Israelfɔ Ɩlʋ 29
29
Nana Bulu Ɩda Bʋ Numnyam
Dawid kanfʋ-ɩlʋ.
1Ɔsʋsʋ atumipʋ, mlɩkanfʋ Nana Bulu.
Mlɩpʋ numnyam mʋ́a ɔwʋnlɩn ha mʋ.
2Nana Bulu ɩda bʋ numnyam, mlɩkanfʋ mʋ.
Mlɩda akpawunu ha mʋ, tsufɛ mʋ nkʋlɛ lɔwankɩ.
3Nana Bulu ɔmɛ lalɩn ɔpʋsʋ.
Numnyam Bulu ɔmɛ lapʋtɩ fɛ ɔprada.
Nana Bulu ɔmɛ lapʋtɩ ntsu akpɔnkpɔntɩsʋ.
4Mʋ́ ɔnɔ bʋ ɔnlɩn,
ɩbʋ numnyam.
5Mʋ ɔmɛ tebiabia Lebanon ndum.
Itebiabia Lebanon odum akpɔnkpɔntɩ blublublu.
6Ɔtɛha Lebanon abʋ tofuli kpayi fɛ okufabi.
Sirion ɩbʋ ɛ tofuli kpayi fɛ ɔkpalabi.
7Mʋ ɔmɛ ɩpʋtɩ a,
ogya tɛdalɩ.
8Mʋ ɔmɛ tɔpʋtɩ kpɩnkɩ adimbi ɔsʋlʋ.
Ɩtɛkpɩnkɩ Kades adimbi ɔsʋlʋ ɛ.
9Nana Bulu ɔmɛ tɔpʋtɩ fiala ndum.
Ɩtɛkpakpa nyi atɛ.
Mʋ ɔtswɛkpa atsiapʋ fɛ́ɛ́ bʋtɔkplʋn blɩ bɛɛ, “Onumnyampʋ!”
10Nana Bulu dɛ iwiegyi ntsu bʋlahɛsʋ.
Otsie mʋ owie obiasʋ brɛ fɛ́ɛ́.
11Nana Bulu tɔwa mʋ ɔmá ɔwʋnlɩn,
ɔtɔpʋ iwilwii yula amʋ́.
Одоогоор Сонгогдсон:
Israelfɔ Ɩlʋ 29: nko
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation