Israelfɔ Ɩlʋ 30
30
Bulu Awɩtɔlɛ Ɩtsɔ
Dawid kanfʋ-ɩlʋá bɔ́wa pʋfinki Bulu otsiakpa ɔnɔ.
1O Nana Bulu, nótsu fʋ fʋa,
tsufɛ fʋlalɛ mɩ, fʋmɛha mɩ alupʋ abʋmɔsɩ mɩ.
2Nana Bulu, mɩ Bulu, nosu tɩ fʋ
fɛtsa mɩ ɩlɔ.
3Nana Bulu, fʋlɛlɛ mɩ tsu afulitɔ;
fetsinki mɩ, mmowie ɔbɔtɔ.
4Mlɩá mlɩtamakpa mʋ ɔma, mlɩwa ɩlʋ kanfʋ mʋ ɩda,
tsufɛ mlɩyin ánɩ́ ogyi ɔtsan.
5Tsufɛ Bulu ɔblɔ tamawa ɔpá.
Mʋ awɩtɔlɛ ɩtsɔ ɔha nkpatsiatɔ fɛ́ɛ́.
Ɔha tosu onye, tamɛ ɔtɛlamɔsɩ nyankɩ.
6Brɛá ɩlɔwa alɛ ha mɩ a, nɛblɩ mbɛɛ,
“Tɔtɔ mɛ́ɛtalɩ mɩ.”
7Oo Nana Bulu, fʋ awɩtɔlɛ laha nlɩɩ kinkiinkin fɛ ɩbʋ.
Tamɛ brɛá fɔpʋ fʋ ansɩtɔ ŋain a, opuni letsii mɩ.
8Nana Bulu, fʋ nosu kpoli.
Mɩ Wie, nokokoli fʋ mbɛɛ,
9“Ntɔ labi mɩ lowu ɩbɔ́wa ha fʋ nɩ nɔyɔ afulitɔ?
Mɩ ɩsɩ bɛ́talɩ kanfʋ fʋ?
Ɩbɛ́talɩ da fʋ ɔnɔkwalɩ ɔkan?
10Nana Bulu, nu, afʋwun mɩ nwɛ.
Oo Nana Bulu, gyi mɩ bʋalɛ.”
11Faha mɩ isu lamli ɩtsa.
Fakpa tati bibi lɛ mɩ ɩwɩ, pʋ ansigyi dɩda mɩ.
12Mɛnɩ mɩ ɔkla ɔmɛ́ɛkpa ɔnɔ bun, si ɩlʋ wa kanfʋ fʋ ɛkɛkɛɛkɛ.
Nana Bulu, mɩ Bulu, nɛ́da fʋ ɩpan brɛ fɛ́ɛ́.
Одоогоор Сонгогдсон:
Israelfɔ Ɩlʋ 30: nko
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation