ທິນ ເຕີ່ຍ ໂຕ້ວ 7
7
ໂນຢາ ເປັຍ ດສັ໊ງ
1 ຕສ໊ຽວ ກ໊ອງ ບົ໋ວ ໂນຢາ, “ເມີ່ຍ ເຖສົາ ເມີ່ຍ ເຍີຍ ຢຽດ ເປຢົ໊າ ຮມວັ້ງ ຕ່ອຍ ອ໋ອຍ ຕສຸ ເປັຍ ດສັ໊ງ ອ໊ະ. ຢຽມ ນ້າຍ ຈ໋າ ລູ່ງ ເດ໊ຍ ເຢຍ ປວັດ ຂູງ ເມີ່ຍ ກັ້ນ ຮນັ້ງ ໂຕສ໋ວ ຕຸ໊ ຫອບ ເຢຍ ເຍີຍ ໂຮຍ້ວ. 2ຕະຟ່ານ ໄມ້ ມ່າຍ ຫວຸຍ ເຍີຍ ແຊງ-ຄູ້, ອ໋ອຍ ຕສຸ ຕໍ້ ຢຽດ ຫຍູ່ງ ເສ່ຍ ຕ໋ອຍ, ເສ່ຍ ເຕົ້າ ໂກ໊ວ ເສ່ຍ ເຕົ້າ ເຍີ໌ຍ, ເປັຍ ດສັ໊ງ. ມ່າຍ ຫວຸຍ ເຍີຍ ແຊງ-ຄູ້ ອ໋ອຍ ຕສຸ ຕໍ້ ຢຽດ ຫຍູ່ງ ຢຽດ ຕ໋ອຍ, ຢຽດ ເຕົ້າ ໂກ໊ວ ຢຽດ ເຕົ້າ ເຍີ໌ຍ. 3ຢຽມ ດ໊າມ-ລູ່ງ ເຍີຍ ເໜາະ ຢຽດ ຫຍູ່ງ ອ໋ອຍ ຕສຸ ຕໍ້ ເສ່ຍ ຕ໋ອຍ, ຢຽດ ຕ໋ອຍ ມ່າຍ ນອມ ກ໋ອງ ມ່າຍ ນອມ ເຍີ໌ຍ. ອ໋ອຍ ຕສຸ ຮນັ້ງ ນ້າຍ ນໍ ເສຍ ທສວດ ເໜາະ ເຖສົາ ແຊງ-ຄູ້ ເຍີຍ ແໝ່ງ ເຫວີ່ຍ ປຸນ ຢຽມ ລູ່ງ ເດ໊ຍ ໂຕ່ວ ປ໊ວນ. 4ຢຽມ ນ້າຍ ມີ່ງ ເສ່ຍ ຮນອຍ ຮນັ້ງ, ເຢຍ ອ໋ອຍ ປຸນ ລູ່ງ ຕຸ້ຍ ບຢູ່ງ ເຝີຍ ຕສຽບ ຮນອຍ ເຝີຍ ຕສຽບ ມ໌ວນ. ເຢຍ ຢ່າ ອ໋ອຍ ເຕສ໊າະ ເຢຍ ເຕສີ໋ຍ ຕ້າຍ ຢຽມ ເດົາ-ເປີ້ຍ ມ່າຍ ແໝ່ງ ເຍີຍ ຫຍູ່ງໆ ກະນ້າຍ ໝຽດ ເດສ່ງ.”
5ໂນຢາ ຕສ່ຽວ ເອີຍ ຈ໊ຽນ ຕສ໊ຽວ ພ້າຍ ເຍີຍ ຫວ່າ ໂຕສ໋ວ ຕສຢັ໋ງ ເດສ່ງ.
6ບຢູ່ງ-ຊຸ້ຍ-ອິ໋ມ ຢ໋ຽມ ລູ່ງ ເດ໊ຍ ວົ້ວ ຕສັ່ນ, ໂນຢາ ຕຸ໊ ຫລົວະ ແປ໊ະ ຫຮຍັງ. 7ນິ່ນ ເຖສົາ ນິ່ນ ເຍີຍ ເອົ໊າ-ເຈວີ໊ຍ ຕອນ-ບວັ໌ງ ເປັຍ ດສັ໊ງ ມີ່ງ ເປຢົ໋າ ດຸ໊ດ ບຢູ່ງ-ຊຸ້ຍ-ອິ໋ມ ຢ໋ຽມ. #ມັດທາຍ 24:38-39; ລູກາ 17:27 8ມ່າຍ ຫວຸຍ ໄຟ ໄມ້ ມ່າຍ ຫວຸຍ ເຍີຍ ແຊງ-ຄູ້ ເຖສົາ ເໜາະ ເຖສົາ ຍອງ ເດົາ-ເປີ້ຍ ເຍີຍ ກະນ້າຍ 9ຢຽດ ຕ໋ອຍ ຢຽດ ຕ໋ອຍ ເຍີຍ, ມ່າຍ ເຕົ້າ ໂກ໊ວ ມ່າຍ ເຕົ້າ ເຍີ໌ຍ, ຕ້າຍ ເຖສົາ ໂນຢາ ເປັຍ ດສັ໊ງ ເອີຍ ທິນ-ຮູ່ງ ພ້າຍ ເຍີຍ ຫວ່າ. 10ເຈ໋ຍ ລິ໌ວ ເສ່ຍ ຮນອຍ, ບຢູ່ງ-ຊຸ້ຍ-ອິ໋ມ ຢ໋ຽມ ລູ່ງ ເດ໊ຍ ອ໊ະ.
11ໂນຢາ ປວັ໊ງ ຫລົວະ ແປ໊ະ ຫຮຍັງ ວົ້ວ ຫຮຍັງ, ເຫຍີ່ຍ ຫຮລາ ຕສຽບ ທສຽດ ວົ້ວ ຮນອຍ, ເດົາ-ເດ໊ຍ ເຍີຍ ວວມ-ຕສີ໊ງ ເບ໋ວ ທສວດ, ລູ່ງ ເຍີຍ ແກ້ງ ຢຽດ ຕສູ໊ງ ອກອຍ, #2 ປີເຕ 3:6 12ຕຸ້ຍ ຕົ້ມ ບຢູ່ງ ເອຈ່ຍ ເຝີຍ ຕສຽບ ຮນອຍ ເຝີຍ ຕສຽບ ມ໌ວນ.
13ຕົ້ງ ວົ້ວ ຮນອຍ, ໂນຢາ ເຖສົາ ນິ່ນ ເຍີຍ ປົວ ເຕົ້າ ຕອນ, ເຊມ, ຮາມ ເຖສົາ ຢາເຟດ ເຖສົາ ໂນຢາ ເຍີຍ ເອົ໊າ ເຖສົາ ນິ່ນ ເຍີຍ ປົວ ເຕົ້າ ບວັ໌ງ ເປັຍ ດສັ໊ງ. 14ນິ່ນ ບົວ ຕໍ້ ຫຍູ່ງໆ ເຮ່ຍ ຕສ້ອຍ, ຫຍູ່ງໆ ແຊງ-ຄູ້ ເຖສົາ ຫຍູ່ງໆ ຍອງ ເດົາ-ເປີ້ຍ ເຍີຍ ກະນ້າຍ. ນິ່ນ ບົວ ຢ່າ ຕໍ້ ຫຍູ່ງໆ ເໜາະ, ເຊ ຢຽດ ຕສູ໊ງ ມ່າຍ ດ໊າດ ເຍີຍ ກະນ້າຍ, ຢຽດ ຫຍູ່ງ ຕສິ໋ວ ຢຽດ ຫຍູ່ງ ເຍີຍ ປ໊ວນ. 15ຢຽດ ຕສູ໊ງ ມ່າຍ ແໝ່ງ ເຍີຍ ກະນ້າຍ, ຢຽດ ຫຍູ່ງ ມ່າຍ ຢຽດ ຫຍູ່ງ ເຍີຍ ຕ໋ອຍ, ຕ້າຍ ເຖສົາ ໂນຢາ ເປັຍ ດສັ໊ງ. 16ຕ້າຍ ເປັຍ ດສັ໊ງ ເຍີຍ ຫຍູ່ງໆ ແຊງ-ຄູ້, ມ່າຍ ເຕົ້າ ໂກ໊ວ ມ່າຍ ເຕົ້າ ເຍີ໌ຍ, ຕສິ໋ວ ທິນ-ຮູ່ງ ພ້າຍ ໂນຢາ ເຍີຍ ຫວ່າ. ຕສ໊ຽວ ກັ້ນ ຕສ່ຽວ ກວນ ຈ໊ຽນ ດສັ໊ງ ເຍີຍ ແກ້ງ.
