon: miyi yivi Isak memumpi namon iran ran dan sĭklem mesikĭugi; ĭm Isak yivi Yēkob; miyi Yēkob retĭsme enugkos twelv. 9Im retĭsme mori dūmworemi sat momūvasi Yosef (woreve) ra Ityĭpt: ĭm Nōbū ūndū iyi, 10memeviēyōwara iyi marugi ovnelĭleki isen omwisū mo movugi nelugelugi ves ĭm noĭntanwi ūnĭpmi eni Ferō, natemonok ra nūrū Ityĭpt, memetipe iyi nivūo ra nūsian ra Ityĭpt im ra nimo omwisū isen. 11Im temas yivelum ra nūrūsū Ityĭpt ĭm Kēnan sugkū, ĭm sokomūlep: ĭm ritĭsme soret dūtūkesi nevag. 12Im Yēkob yemorigi nam memokū korn ra Ityĭpt, memtamūlora (mampūm) ritĭsme soret. 13Im ra nempugon dūrūgi yemsesi iyi punora ravensieme eni, ĭm Fero yemokesora ravinsīeme eni Yosef. 14Im Yosef yemtamūli (nam) memtori Yēkob itemen eni mov numpunaran isen omwisū mori irora sū seventi-fīv. 15Im Yēkob yemyep ra Ityĭpt momas, iyi, mirora ritĭsma soret; 16dūmuriuki irora ra Sekem mūmūtenemora ra veli mori Ebraham yivasigi muni marokonda ōvun netnime, eni Emor itemen Sekem. 17Im pol sugkū yemumpotipot nempugon worekompeli sū nievūos nam mori Nōbū yepmenūwi nam ūnam memokū ugi pugi Ebraham, netevokontū mori dūmūlūgalaū mūmūtendamsah ra Ityĭpt, 18mafeli nempugon sī mōmū natemonok ra nūsian yivelum mori yetūkili Yosef. 19Miyi mori yemumpi nimpiri iranda ritĭsme soret, moĭmpĭindi ritĭseme soret memumpi irora duasivi ugi ovalalaū ītevaū ma sugkū ūtū arnūrep. 20Im Moses (ra nempugon mori) yeti numprokomol nalaū numposeti ūnĭpmi eni Nōbū, dūmūtinte iyi itĭs endesel ra mumpon nimo eni itemen: 21Im pol suukū dūmūwi iyi, nitni Itnasiven eni Fero yimpĭ momefinte sugkū netni eni. 22Dūmūtavsogi Moses ugi ov numpon nelekon omwisū enirora ōveteme Ityĭpt; miyi yeti horog ugi nam mov numpūrak. 23Im pol sugkū nevi sū forti iran sī tarū yivelum ūnōwan iyi yemokū otopotnemora ravinsīeme eni, ovnitnime ra Isrēel. 24Yemokesi sī mori yempĭĭndi iyi, miyi semsempari iran, memokorugi iran, nisekon mori dūvĭĭndi, yitĭ neteme Ityĭpt: 25miyi yemokū ravinsīeme eni pūlavenūri ma Nōbū amkorēj ōwara ugi iyi; kō irora dūtu kili. 26Im rat mran iyi yōempelum punora polekū dūmoil, memenūavsokonda worēetora memenūwi memokū, Ovragi, kūti rapmime kūmawo nevĭsisat irami? 27Im neteme mori yempĭĭndi numpūnaran isen yemsafeti iyi kitan memtagkeli memokū, Mē otipe kĭk natemonok ĭm neteme nūrian iramam? 28Kĭmagkū wōretalokoyaū sugkū kumpi iran neteme Ityĭpt ninū, kū? 29Im Moses yemalo ra imo nam memetĭndowi ra nūrū Mĭdian, memeti ov nitnime en dūrū. 30Im pol sugkū nevi sū forti isūma, nagelo eni Iehōva yemetūratumpeni pugi ra nuru wokon, ra numpūwo Sĭna, ugi silūamen nom ra nē tobūtovū. 31Im Moses yemokesi memavlugi ugi nokesi mori: miyi yemumpotipot woretopotneme memorigi navian eni Novsūromon yemenūwi pugi memokū, Yaū Nōbū enirora ritimime sorum, 32Nōbū eni Ebraham, ĭm Nōbū eni Isak, ĭm Nōbū Yēkob. Im Moses yemevukūrakūra memetū atekisah woresugkelowi. 33Im Novsūromon yemenūwi pugi memokū, Sūli woravan marugi nowom: popōwo nūrū mori kĭk emantūrūwi oti tumpora. 34Yaū mokesi sokomūlep enirora netevokontū enyaū ra Ityĭpt, ĭm yaū morigi nasaū enirora ĭm ya okoyep woreumkorēyōwara: Elum, ya kontamūlok ra Ityĭpt. 35Iyi Moses mori irora dūnūaveni mūmokū, Mē otipe kĭk natemonok ĭm neteme nūrian iramam? Nōbū yemtamūli iyi mori narisah ĭm nēyōwara, ugi nempasiwugi eni nagelo mori yetūratumpeni pugi ra mumpon nē tobūtovū, 36Iyi mori yemtorora ratilat memumpi ovnokesinepūp mov numpūrak navlugi ra nūrū Ityĭpt ĭm ran tok navilara, ĭm ra nūrū wokon ra nevi sū forti. 37Iyi Moses mori yemenūwi punora ōvun netnime Isrēel memokū, Nōbū enugkimi ontori sī profet nisekomi marokonda rapmisīeme sugkū yaū, kĭmi kwampendugugi. 38Imo iyi mori dal semsimak ra nūrū wokon, mūndū nagelo mori yemenūwi pugi ra numpūwo Sīna, ĭm dal retemeneme soret: mori yimpī nam nomūrep worevugkos: 39Im retemeneme dūtū akĭugi woresendiukives iyi kō dūsaveti marokonda, mōmūtorileki ugi tarū sū isenda ra Ityĭpt: 40Mūmūnūwi pugi Eron, Umpi ōv nōbū mori wampūm iramam: popōwo Moses mori yetorokos marugi Ityĭpt, ka ke letūm lagkili iyi kowo. 41Mirora dūmumpi sī kaf ra nempugon mori mūmū sokowar iran safi namlī mori momavosavos ugi nūrah mori irora dūumpi. 42Im Nōbū yemelampia (marokonda) woretivita iranda ōvun tentūrū ūnpōkop, sugkū nam yemetiyi ra mumpon netiyi ōvun profet, memokū,
Kĭmi lō Isrēel, kūmo voyaū ōvun nokolisiranda ōvun nūrah, movun sokowara ra nūrū wokon nevi su forti kū?
43Im kĭmi kūmūriuki sah tent eni Mōlok,
Im mosi eni Refan,
Enugkimi, ōvun safi mori kūmumpi woretivita iranda,
Im ya andiugkūm ran tanugkon Babilon.
44Tent ugi ōvun numpūvsok dal etementeme ra nūrū wokon, sugkū iyi yempasiwugi mori yemenūwi pugi Moses memokū iyi onumpi sugkū safi mori iyi yemokesi, 45Mori retementeme soret dūmovunora mori dūmūrora mūmuriuki ĭm pelum dal Yosūa ra nūrū isenda ōvnilevōkevat, mori Nōbū yemtelesora marugi niminda retementeme mafeli nempugon eni Dēvid; 46mori Nōbū yemokesi ves iran miyi yemakiugi worokesi isenwi nisekon Nōbū eni Yekob. 47Kō Solomon yimumpi nimō nisekon. 48Kō yemenūwi memokū iyi Tantevakepe otū mantendowi ra ōvun nimo ōveteme dūmuinpi; sugkū profet yemenūwi memokū,
49Iehōva yemtagkili memokū, Pōkop potnumptowo enyaū,
Im nemap woretipe nowog;
Sie nimo kĭmi kūonumpi nisekūg?
Kū nūrū sorug woremendog ia!
50Nokovūg yemumpi imo sū omwisū kū?
51Ovun nugkugko, dūtū umpi namon irami, numpindi otum mentipelah nipmi ūnisog kĭmi, kū telugomi: sugkū retemime sugkū kĭmi. 52Mē sī ra irora ōvun profet retemime dūtū muvĭesi sat iran? Mirora dūtalokonda mori dūbflm mūmūtorenūwi mūmokū ugi Iyi Tanepo; mori yivelum mori marima kĭmi kūmimperigi mūmūtalugi; 53kūmūvĭ ōvun silinivi nam ugi ōvun agelo ĭm kūtū alekoleki.
54Pol sugkū irora dūmūrigi imo sū irora dūmolintorugi ugi nakan, mirora dūmūvūwarugi ugi naraki tamas. 55Kō iyi yemovūwarugi ugi Naviat Tumpora, miyi yemtopotneme unpokop memokesi nilasilaswi eni Nōbū ĭm Iesū yemetūrū ra nokoren meves eni Nōbū, 56miyi yemenūwi memokū, Urĭgi, yakum magesi umantūrū pokop tĭpelah im Nitni eni Neteme ra nokoren meves eni Nōbū. 57Mirora dūmuvrugi sah gi navian sah mūmūsumpat telegonda, mūmalo iran ugin tarū siteven; Im pol sugkū dūmūtūvileguni nimote, dūmūtevi gi nevat; 58mōvun numpūvsok dūmūtipe ōv nemas isenda ra nowon eni sī neviarep nin eni Sol. 59Mirora dūmūtevi Stifan ugi nevat, miyi yemovrugi memenūwi memokū, Ah, Iesū Novsūromon, vī naviat sorūg. 60Miyi yemseumpuneterin mo movrugi gi navian sah, memokū, Ah Novsuromon, etū tampenĭgi sat isenda. Im pol sugkū iyi yemenūwi imo iyi yemaleepo. Im Sol yemenūwi sugkū, memokū wontalugi iyi.
Одоогоор Сонгогдсон:
Ovun Apostol 7: ERGNT79
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Erromangan New Testament © British and Foreign Bible Society, 1909,1979.
