Lukas 20

Batismu di Jon

(Mat 21.23-27; Mar 11.27-33)

1Un dia Jesus staba na kasa di Deus, i na nsina pobu, i na konta elis Bon Noba. Ŝefis di saserdoti ku pursoris di lei, tudu ku garandis di judeus, e bin, 2e falal: “Kontanu kal diritu#At 4.7; 7.27 ku bu ten pa fasi e kusas. Kin ku dau ki otridadi?” 3Jesus ruspundi i fala elis: “Tambi N na fasi bos un purgunta. Bo kontan de, 4Jon ta batisaba ku otridadi di Deus o di omis?”

5E kumsa diskuti entri elis, e fala: “Si no fala i di Deus, i na puntanu ke ku manda no ka fia. 6Si no fala i di omis, tudu jinti na bin danu ku pedra, pabia elis tudu e fia#Kap 7.29; Mat 14.5 kuma Jon seduba anunsiadur.” 7E ruspundi kuma e ka sibi i di nunde.

8Jesus fala elis: “Ami tambi N ka na konta bos kal otridadi ku N ten pa fasi e kusas.”

Komparason di labraduris mau

(Mat 21.33-46; Mar 12.1-12)

9Dipus i kumsa na da pobu e komparason: “I tenba un omi ku fasi un orta, i paranta pes di#Is 5.1 uva, i renda utru labraduris el; i bai pa utru tera, i tarda la. 10Oca i ciga tempu di korta uvas, i manda un di si servus pa labraduris, pa e dal si parti di fruta, ma labraduris sutal, e mandal mon limpu. 11I torna manda utru servu. E sutal tambi, e pasantal borgoña, e mandal mon limpu. 12I bin manda mas terseru servu, ma e molosta kila tambi, e botal fora.

13“Dunu di orta punta: ‘Ke ku N na fasi? N na manda ña fiju#Jon 3.16 ku N kiri. Sertamenti e na rispital.’ 14Ma, oca labraduris ojal, e filanta entri elis, e fala: ‘Es ku na yarda. Bo bin no matal, pa yardansa pudi sedu di nos.’ 15E botal fora di orta, e#At 3.15 matal.

“Ke gora ku dunu di orta na fasi elis? 16I na bai mata ki labraduris; i na renda utru jinti orta.”

Oca pobu obi e palabra e fala: “Pa ka i sedu asin!”

17Jesus finka uju nelis, i punta: “E palabra di Skritura ku fala:

‘Pedra#Sal 118.22; Mat 21.42 ku pedrerus nega

i fasidu purmeru pedra di kantu,’

kal ki si sintidu? 18Kil ku kai riba de pedra i na bida padas. Si i kai riba di algin,#Dan 2.34-35 i na foriña si dunu.”

Mpustu

(Mat 22.15-22; Mar 12.13-17)

19Ŝefis di saserdoti ku pursoris di lei e na buskaba manera di prindil na ki ora, pabia e ntindi kuma komparason ki da i kontra elis, ma e tenba medu di pobu. 20E fika e na montial, e manda spions pa e finji sedu jinti diritu, pa e pudi pañal na kualker palabra, pa ntregal na puder di gubernadur pa i julgadu. 21E fasil un purgunta, e falal: “Mestre, anos no sibi kuma bu palabra ku kusa ku bu ta nsina, i bon, i diritu. Bu ka ta diferensia jinti, ma bu ta nsina kamiñu di Deus ku bardadi. 22No misti puntau si i kontra lei pa paga rei garandi mpustu o nau.”

23Jesus rapara se finjimentu, i fala elis: 24“Mostran un mueda di mpustu. Rostu di kin ku sta li, ku nomi?” E ruspundi e falal: “I di rei garandi.” 25I fala elis: “Bo da rei kil ki di rei; bo da Deus kil ki di Deus.”

26Dianti di pobu e ka pudi pañal na nin un palabra. E fika dimiradu ku si rasposta; e kala.

Saduseus ku resureison di mortu

(Mat 22.23-33; Mar 12.18-27)

27Utru di grupu di saduseus (ku ta fala kuma resureison di mortu#At 23.6-8 ka ten) e bai pa Jesus, e fasil purgunta, 28e falal: “Mestre, Moisés disanu un lei skritu ku fala kuma, si un omi muri, i disa minjer#Kum 38.8; Lei 25.5-6 sin fiju, si ermon dibi di kasa ki viuva, pa e pudi padi fiju na konta di ermon ku muri. 29I tenba seti ermon; purmeru kasa minjer, i muri sin padi fiju. 30Sugundu ermon kasa ki minjer; 31dipus terseru kasal tambi; tudu ki seti kasal, e muri, e ka disa fiju. 32Na kabantada, minjer muri tambi. 33Na resureison di mortu gora, minjer na sedu di kal un delis, suma ku tudu seti ermon kasalba?”

34Jesus ruspundi i fala elis: “Omis ku minjeris de mundu ta kasa, 35ma kilis ku ojadu mersidur#Apok 3.4 di lanta di mortu pa yangasa vida na utru mundu, e ka na kasa. 36E ka pudi muri ja#1 Kor 15.22,49-52; 1 Jon 3.2 mas, pabia e na sedu suma anjus, e na sedu fijus di#Rom 8.23 Deus, suma ke lanta di mortu. 37Moisés propi mostra kuma mortus na lanta, oca i sta pertu di ki#Sai 3.6 arvurisiñu, i coma Siñor Deus di Abraon, Deus di Isak, Deus di Jakó. 38Deus i ka Deus di mortus, ma di kilis ki bibu. Pa el#Rom 6.10-11 tudu sta bibu.”

39Utru pursoris di lei ruspundi e falal: “Mestre, bu papia diritu.” 40Dipus, ningin ka osa puntal mas nada.

Kristu i fiju di kin?

(Mat 22.41-46; Mar 12.35-37)

41Jesus punta elis: “Ke ku manda e ta fala kuma Kristu i fiju di Davi? 42Davi propi fala#Sal 110.1 na libru di Salmus:

‘Siñor fala ña Siñor:

Sinta na ña direita

43tok N pui bu inimigus suma tapeti

pa bu diskansa#1 Kor 15.25 pe nel.’

44Si Davi comal Siñor, kuma ki pudi sedu si fiju?”

Avisu kontra pursoris di lei

(Mat 23; Mar 12.38-40; Luk 11.37-54)

45Oca ku tudu jinti na sukutal, Jesus fala si disipulus: 46“Bo toma sintidu ku pursoris di lei, ku gosta di pasia bistidu di ropa kumpridu, ku gosta tambi pa e faladu manteña#Kap 11.43 ku rispitu na prasa. E ta buska sinta na lugar di rispitu na kasas di juntamentu, ku minjor lugar na festas. 47E ta splora kasas di viuvas nkuantu e na fasi orason kumpridu di finjimentu. E na risibi kastigu mas garandi.”

നിലവിൽ തിരഞ്ഞെടുത്തിരിക്കുന്നു:

Lukas 20: povB

ഹൈലൈറ്റ് ചെയ്യുക

പങ്ക് വെക്കു

പകർത്തുക