Yohana 7
7
1Hanuma na genaya Yesu wayumbayumbaga mu Galilaya, kwisi wavagi akatogilwe kuyumbayumba mu Uyahudi, kunguno Vayahudi vakovaga kumuvulaga. 2Na sikukulu ya Vayahudi yavagi bihi, yeniyo ya kuzenga nhambi. 3Kunguno yeniyi vaduguye vamuwilaga, Ufume henaha na uje ku Uyahudi, kigele vahemba vako vayivone milimo yako hoyene ulivezya; kwisi kuduhu munhu alivezya mulimo mu lwiviso ulu alikova kwigela hambele na minso ga vose. 4Ulu ulivezya yeniyi wifumbule mwenekili hambele na liwelelo. 5Kwisi ninga vaduguye vene vakamusanizizye. 6Yesu wavawilaga, Itungo lyane litali kusikaho, alisi itungo linwe liliho tayari hanahana. 7Liwelelo likakovolile kumugaya inwe, alisi lilingaya nene, kunguno ndisangilwaho kwigulya nalyo ati milimo yalyo yili mivi. 8Linagi inwe ku sikukulu yeniyi, nene nkavile kulinako lelo ku sikukulu yeniyi, kunguno itungo lyane litali kumalilwa. 9Aho wayombaga genaya, haho wadilaga mu Galilaya.
10Alisi aho vaduguye valivalinile ku sikukulu, nawe mwene walinagako, alisi ngʼo hambele na vose sumbwa mu lwiviso. 11Haho Vayahudi vamukovaga ha sikukulu na vayombaga, 12Mwenuyo ali kuhe? Na mambwewe mingi gavukaga. mugati na mbuto ya vanhu kunguno yakwe; vamo vayombaga, Ali musoga, vangi vayombaga, Byololo, sumbwa alivapuvya va muchalo. 13Alisi kuduhu umo wamuyombaga hambele na vose, kunguno vavogohaga Vayahudi.
14Aho sikukulu yafikaga hagati, Yesu walinaga na wingilaga mwisengelo na wahembekaga. 15Na Vayahudi vakumaja na vahaya, Lumehoki mwenuyu alimanicha 16vuhembeki, nawe akahembekilwe? Haho Yesu wavitavukaga, uhaya, Vuhembeki wane vukavile wane sumbwa wa mwenuyo wantumizaja nene. 17Mwenuyu alikova kuvezya kikowa cha Mulungu akumanicha ulu vuhembeki vufumile kumwa Mulungu, ninga ndiyomba kufuma kuwane mwenekili. 18Homwene aliyomba kufuma kuwakwe mwenekili alikova lukumo lwakwe mwenekili; alisi homwene alilukova lukumo lwa mwenuyo wamutumizizye ali wa lole na wigomu vuli muduhu muwakwe. 19Kinahe, akavile Mose homwene wamupaga ngʼhama? na kuduhu umo mugati ninwe alimazya ngʼhama. 20Kuki mulikova kumbulaga? Mbuto ya vanhu vitavukaga, Veve uli nago mugavo, nani alikova kukuvulaga? 21Yesu witavukaga, uvawila, Nene nitaga mulimo gumo na inwe vose mwakumaja. 22Mose wamupile inwe vutahiriwa, (alisi vukafumile kumwa Mose ngʼo sumbwa ku vahenga) na ha sabato inwe mulimutahiri munhu. 23Ulu munhu alipiwa vutahiriwa ha sabato kwigela ngʼo ngʼhama ya Mose yivinzwe, kungunoki mulinkilwa kunguno nene namupizaja munhu ha sabato? 24Mukayangule ngʼo hanuma na genaya minso galivona, sumbwa muyangule kigololoku.
