Baroma 3
3
1Bayudaaya bafuurira shiina abo babaakhali Bayudaaya? Namwe lisuno shiina liliili mu khwinjila imbalu? 2Mulimo bibiindu bikali mu saambo tsoosi. Khunyoowa, Wele eyikina Bayudaaya kila abawaambisa buurume bweewe. 3Ne singa shinyoolikhana shili batweela khu Bayudaaya sibali ni khufukiilila ta? Shino shinyala shareerera Wele khulekha khuba umwiyikinwa ta? 4#Zab 51.4Seshinyalikha taawe. Wele ali ni khuuba uwa ŋali, abe ikhaba nga buli muundu akhaba umubeeyi. Nga shisharonebwa ni shiloma shiri,
“Uli ni khukhwokesana uri uli umukwalaafu khuubirira mu lomo tsoowo;
naluundi uli ni khufuura kumusaango kwoowo nga balikho bakhuwotsesa.”
5Ne siinga bubwoonaki bweefwe buraambisibwa khukhwokesanila ilala bulayi bubweene khuri Wele ali umukwalaafu, isho shinyala shaakila ifwe khwaloma khuri Wele s'aali umwiyikinwa ta nga wakhukhaliile ifwe kumusaango? Ari ano indikho inoma nga babaandu babusheele ni baloma. 6Seshinyalikha taawe. Noola Wele s'ali umukwalaafu ta, anyala aryeena khukhalila shiibala kumusaango?
7Ne noola ise khuuba umubeeyi khukila bwa ŋali Wele bwokesanisibwa bulayi bubweene, khulwashiina ndi luundi ise nikiitsibwa khuuba umwonaki? 8Khulwashiina kila khukhaloma khuri, “Khakhukhole buubi nio akile buulayi bwa Wele bubonekhe?” Babaandu baalala baakhukhomyaasa ifwe bari khuloma khuryo. Babeene abo balikiitsibwa, nga ni shaakhiile khuuba.
Imbaawo umuundu yeesi uuli Umukwalaafu ta
9Ari ifwe Bayudaaya khulome khuri khuli bulayi khufuura babaandu babaakhali Bayudaaya ta? Nakhafwiiti khari ta! Khulwekhuuba naamalile khaale khukhwokesanisa ndi babaandu boosi, nga mulimo Bayudaaya ni Banaambo boosi, bali aasi e kamaani ke bibyoonako. 10#Zab 14.1-3; 53.1-3Nga bibyaronebwa ni biloma biri,
“Imbaawo umuundu na mutweela uli umukhosefu ta, imbaawo na mutweela ta;
11imbaawo na mutweela uli umukyesi ta.
Naluundi imbaawo na mutweela uwisaaya Wele ta.
12Boosi bashuukha barura isi Wele; boosi bayonaka. Imbaawo na mutweela ukhola bulayi ta; imbaawo akhaba na mutweela ta.
13 #
Zab 5.9;
Zab 140.3
Kimimilo kyaabwe kili busa nga tsiŋani tsitsiili khwaashe.
Baraambisa tsinganikha tsaabwe khuuwombesa,
ni tsilomo tsitsaama mukhanwa mwaabwe tsili nga butsiba bwe indemu.
14 #
Zab 10.7
Tsilomo tsaabwe tsaayitsula bitsubo ni lirima.
15 #
Isay 59.7,8 Seshibayilila imbuka ingali khukhwiira umuundu ta.
16Buli andu osi eesi batsya balekha kumutaambo ni khukhwonakisa bibiindu.
17Bashiili khumanya kumukhoosi kukureera lukoosi ta.
18 #
Zab 36.1
Mu myoyo kyaabwe imbaamo nakhari khuurya Wele ta.”
19Ari khwaamanyile khuri shoosi shishiili mu makaambila, shiwaamba khu baandu abo babawulibwa ni kamakaambila, nio akile alekhe khubawo uyo uwihaambilisa shishiindu shoosi ta. Ne Wele akhalile shiibala shoosi kumusaango. 20#Zab 143.2; Gal 2.16Khulwekhuuba imbaawo umuundu yeesi ulibalibwa ari ali umukhosefu mu moni tsa Wele, khulwe khukhola byeesi kamakaambila kaloma ta. Sheesi kamakaambila kakhola, nikhwo khukhumanyisa ifwe bubwoonaki nga ni buli.
Bukwalaafu bwaama mu Khufukiilila
21Ne ari bukhosefu bwa Wele bwayokesanisibwa musaambo ikiindi, akhali khuubirira mu makaambila ta. Akhaba nga kamakaambila ni baŋoosi bawayo bujulisi khu shiindu shino, 22#Gal 2.16ne bukhosefu bwa Wele bunyolikhanila mu khufukiilila mu Yesu Kristo. Wele akhola shino isi abo boosi babafukiilila mu Kristo akhali khuromboola ta. 23Khulwekhuuba babaandu boosi bayonaka, naluundi sibashiile ni khufuna shiriifwa shishaama isi Wele ta. 24Babaandu boosi bakwalaasibwa ni shiwaanwa she bubweela bwa Wele, khuubirira mu buwonesi, nga nibwo buli mu Kristo Yesu. 25Uyo niye isi Wele arumana ari bare khufukiilila mu niye, nio asikule babaandu nga araambisa kamafuki keewe. Shino shakholekha khukhwokesanisa bukhosefu bwa Wele. Khulwekhuuba khaale, lwe khukhwikhaliilikha khweewe, Wele abe siwayinaanayo khu byoonako bye babaandu ta. 26Ne mu mbuka iye aluno ari, shili she khuwandalasa khuri Wele umweene ali umukhosefu, naluundi abo boosi babaali ni khuufukiilila mu Kristo, Wele abekyesa bakhosefu.
27Ari khukhwibuyila khweefwe khuli waheena? Imbaawo ta! Khukhwibuyila khweefwe khwiima khu lomo shiina? Khwibuyila khulwe kamakaambila? Taawe. Khwibuyila khulwe khufukiilila. 28Khulwekhuuba khwawandalasa khuri umuundu ekyela umukwalaafu khulwe khufukiilila, ne shili khulwe khukhola byeesi kamakaambila kaloma ta. 29Namwe khulome khuri Wele ali Wele uwe Bayudaaya bonyene? Wele s'ali uwe Banaambo nabo ta? Ilala, Wele ali uwaboosi. 30#Maka 6.4; Gal 3.20Khulwekhuuba Wele ali mutweela. Naluundi alishuusa Bayudaaya bekyele Bakwalaafu nga emikha khukhufukiilila khwaabwe. Ni Banaambo nabo alibashuusa bekyele bakwalaafu nga emikha khu khufukiilila khwaabwe. 31Ari khulome khuri shino shimanyisa shiri khulwe khufukiilila khuno, kamakaambila khukarusawo? Seshinyalikha ta. Akhali khuli ni khuukakumisila ilala.
Одоогоор Сонгогдсон:
Baroma 3: LPE
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
The Bible in Lumasaaba © Bible Society of Uganda, 2016.