Дуулал 128
128
Итгэмжитний гэр жаргалтай
Өгсөх дуу.
1ЭЗЭНээс эмээдэг,
Түүний замаар замнагч хүн бүр
Юутай ерөөлтэй вэ!
2Чи гарынхаа хүч хөдөлмөрийг хүртэх үедээ
Аз жаргалтай байх бөгөөд сайн сайхан байна.
3Эхнэр чинь гэрийн чинь доторх
Үр жимстэй усан үзмийн мод лугаа адил,
Хөвгүүд чинь ширээг чинь тойрон буй
Чидун модны нахиа лугаа адил билээ.
4Харагтун, учир нь ЭЗЭНээс эмээдэг хүн
Ийнхүү ерөөгдөх болой.
5ЭЗЭН чамайг Сионоос ерөөж,
Чи амьдралынхаа бүхий л өдрүүдэд
Иерусалимын сайн сайхныг харан
6Хүүхдүүдийнхээ хүүхдүүдийг үзэх болтугай!
Израилийн дээр амар амгалан орштугай!
Одоогоор Сонгогдсон:
Дуулал 128: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.