Nikamowina 104
104
mamihcim kā‑tipēyihcikēt, nitahcāhk!
1mamihcim kā‑tipēyihcikēt, nitahcāhk!
hāw, kā‑tipēyihcikēyan nikisē-manitōm, mistahi kikihcēyihtākosin!
kikikiskēn kihci-okimāwitēyihtākosiwin mīna kistēyihtākosiwin;
2kitakwanahon wāstēw.
kitaswēkastān kīsik tāpiskōc pakwānikamik,
3mīna kimānokān tahkohc nipīhk ispimihk.
waskowa kitāpacihtān tāpiskōc otāpān
kipimihān otahtahkwanihk yōtin.
4kitāpacihāwak yōtinwa ē‑itwēstamāskik
ēkwa kitāpacihāwak kā‑kwāhkotēki iskotēwa ka‑atoskāskik.
5kikī-āyītastān ita kā‑tēhtastēk ōma askiy,
ēkosi namōya wīhkāc kita-kī-āhtastēw.
6kikī-akwanahēn ōma askiy kihcikamiy ohci tāpiskōc akohp,
ēkwa kī‑iskipēwa waciya.
7ispīhk ē‑kīhkāmacik kihcikamiya kī‑ihkipēpayiwa sēmāk;
tāpiskōc ē‑tapasīstākoyan kā‑pēhtāskik kititasiwēwin.
8kī‑sipwēciwanwa wacīhk ohci pasahcāhk isi,
itē kā‑kī-itastāyan kita-ihtakwahki.
9kikī-astān ita ēkāya kīhtwām kita-iskipēk ōma askiy.
10kikī-osīhtān pasahcāhk kita-mōhkiciwanipēkāk,
ēkwa kita-pimiciwahki sīpiya tastawatināhk.
11ēkota ohci kita-minihkwēyit pakwaci-pisiskiwa;
ēkota pakwaci-sōsōwatimwak minihkwēwak.
12ēkota cīki, mistikoskāhk,
piyēsīsak wacistonihkēwak ēkwa nikamowak.
13kīsikohk ohci kikimiwanihtān ispatināhk,
ēkwa askiy sākaskinēw kimiyo-tōtākēwina ohci.
14kitōhpikihtān maskosiya mostoswak ohci
ēkwa kiscikānisa ayisiyiniwak kita-āpacihtācik,
ēkosi kita-kī-kistikēcik kistikāna,
15ēkwa kita-osīhtāt sōmināpoy kita-miywēyihtamihikot,
pimiy kita-ohci-miywēyihtahk,
ēkwa pahkwēsikana kita-maskawisīskākot.
16anihi kā‑tipēyihcikēt kā‑kī-kistikēt
māsikīskwāhtikwa Lebanon ohci
miyo-kimiwanisiwak māna.
17ēkosi ēkota piyēsīsak wacistonihkēwak;
ēkwa kotakak piyēsīsak wacistoniwak minahikwāhtikohk.
18pakwaci-wāpatihkwak tahkohc wacīhk ayāwak
ēkwa asinīwacī-mistanaskwak kāsōwak asinīskāhk.#104.18 asinīskāhk ahpō kīskāpiskohk
19kikī-osīhāw tipiskāwi-pīsim kita-kanawi-pīsimwēt,
kīsikāwi-pīsim kiskēyihtam ispīhk kita-pahkisimot.
20kikī-osīhtān tipiskāw, ēkwa ē‑tipiskāk
ēkosi kahkiyaw pakwaci-pisiskiwak pē‑matāwisiwak.
21miscahkēsīsak nēmowak ē‑mēkwā-mācīcik,
ē‑natonahkik kita-mīcicik kisē-manitowa kā‑kī-miyikocik.
22ispīhk ē‑pē-sākāstēk,
kāwi itohtēwak owātiwāhk ē‑nitawi-pimisihkik.
23ēkosi ēkwa ayisiyiniwak nitawi-atoskēwak
ēkwa āhkami-atoskēwak isko ē‑otākosiniyik.
24kā‑tipēyihcikēyan, mihcēt kīkway kikī-osīhtān!
iyinīsiwinihk kikī-osīhtān ēwakoni kahkiyaw!
sākaskinēwak nanātohk pisiskiwak ōta askīhk.
25nēma kihcikamiy, ē‑misāk mīna ē‑ayakaskāk,
ita mitoni mihcēt nanātohk pisiskiwak ē‑misikiticik ēkwa ē‑apisīsisicik kā‑wīkicik.
26nāpihkwāna pimāstanwa ēkota, mīna mētawēw misi-kinēpik Leviathan,
ēwako kā‑kī-osīhat kihcikamīwi-aya.
27kahkiyaw ēwakonik ōki kimamisītotākwak
kita-asamacik nitawēyihtahkwāwi.
28kimiyāwak kita-mīcicik ēkosi mīciwak;
kitōsīhtamawāwak mīciwin ēkosi kīspowak.
29kostāciwak ispīhk kā‑nakatacik;
ispīhk ē‑maskamacik yēhēwin pōni-pimātisiwak,
kāwi asiskīwipayiwak ita kā‑kī-ohci-osīhihcik.
30māka ē‑miyacik yēhēwin nihtāwikiwak;
oski-pimātisiwin kimēkin ōta askīhk.
31kākikē kita-wī-ayāmakan okistēyihtākosiwin kā‑tipēyihcikēt!
kita-wī-miywēyihtam kā‑tipēyihcikēt anima kā‑kī-osīhtāt!
32ē‑kitāpahtahk askiy, nanamipayiyiw;
ē‑sāminahk waciya, kaskāpahtēyiwa.
33nika-nikamostawāw kā‑tipēyihcikēt tāpitawi kā‑pimātisiyān;
nika-nikamostamawāw ē‑mamihcimak nikisē-manitōm isko pimātisiyāni.
34kita-wī-miywēyihtam ninikamon,
ayisk nicīhkēyihtamowin ohcipayiw wiya ohci.
35ninatotamawāw kahkiyaw omacātisak kita-misiwanācihihcik askīhk ohci;
ēkāya kita-wī-ihtakowak omacātisak.
mamihcim kā‑tipēyihcikēt, nitahcāhk!
mamihcim kā‑tipēyihcikēt!
Одоогоор Сонгогдсон:
Nikamowina 104: PCSBR
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society