Simuluho 1
1
Ku bupwa kwa lifasi
1Mulimu a kala ku bupa lihalimu ni lifasi ni ze ku zona kaufela. 2Lifasi ne li si na sibupeho. Lififi ne li kwahezi liwate le lituna, mi moya o maata n'o fuka fahalimw'a mezi. 3#2 Mak 7.28; 2 Bakor 4.6 Cwale Mulimu a laela, a li, “Liseli a li be teñi.” Mi kwa ba ni liseli. 4A li talima, mi la mu tabisa. Kiha s'a kauhanya liseli ni lififi. 5Liseli a li biza Musihali, mi lififi a li biza Busihu. Manzibwana a fela, mi kwa taha kakusasana. Leo la ba lizazi la pili.
6 #
2 Pit 3.5
Mulimu a laela hape, a li, “Ku be ni mbyumbyulu ye ka kauhanya mezi, kuli a be mwa libaka ze peli ze kauhani.” Mi kwa ezahala cwalo. 7Cwale Mulimu a eza mbyumbyulu ku kauhanya mezi a kwatas'a yona ni mezi a fahalimw'a yona. 8Mbyumbyulu a i biza Lihalimu. Manzibwana a fela, mi kwa taha kakusasana. Leo la ba lizazi la bubeli. 9Mulimu hape a laela, a li, “Mezi a mwatas'a lihalimu a kubukane mwa sibaka si li siñwi kuli ku bonahale mubu o omile.” Mi kwa ezahala cwalo. 10A biza mubu Lifasi, mi mezi a n'a kubukani mwa sibaka si li siñwi, a li ki Liwate. A talima z'a ezize, mi za mu tabisa. 11A laela hape, a li, “Mubu u melise mishobo kaufela ya limela, ze beya bubeke ni ze beya miselo. Mi kwa ezahala cwalo. 12Cwale mubu wa melisa limela kaufela ka mifuta ya zona, ze beya bubeke ni ze beya miselo. Mulimu a talima z'a ezize, mi za mu tabisa. 13Manzibwana a fela, mi kwa taha kakusasana. Leo la ba lizazi la bulalu.”
14Cwale Mulimu a laela, a li, “Ku be ni maseli kwahalimu, ku kauhanya musihali kwa busihu, ili ku bonisa mazazi, lilimo, ni linako za miyaha fo li kalela. 15Li ta benya kwahalimu ku tisa liseli fafasi.” Mi kwa ezahala cwalo. 16Cwale Mulimu a eza maseli a mabeli a matuna, ili lizazi kuli li buse musihali ni kweli kuli i buse busihu. Mi a eza hape ni linaleli. 17A beya maseli ao kwahalimu ku bonisa fafasi. 18A a beya hape ku busa musihali ni busihu, ni ku kauhanya liseli kwa lififi. A talima z'a ezize, mi za mu tabisa. 19Manzibwana a fela, mi kwa taha kakusasana. Leo la ba lizazi la bune.
20Mulimu cwale a laela, a li, “Mezi a tise ze pila ka mifuta ya zona kaufela, ni linyunywani ze fufa mwa mbuyumbyulu.” Mi kwa ezahala cwalo. 21Mulimu kih'a eza libilimita ni libupiwa ze zamaya ka mba ni mifuta-futa ya ze pila mwa mezi kaufela ni linyunywani kamukana ka mifuta ya zona. A talima z'a ezize, mi za mu tabisa. 22Kih'a li tohonolofaza ka taelo ye, a li, “Ze pila mwa mezi kaufela li te li ate, li taze liwate, ni palo ya linyunywani i ekezehe.” 23Manzibwana a fela, mi kwa taha kakusasana. Leo la ba lizazi la buketalizoho.
24Cwale Mulimu a laela, a li, “Lifasi li tahise limunanu ka mifuta ya zona kaufela ni lifolofolo za mifuta-futa, ni libupiwa kaufela ze zamaya ka mba.” Mi kwa ezahala cwalo. 25Mulimu a eza limunanu ka mifuta ya zona, ni lifolofolo za mifuta-futa, ni libupiwa ze zamaya ka mba. A talima z'a ezize, mi za mu tabisa.
26 #
But 2.23; Litu 17.3-4;
1 Bakor 11.7
Mulimu kih'a li, “Cwale, lu eze mutu ka siswaniso sa luna ni ka ku swana ni luna. A be ni maata fahalimw'a litapi, linyunywani, limunanu, lifolofolo ni libupiwa ze zamaya ka mba kaufela.” 27#Sim 5.1-2 #Mat 19.4; Mar 10.6 Cwalehe, Mulimu a bupa mutu ka siswaniso sa hae. A bupa munna ni musali. 28A ba tohonolofaza ka taelo ye, a li, “Mu pepe, mu ate, mi mu taze lifasi kaufela. Mu be ni maata fahalimw'a litapi ze mwa mezi, linyunywani, ni ze pila fafasi kamukana.” 29Mi Mulimu a li, “Bona, ni ku fa limela kaufela ze beya bubeke, ni miselo, kuli u li ce. 30Haili kwa lifolofolo ze tuna ni ze nyinyani ni kwa linyunywani kamukana, ni libupiwa ze zamaya ka mba, ni li fa bucwañi bo butala kuli i be lico za zona.” Mi kwa ezahala cwalo. 31Mulimu kih'a talima z'a ezize, mi kwa mu tabisa hahulu. Manzibwana a fela, mi kwa taha kakusasana. Leo la ba lizazi la busilela.
നിലവിൽ തിരഞ്ഞെടുത്തിരിക്കുന്നു:
Simuluho 1: Lozi09
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Lozi Interconfessional Bible, Catholic Edition © Bible Society of Zambia, 2009.
