בראשית טו
טו
הברית בין הבתרים
1אַחַ֣ר ׀ הַדְּבָרִ֣ים הָאֵ֗לֶּה הָיָ֤ה דְבַר־יְהוָה֙ אֶל־אַבְרָ֔ם בַּֽמַּחֲזֶ֖ה לֵאמֹ֑ר #21.17; 26.24; 46.3; מל"ב 6.16; ישע' 7.4; 41.10; 43.1, 5; ירמ' 1.8; צפנ' 3.15‑16; חגי 2.5; מתי 14.27+אַל־תִּירָ֣א אַבְרָ֗ם אָנֹכִי֙ #דבר' 33.29; תהל' 3.4+; 5.13; 33.20; 115.9‑11מָגֵ֣ן לָ֔ךְ שְׂכָרְךָ֖ הַרְבֵּ֥ה מְאֹֽד׃ 2וַיֹּ֣אמֶר אַבְרָ֗ם אֲדֹנָ֤י יֱהוִה֙ מַה־תִּתֶּן־לִ֔י וְאָנֹכִ֖י הוֹלֵ֣ךְ עֲרִירִ֑י וּבֶן־מֶ֣שֶׁק בֵּיתִ֔י ה֖וּא #14.15; ישע' 17.1+דַּמֶּ֥שֶׂק אֱלִיעֶֽזֶר׃ 3וַיֹּ֣אמֶר אַבְרָ֔ם הֵ֣ן לִ֔י לֹ֥א נָתַ֖תָּה זָ֑רַע וְהִנֵּ֥ה #14.14; 17.23, 27בֶן־בֵּיתִ֖י יוֹרֵ֥שׁ אֹתִֽי׃ 4וְהִנֵּ֨ה דְבַר־יְהוָ֤ה אֵלָיו֙ לֵאמֹ֔ר לֹ֥א יִֽירָשְׁךָ֖ זֶ֑ה כִּי־אִם֙ אֲשֶׁ֣ר #גלט' 4.28יֵצֵ֣א מִמֵּעֶ֔יךָ ה֖וּא יִֽירָשֶֽׁךָ׃ 5וַיּוֹצֵ֨א אֹת֜וֹ הַח֗וּצָה וַיֹּ֨אמֶר֙ #איוב 35.5הַבֶּט־נָ֣א הַשָּׁמַ֗יְמָה #ירמ' 33.22; תהל' 147.4וּסְפֹר֙ הַכּ֣וֹכָבִ֔ים אִם־תּוּכַ֖ל לִסְפֹּ֣ר אֹתָ֑ם וַיֹּ֣אמֶר ל֔וֹ #12.2; 22.17; 26.4; שמות 32.13; דבר' 1.10; 10.22; נחמ' 9.23; רומ' 4.18; עבר' 11.12כֹּ֥ה יִהְיֶ֖ה זַרְעֶֽךָ׃ 6#חבק' 2.4וְהֶאֱמִ֖ן בַּֽיהוָ֑ה #תהל' 24.5; 106.31; רומ' 4.2‑11, 22; גלט' 3.6; יעקב 2.23וַיַּחְשְׁבֶ֥הָ לּ֖וֹ צְדָקָֽה׃ 7וַיֹּ֖אמֶר אֵלָ֑יו אֲנִ֣י יְהוָ֗ה אֲשֶׁ֤ר #12.1+הוֹצֵאתִ֨יךָ֙ #11.31; נחמ' 9.7; מה"ש 7.4מֵא֣וּר כַּשְׂדִּ֔ים #13.15, 17; 28.4; שמות 6.8; דבר' 9.5לָ֧תֶת לְךָ֛ אֶת־הָאָ֥רֶץ הַזֹּ֖את לְרִשְׁתָּֽהּ׃ 8וַיֹּאמַ֑ר אֲדֹנָ֣י יֱהוִ֔ה #לוקס 1.18, 34בַּמָּ֥ה אֵדַ֖ע כִּ֥י אִֽירָשֶֽׁנָּה׃ 9וַיֹּ֣אמֶר אֵלָ֗יו קְחָ֥ה לִי֙ עֶגְלָ֣ה מְשֻׁלֶּ֔שֶׁת וְעֵ֥ז מְשֻׁלֶּ֖שֶׁת וְאַ֣יִל מְשֻׁלָּ֑שׁ וְתֹ֖ר וְגוֹזָֽל׃ 10וַיִּֽקַּֽח־ל֣וֹ אֶת־כָּל־אֵ֗לֶּה #ירמ' 34.18וַיְבַתֵּ֤ר אֹתָם֙ בַּתָּ֔וֶךְ וַיִּתֵּ֥ן אִישׁ־בִּתְר֖וֹ לִקְרַ֣את רֵעֵ֑הוּ #ויק' 