Дуулал 70
70
Дайснуудаас ангижрахын төлөө залбирал
Удирдаачид: Давидаас санамж өргөлд.
1Бурхан, намайг аврахаар соёрхооч!
ЭЗЭН, надад туслахаар хурдлаач!
2Миний амийг эрэн хайгчид
Доромжлогдон ичгүүрт орог.
Намайг гайтахад баярлагчид
Эргэж, шившиг болог!
3Өөрт минь “Ха, ха!” хэмээгчид
Өөрсдийнхөө ичгүүрээс болж эргэж буцаг!
4Таныг эрэн хайгчид бүгд
Таны дотор баярлан баясаг.
Таны авралыг хайрлагсад
“Бурхан агуу” гэж мөнхөд хэлэг.
5Би харин зүдэрсэн, гачигдсан.
Бурхан, над дээр хурдан ирээч.
Та миний тусламж, Та миний аврагч билээ.
ЭЗЭН, бүү саатаач!
Одоогоор Сонгогдсон:
Дуулал 70: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.