ଲୁକ 4:5-8

ତାପାଚେ ଶୟତାନ ଯୀଶୁଙ୍ଗ୍ ର ପାନ୍ତି ମାଡ଼ିଜପି ଅସାହାଲ୍‌ଜି ରଞ୍ଜେମାଡ୍ ପୁର୍ତିନି ୱିଜୁ ରାଜି ଚଚ୍‌ଚି ହିତାତ୍। ଶୟତାନ ଯୀଶୁଙ୍ଗ୍ ୱେଚ୍‌ଚାତ୍, “ଆନେଙ୍ଗ୍ ଇୱିଜୁ ରାଜି ଆରେ ହେବେନି ୱିଜୁ ଦନ୍‌ସମ୍ଫତିନି ହଲ୍‌ନାକା ନିଙ୍ଗେଙ୍ଗ୍ ହିଦ୍‌ନାଙ୍ଗ୍। ହେ ୱିଜୁ ନା ଆଦିକାର୍‌ତାକେ ମାନାତ୍। ଆନେଙ୍ଗ୍ ଇନେରିଙ୍ଗ୍ ମାନ୍ କିନାଙ୍ଗ୍, ହେୱାନିଙ୍ଗ୍ ଇୱିଜୁ ହିଦେଙ୍ଗ୍ ଆଡ୍‌ନାଙ୍ଗ୍। ଯଦି ଏନେଙ୍ଗ୍ ନାଙ୍ଗେଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିତ୍‌ତିସ୍, ଲାଗିଙ୍ଗ୍ ଆନେଙ୍ଗ୍ ଇୱିଜୁ ନିଙ୍ଗେଙ୍ଗ୍ ହିଦ୍‌ନାଙ୍ଗ୍।” ଯୀଶୁ ୱେଚ୍‌ଚାନ୍, “ଦରମ୍ ସାସ୍ତର୍‌ତାକେ ଲେକା ମାନାତ୍, ଏପେଙ୍ଗ୍ ଜାର୍ ଈଶ୍ୱରତିଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିନାଦେର୍, ଆରେ ହେୱାନିଙ୍ଗ୍‌ନେ ହେବା କିନାଦେର୍।”