Дуулал 127
127
Бурханы ивээл орон гэрт
Соломоны өгсөх дуу.
1ЭЗЭН гэрийг барьж байгуулахаас нааш
Түүнийг байгуулагчид дэмий хөдөлмөрлөнө.
ЭЗЭН хотыг хамгаалахаас нааш
Манаач хүн дэмий л сэрүүн байна.
2Хайрладаг хүндээ Тэр нойрыг ч өгдөг атал
Харин та нар эрт босож, оройттол суугаад,
Зүтгэж олсон талхаа идэх нь
Зүгээр л дэмий аж
3Харагтун, үр хүүхэд ЭЗЭНээс ирэх өв,
Умайн үр жимс нь шагнал болой.
4Залуу хүний хөвгүүд
Дайчны гарт буй сум адил.
5Тэднээр саадгаа дүүргэсэн хүн
Юутай ерөөлтэй вэ!
Үүд хаалган дээр
дайснуудтайгаа тэд ярилцах үедээ
Ичгүүрт эс ормой.
Одоогоор Сонгогдсон:
Дуулал 127: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.