Nikamowina 121
121
kā‑tipēyihcikēt kikanawēyimikonaw
1nikitāpahtēn ispatināwa;
tānitē kā‑ohcipayik niwīcihikowin?
2kā‑tipēyihcikēt nimiyik anima niwīcihikowin,
ēwako kā‑kī-osīhtāt kihci-kīsik mīna askiy.
3namōya kika-pakitinik kita-pahkisiniyan,
kikanawēyihcikēm namōya kita-nipāw.
4kā‑kanawēyimāt Israelīwiyiniwa
namōya wiya wīhkāc nipēpayiw ahpō kita-nipāt.
5kā‑tipēyihcikēt kika-kanawēyimik;
kisiwāk ohci kika-kanawēyimisk.
6ē‑mēkwā-kīsikāk namōya pīsim kika-māyi-tōtāk
mīna ē‑mēkwā-tipiskāk namōya tipiskāwi-pīsim kika-māyi-tōtāk.
7kā‑tipēyihcikēt kika-kanawēyimik kahkiyaw kā‑kostācikwahk ohci;
kita-kanawēyihtam kipimātisiwin.
8kika-kanawēyimik pē‑tah-takohtēyani mīna sah‑sipwēhtēyani
anohc mīna kākikē.
Одоогоор Сонгогдсон:
Nikamowina 121: PCSBR
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society