25Haho vamo vana Yerusalema vayombaga, Akavile 26uyo valikova kumuvulaga? Na lolagi, aliyomba hambele na vose na vakavile kumuwila muhayo; ninga vahanya vamanikizye lole ati mwenuyu ali Kristo? 27Alisi mwenuyu tulimumanicha uko afumile, alisi ulu Kristo akwiza kuduhu wa kumanicha uko alifuma. 28Kunguno yeniyi Yesu, aho wahembekaga mwisengelo, wahamukaga uhaya, Nene mwanimanikizye na mwamanikizye uko nafumile; nene nkiletile mwenekili, sumbwa mwenuyu ali wa lole wantumizaja, homwene inwe mukamumanikizye. 29Nene ndimumanicha kwisi 30nafumile kuwakwe, nawe wantumizaja. Haho vakovaga kumudima, alisi kuduhu umo wagololaga kukono kwakwe kumudima, kunguno itungo lyakwe litali kufikaho. 31Alisi vingi mugati na vanhu vamusanizaja na vayombaga, ulu Kristo aliza akuvezya migaka 32mihanya kukila yeniyi mwenuyu alita? Vafarisayo vigagwa ati vanhu vawewetaga genaya kunguno yakwe, na vahozya vahanya na Vafarisayo vavatumizaja vakumba kigele vamudime. 33Haho Yesu wayombaga, Katungo kado ntali ndiho hamohene ninwe na haho ndija ku mwenuyo wantumizaja. 34Inwe mukunkova na kumbona ngʼo, na kwenuko ndiko nene inwe mukakovolile kwizako. 35Kunguno yeniyi Vayahudi vayombaga hamohene, Mwenuyu akuja kuhe ati iswe tuleke kumuvona? Akuja ku vusambale wa Vagriki na kuvahembeka Vagriki? 36Muhayo ki gwenugu wayombaga, Inwe mukunkova na kumbona ngʼo, na uko nene ndiko inwe mukakovolile kwizako?
37Ha lusiku lwa mhelo, ulo luhanya lwa sikukulu, Yesu wavukaga, wahamukaga uhaya, Mwenuyu alikolwa nota ize kuwane anwe. 38Homwene alinsanizya, kitisi vutone vuliyomba, myongo ya minzi ga vuzuvuku yikuyela kufuma mu nda yakwe. 39Alisi wayombaga genaya kunguno ya Roho, hoyene venavo valapiwe hovene valimusanizya; kwisi Roho yavagi yitali kuviho, kunguno Yesu wavage atali kukumukiwa. 40Haho vamo mugati na vanhu valivayigagwa yeniyi, vayombaga, 41Mwenuyu ali loleyene mufumbuzi. Vangi vayombaga, Mwenuyu ali Kristo; vangi vayombaga, 42Kinahe, Kristo akufuma ku Galilaya? Vutone vukayombile ati Kristo akufuma ku vuvyalwa wamwa Davidi na ku Betlehemu umo wavagimo Davidi? 43Haho vulekane wavukaga mugati na vanhu kunguno yakwe. 44Vamo mugati navo vakovaga kumudima, alisi kuduhu umo wagololaga kukono kwakwe kumudima.
45Haho vakumba vasyokaga ku vahozya vahanya na Vafarisayo, navo vavawilaga, Kuki mukamuletile? 46Vakumba vitavukaga, Vukumbu kale kuduhu umo wayombage kitisi munhu mwenuyu. 47Vafarisayo vavi 48tavukaga, Imba ninwe vene mwapuvivilwe? Ninga nani mugati na vahanya na Vafarisayo vamusanizaja? 49Alisi mbuto ya vanhu hovene vakayimanikizye ngʼhama vafwizilililwe. 50Nikodemo, homwene wizaga hambele kumwa Yesu ha vuziku, homwene wavagi gumo 51mugati navo, alivawila, Kinahe, ngʼhama yiswe yilimuyangula munhu vuduhu kumwigwa na kugamanicha genaya alivezya? 52Avo vitavukaga na vamuwilaga, Naʼho mwene uli wa Galilaya? 53Wikomye na ulole ati kuduhu mufumbuzi wa kufuma ku Galilaya.
നിലവിൽ തിരഞ്ഞെടുത്തിരിക്കുന്നു:
Yohana 7: Nym51
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Nyamwezi New Testament © Bible Society of Tanzania, 1951.