1.17וְאֶת־הַצִפֹּ֖ר לֹ֥א בָתָֽר׃ 11וַיֵּ֥רֶד הָעַ֖יִט עַל־הַפְּגָרִ֑ים #דבר' 28.26; שמ"ב 21.10וַיַּשֵּׁ֥ב אֹתָ֖ם אַבְרָֽם׃ 12וַיְהִ֤י הַשֶּׁ֨מֶשׁ֙ לָב֔וֹא #2.21; שמ"א 26.12; איוב 33.15וְתַרְדֵּמָ֖ה נָפְלָ֣ה עַל־אַבְרָ֑ם וְהִנֵּ֥ה אֵימָ֛ה חֲשֵׁכָ֥ה גְדֹלָ֖ה נֹפֶ֥לֶת עָלָֽיו׃ 13וַיֹּ֣אמֶר לְאַבְרָ֗ם יָדֹ֨עַ תֵּדַ֜ע #מה"ש 7.6כִּי־גֵ֣ר ׀ יִהְיֶ֣ה זַרְעֲךָ֗ בְּאֶ֨רֶץ֙ לֹ֣א לָהֶ֔ם #שמות 1.13; דבר' 5.15וַעֲבָד֖וּם וְעִנּ֣וּ אֹתָ֑ם #שמות 12.40; גלט' 3.17אַרְבַּ֥ע מֵא֖וֹת שָׁנָֽה׃ 14וְגַ֧ם אֶת־הַגּ֛וֹי אֲשֶׁ֥ר יַעֲבֹ֖דוּ דָּ֣ן אָנֹ֑כִי וְאַחֲרֵי־כֵ֥ן יֵצְא֖וּ #שמות 12.32‑36בִּרְכֻ֥שׁ גָּדֽוֹל׃ 15וְאַתָּ֛ה תָּב֥וֹא #25.8; 47.30אֶל־אֲבֹתֶ֖יךָ #לוקס 2.29בְּשָׁל֑וֹם תִּקָּבֵ֖ר #שפט' 8.32; איוב 42.17; דהי"א 29.28בְּשֵׂיבָ֥ה טוֹבָֽה׃ 16וְד֥וֹר רְבִיעִ֖י יָשׁ֣וּבוּ הֵ֑נָּה כִּ֧י לֹא־שָׁלֵ֛ם #ויק' 18.24‑28עֲוֺ֥ן הָאֱמֹרִ֖י עַד־הֵֽנָּה׃ 17וַיְהִ֤י הַשֶּׁ֨מֶשׁ֙ בָּ֔אָה וַעֲלָטָ֖ה הָיָ֑ה וְהִנֵּ֨ה תַנּ֤וּר עָשָׁן֙ וְלַפִּ֣יד אֵ֔שׁ אֲשֶׁ֣ר עָבַ֔ר #ירמ' 34.18‑19בֵּ֖ין הַגְּזָרִ֥ים הָאֵֽלֶּה׃ 18בַּיּ֣וֹם הַה֗וּא #17.2, 4, 7; תהל' 105.8‑9; דהי"א 16.16כָּרַ֧ת יְהוָ֛ה אֶת־אַבְרָ֖ם בְּרִ֣ית לֵאמֹ֑ר #12.7+; יהושע 21.43לְזַרְעֲךָ֗ נָתַ֨תִּי֙ אֶת־הָאָ֣רֶץ הַזֹּ֔את מִנְּהַ֣ר מִצְרַ֔יִם עַד־הַנָּהָ֥ר הַגָּדֹ֖ל #2.14+נְהַר־פְּרָֽת׃ 19אֶת־הַקֵּינִי֙ וְאֶת־הַקְּנִזִּ֔י וְאֵ֖ת הַקַּדְמֹנִֽי׃ 20וְאֶת־הַחִתִּ֥י וְאֶת־הַפְּרִזִּ֖י וְאֶת־הָרְפָאִֽים׃ 21וְאֶת־הָֽאֱמֹרִי֙ וְאֶת־הַֽכְּנַעֲנִ֔י וְאֶת־הַגִּרְגָּשִׁ֖י וְאֶת־הַיְבוּסִֽי׃ ס
നിലവിൽ തിരഞ്ഞെടുത്തിരിക്കുന്നു:
בראשית טו: תנ"ך
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Hebrew Old Testament BSI with Cross References
Copyright © 2017 The Bible Society in Israel
Jerusalem, Israel.
All Rights Reserved.
www.haktuvim.com