ບຢູ່ງ-ຊຸ້ຍ-ອິ໋ມ ຢ໋ຽມ ລູ່ງ ເດ໊ຍ
17ບຢູ່ງ-ຊຸ້ຍ-ອິ໋ມ ຢ໋ຽມ ຈ໊ຽນ ເດົາ ຝາວ ເຝີຍ ຕສຽບ ຮນອຍ. ວວມ ປວັ໊ງ ຈ໊ຽນ ຝາວ, ດສັ໊ງ ຕສ່ຽວ ຢຽມ ເດົາ-ເປີ້ຍ ບ້ຽວ ຈ໊ຽນ ຝາວ. 18ວວມ ປວັ໊ງ ຈ໊ຽນ ຝາວ, ດສັ໊ງ ບ້ຽວ ຈ໊ຽນ ວວມ-ໝິ່ນ ມີ່ງ. 19ວວມ ປວັ໊ງ ຈ໊ຽນ ຝາວ ເຖົາ ຢ໋ຽມ ເດສ່ງ ລູ່ງ ເດ໊ຍ ຮລັງ ເຈ໋ຍ ເຍີຍ ບົງ-ນີ້ງ. 20ຖສໍ່ ແອ໋ງ ຢ໋ຽມ ຝາວ ຕສິ ບົງ-ນີ້ງ ຕສຽບ ຮມ໌ ເດາະ.
21ຫຍູ່ງໆ ຢຽມ ເດົາ-ເປີ້ຍ ມ່າຍ ແໝ່ງ, ໄຮ່ ຕົ໌ງ ເຍີຍ ກະນ້າຍ, ເຊ ເໜາະ ເຖສົາ ແຊງ-ຄູ້ ເຮ່ຍ ຕສ້ອຍ, ໄຮ່ ຍອງ ເດົາ ເຍີຍ ກະນ້າຍ ເຖສົາ ມ່ຽນ ມ່ານ ໄຕ່ ເດສ່ງ ໝີ່ ອ໊ະ. 22ຕະຟ່ານ ຢຽມ ເດົາ-ເປີ້ຍ ມ່າຍ ແໝ່ງ, ໄຮ່ ເທົ້າ ເຖຈຍ ເຍີຍ ກະນ້າຍ ໄຕ່ ເດສ່ງ ໝີ່ ອ໊ະ. 23ຢຽມ ເດົາ-ເປີ້ຍ ມ່າຍ ແໝ່ງ ເຍີຍ ກະນ້າຍ ຢຽດ ຕສູ໊ງ ຕສຸ ກວ໊າດ ຕສຸ ໝຽດ ເດສ່ງ. ລ່ຽມ ມ່ຽນ ມ່ານ, ແຊງ-ຄູ້, ໄຮ່ ຍອງ ເດົາ ເຍີຍ ກະນ້າຍ ເຖສົາ ຢຽມ ດ໊າມ-ລູ່ງ ເຍີຍ ເໜາະ ຕສຸ ກວ໊າດ ຕສຸ ໝຽດ ເດສ່ງ. ຂູງ ເຕສ່ງ ໂນຢາ ແອ໋ງ ເຖສົາ ນິ່ນ ຢຽມ ດສັ໊ງ ກະຍົ໌ວ ວົ້ວ ເຕີ໋ຍ ຮນັ້ງ.
24ວວມ ຢ໋ຽມ ຈ໊ຽນ ລູ່ງ ເດ໊ຍ ຢຽດ ແປ໊ະ ຮມ໌ ຕສຽບ ຮນອຍ.
നിലവിൽ തിരഞ്ഞെടുത്തിരിക്കുന്നു:
ທິນ ເຕີ່ຍ ໂຕ້ວ 7: IuMiLAO
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Mien Bible (Lao Script) © 2007 Thailand Bible Society, 2007.
