Yohana 10
10
1Yalole, yalole ndimuwila inwe, homwene akavile kwingilila ha muzigo gwa luvigili lwa ngʼholo alisi 2alitambukila kungi, ali mwivi na mudumuzi. Alisi homwene alingilila ha muzigo ali mudimi wa ngʼholo. 3Mulindilizi wa muzigo alimulugulila uyu, na ngʼholo ziligwigwa muzwi gwakwe, nawe alizitana ngʼholo zyakwe na mina gazyo na alizifumya hibala. 4Na ulu wazifumaja zyose zyakwe hibala alizitongela na ngʼholo zilimulonda kunguno ziligumanicha muzwi gwakwe. 5Alisi mugeni zikavile kumulonda na hado ngʼo, sumbwa zyumupela, kunguno zikagumanikizye muzwi gwa vageni. 6Mukolani gwenugu Yesu wavawilaga, alisi navo vavagi vakamanikizye nguno ya genaya wavawilaga.
7Haho Yesu wavawilaga hangi, Yalole, yalole, ndimuwila inwe, Nene ndi muzigo gwa ngʼholo. 8Alisi vose avo valivatongela hambele nane vali vivi na vadumuzi na ngʼholo zikavigilwe. 9Nene ndi muzigo; ulu umo alingila hawane akupiziwa, nawe akwingila na akufuma na akuvona ndima. 10Mwivi akavile kwiza sumbwa kigele ive na avulage na azimizye; nene nizile 11kigele vave na vuzuvuku, navo vuve wingi. Nene ndi mudimi musoga. Mudimi musoga aliyipana myuye 12yakwe ku ngʼholo. Alisi mwitumamizya nawe akavile mudimi na ngʼholo zikavile zyakwe, ulu alivona nsuvi yiliza uzileka ngʼholo na upela, na nsuvi yuzidima na 13kuzisambazya, kwisi ali mwitumamizya duhu na akisusumile kunguno ya ngʼholo. 14Nene ndi mudimi musoga, na ndizimanicha zyane, nazyo zilinimanicha nene; 15kitisi Vava alinimanicha nene, nane ndimumanicha Vava; na ndiyipana myuye yane ku ngʼholo. 16Na ndi nazyo ngʼholo zingi hozyene zikavile zya muluvigili lwenulu, na zyenizi yandima kuzileta, na zikugwigwa muzwi gwane, na likuviho idale limo na mudimi umo. 17Kunguno yeniyi Vava alintogwa, kwisi ndiyipana myuye yane, 18kigele nayisole hangi. Na kuduhu umo akuyisola kuwane, sumbwa ndiyipana nene mwenekili. Ndi na. vukovozi wa kuyipana, ndi na vukovozi wa kuyisola hangi Mukumo gwenugu napivagwa na Vava.
19Hangi wavukaga vulekane mugati na Vayahudi kunguno ya mihayo yeniyi. 20Na vingi mugati navo vayombaga, Ali nago mugavo na alisala, kuki mulimudegeleka? 21Vangi vayombaga, Mihayo yeniyi yikavile ya wa migavo; kinahe, wa migavo alikovola kugatunuzya minso ga muhofu?
22Na sikukulu ya kulisondohya hangi isengelo mu Yerusalema yizaga, na lyavagi itungo lya mbeho. 23Na Yesu wayumbayumbaga mwisengelo mu vukumbo wamwa Salomo. 24Haho Vayahudi vamupilimaga, vumuwila, Kusika nanali ukuyiducha myuye yiswe? Ulu veve uli Kristo utuwile vuliko. 25Yesu witavukaga, Namuwilile, ninwe mukavile kusanizya. Milimo hoyene ndivezya mu lina lyamwa Vava yilisangilwa kunguno yane. 26Alisi mukavile kusanizya kunguno mukavilemo 27mugati na ngʼholo zyane. Ngʼholo zyane ziligwigwa muzwi gwane, nane ndizimanicha, nazyo zilindonda; 28nane ndizipa vuzuvuku wa hanahana; nazyo kuzimila ngʼo kusika hanahana; na kuduhu umo akumpuzya mu kukono kwane. 29Vava homwene wampaga ali muhanya kukila vose, na kuduhu umo alikovola kuzinja mu kukono kwamwa Vava. 30Nene na Vava tuli umo. 31Haho Vayahudi vasolaga hangi mawe kigele vamutulagule. 32Yesu wavitavukaga, Milimo mingi misoga kufuma kumwa Vava namolekaja inwe; kunguno ya mulimo ki mugati nayo mulintulagula? 33Vayahudi vamwitavukaga, Kunguno ya mulimo musoga tukavile kukutulagula mawe, sumbwa kunguno ya mafusano na kunguno veve, homwene uli munhu, uliwivezya ati uli Mulungu. 34Yesu wavitavukaga, Kinahe, yikatonilwe mu ngʼhama yinwe, Nene nayombaga ati inwe muli milungu? 35Ulu wavitanile venavo milungu hovene muhayo gwa Mulungu gwavasikilile— 36na vutone vukakovolile kutungulwa—lumehoki muliyomba kunguno ya mwenuyu, homwene Vava wamusondohaja na wamutumizaja henaha mu liwelelo, ati, Alifusa, kunguno nayombaga, Nene ndi Mwana wa Mulungu? 37Ulu nene nkavile kuvezya milimo yamwa 38Vava muleke kusanizya; alisi ulu ndiyivezya muyisanizye milimo yenekili, nulu inwe mukavile kunsanizya nene, kigele mumaniche na musanizye ati Vava alimo muwane, nane ndimo mugati na Vava. 39Haho vakovaga hangi kumudima, alisi uyu wafumaga mu makono gavo.
40Na wajaga hangi kumwambu na Yordani uko Yohana 41wogaje hambele, na wadilaga kwenuko. Na vingi vizaga kuwakwe na vayombaga, Yohana akaguvezizye mugaka gumo, alisi gose genaya Yohana wayombaga kunguno ya mwenuyu gavagi gali ga lole. 42Na vingi vamusanizaja kwenuko.
നിലവിൽ തിരഞ്ഞെടുത്തിരിക്കുന്നു:
Yohana 10: Nym51
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Nyamwezi New Testament © Bible Society of Tanzania, 1951.
