CAWA'TA TUNITA 5
5
JAFNA VI ADAM
Tun caw tam Adam pa ta-ta tam Nuwa
1Kayni ti ɗerwelda ta jafna vi Adam haya'ta: Hay li ma Lawn li sana, nam lum ki nir tuwan nam Lawn nala. 2Nam insiya, jufna hiɗi cata, nam gi bol kisiya, hay li ma nam lisina, nam kaasi sesi ala «sana».
3Hay li ma busata vi Adam co kis kalam dok-ɦidi, nam vuɗ goor ma juf kep slum nam noŋ ɦoyoŋ'. Nam kaam selem ala Set. 4Bugol vu'da vi Set, Adam li busat kis-glafandi lo, nam vuɗ guro sa jufayna hiɗi sa boyna. 5Buura vi Adam ma nam mus gaa kay nagat noŋ kaf co kis-zleeŋe hiɗi diram dok-ɦidi, bugol kayni nam mita.
6Hay li ma busata vi Set co kis hiɗi diram vasl cona nam vuɗ Enos. 7Bugol vu'da vi Enos, Set li busat kis-glafandi hiɗi diram siɗiya. Nam vuɗ guro-jufayna hiɗi sa boyna. 8Busata vi Set ta nam la' kay nagata co noŋ pet kis-zleeŋe hiɗi diram doogo yam ma'; bugol kayni nam mita.
9Hay li ma Enos li busat dok-zleeŋe, nam vuɗ Kenan. 10Bugol vu'da vi Kenan, Enos li busat hay nagat kis-glafandi hiɗi diram doogo yam vasl, nam vuɗ guro-jufayna hiɗi guro-boyna kaw. 11Busata vi Enos ta nam la' kay nagat noŋ kaf co kis-zleeŋe hiɗi diram vasl, bugol kayni nam mita.
12Hay li ma busata vi Kenan co dok-siɗiya, nam vuɗ Malaleel. 13Bugol vu'da vi Malaleel, Kenan li busat kay nagat kis-glafandi hiɗi diram dok-fiɗi lo; nam vuɗ guro-jufayna hiɗi guro-boyna. 14Kenan li busat hay nagat noŋ kaf kis-zleeŋe hiɗi diram doogo. Bugol kayni nam mita.
15Hay li ma busata vi Malaleel co dok-karkiya yam vasl cona, nam vuɗ Yered. 16Bugol vu'da vi Yered, Malaleel li busat hay nagat kis-glafandi hiɗi diram dok-ɦidi; nam vuɗ guro-jufayna hiɗi guro-boyna. 17Busata vi Malaleel ta nam la' kay nagat noŋ kafta co kis-glafandi hiɗi diram dok-zleeŋe yam vasl, bugol kayni nam mita.
18Hay li ma busata vi Yered co kis hiɗi diram dok-karkiya yam ma' nam vuɗ Henok. 19Bugol vu'da vi Henok, Yered li busat kay nagat kis-glafandi lo, nam vuɗ guro-jufayna hiɗi guro-boyna. 20Busata vi Yered ta nam la' gaa kay nagat noŋ kaf co kis-zleeŋe hiɗi diram dok-karkiya yam ma; bugol kayni nam mita.
21Hay li ma busata vi Henok co dok-karkiya yam vasl cona, nam vuɗ Metusela. 22Bugol vu'da vi Metusela, Henok poy kuɗ tuwsi hiɗi Lawna ir busat kis-ɦidi, nam vuɗ guro-jufayna hiɗi guro-boyna. 23Busata vi Henok kay nagata co noŋ pet kis-hiɗi hiɗi diram dok-karkiya yam-vasl. 24Henok poy kuɗ tuwsi hiɗi Lawna, bugolda sa wum loɗi, kay Lawna slum goy sli.
25Hay li ma busata vi Metusela co kis kalam dok-glafandi yam siɗiya cona, nam vuɗ Lamek. 26Bugol vu'da vi Lamek, Metusela li busat hay nagat kis-siɗiya hiɗi diram dok-glafandi yam ma, nam vuɗ guro-jufayna hiɗi guro-boyna. 27Busata vi Metusela hay nagat noŋ kaf co kis-zleeŋe hiɗi diram dok-karkiya yam zleeŋe. Bugol kayni nam mita.
28Hay li ma busata vi Lamek co kis hiɗi diram dok-glafandi yam ma', nam vuɗ goor ma juf kepe. 29Nam tunum selem ala Nuwa. Kay nam di'e: Nam kayni ma vulma tun-sukka kay makka vuma'a, hiɗi lop ma makka kuɗum ŋolo, ma numa ka lum gaa kay nagat na'ta ta Ma-Vatɗin beɗa' goyt waŋŋi. 30Bugol vu'da vi Nuwa, Lamek li busat gaa kay nagat kis-vasl hiɗi diram dok-zleeŋe yam vasl, nam vuɗ guro-jufayna hiɗi guro-boyna. 31Busata vi Lamek gaa kay nagat noŋ pet li kis-siɗiya hiɗi diram dok-siɗiya yam siɗiya; bugol kayni nam mita.
32Hay li ma busata vi Nuwa co kis-vasl cona, nam vuɗ Sem, Kam hiɗi Yafet.
നിലവിൽ തിരഞ്ഞെടുത്തിരിക്കുന്നു:
CAWA'TA TUNITA 5: Massana
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
BIBALDA TA PELDETTA © L'Alliance Biblique du Cameroun, 2001
