Дуулал 71
71
Хамгаалал тусламжийн залбирал
1ЭЗЭН, Таны дотор би хоргодсон
Намайг хэзээ ч ичгүүрт бүү унагаач!
2Зөв шударгаараа намайг авран суллаач,
Сонор юугаа над уруу хандуулан
Намайг авраач!
3Миний хоргодох хад,
Намайг аврах Таны тушааснаар үргэлж явахын тулд хүчирхэг бэхлэлт минь болооч!#71:3 Еврейд нь Та тушаахаар үргэлжлэн ирээч
Та миний хад, бат цайз минь билээ.
4Бурхан минь ээ, намайг
Гэм буруутны гараас,
Ёс бусыг үйлдэгч ба
харгис хүний нударгаас авраач!
5Учир нь Та миний найдвар
БУРХАН Эзэн,
Та бол залуугаас минь миний итгэл юм.
6Төрөхөөсөө би Таныг түшсэн,#71:6 ЭНО-д хамгаалагдсан
Та намайг эхийн минь хэвлийгээс
гаргаж авсан Нэгэн.
Үргэлж Таныг магтму, би.
7Олон хүнд би гайхашрал болжээ.
Та миний бат бэх хоргодох газар.
8Ам минь Таны магтаалаар,
Таны алдраар бүхэл өдөржин дүүрэн.
9Хөгшрөх үед минь
Намайг бүү орхиоч.
Хүч чадал минь барагдах үед
Намайг бүү хаяач!
10Учир нь дайснууд минь
Миний эсрэг ярилцжээ.
Миний амийг отогчид
Хамтран хуйвалджээ.
11Тэгэхдээ тэд “Бурхан түүнийг хаясан
Аврах хүн байхгүй учраас
Түүнийг хөөж, барь” гэцгээнэ.
12Бурхан, надаас бүү хол байгаач
Бурхан минь ээ, надад туслахаар хурдлаач!
13Сүнсийг минь буруутгагчдыг
Ичгүүрт унаган сөнөөгөөч
Намайг хорлохыг хүсэгчдийг
Доромжлол, ичгүүрээр нөмөргөөч!
14Харин би үргэлж найдаж,
Таныг улам ихээр магтах болно.
15Ам минь Таны зөв шударга,
Таны авралыг өдөржин ярина.
Учир нь би тоог нь ч эс мэднэ.
16Би БУРХАН Эзэний хүчит үйлстэй ирнэ.
Би Таны зөвт байдлыг
Зөвхөн Таныг магтмуй.
17Бурхан, Та залуугаас минь эхлэн
Намайг сургасан.
Эдүгээ хүртэл би
Таны гайхамшигт үйлсийг тунхагладаг.
18Бурхан, хөгширч бууралтах үед минь ч
Намайг бүү орхиоч,
Таны мутрыг би үе удамд,
Таны хүчийг ирээдүйн бүх хүнд
Тунхаглах хүртэл бүү орхиоч!
19Учир нь аугаа зүйлсийг хийсэн Бурхан,
Таны зөвт байдал тэнгэрт хүрсэн.
Бурхан, хэн Тантай адил вэ?
20Надад олон зовлон шаналанг үзүүлсэн Та
Намайг дахин сэргээж,
Газрын гүнээс дахин татан гаргана.
21Та агуу байдлыг минь улам өсгөж,
Намайг тайвшруулахаар эргэнэ.
22Бурхан минь ээ, би Таны үнэнийг,
Таныг босоо ятгаар магтана.
Израилийн Ариун Нэгэн,
Би Танд ятга хөгжмөөр магтан дуулна.
23Би Танд магтан дуулах үед
Уруул минь баярлан хашхирна.
Таны аварсан миний сэтгэл баясна.
24Хэл минь ч өдөржин
Таны зөвт байдлыг өгүүлнэ.
Учир нь намайг хорлохыг хүсэгчид
Доромжлол ба ичгүүрт унасан билээ.
Одоогоор Сонгогдсон:
Дуулал 71: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.