Yela 15
15
Waa Korowii aa dɛ nyin
Kooro Devid yel
1N Naa Korowii,
nɛn besooree
dɛ́ won jo he Dea ɔ?
Bamewaa dɛ́ won so
Saayɔn waa ɛ he deŋɡare
waa do ɡoroŋ la ta,
dɛ́ tomɛ nɔ?
2Naate waa dɛ teŋɛ
Korowii waa ta
dɛɛ ɛ waa aa toɡra,
dɛɛ bol kasinteŋ
o bambile bwa ne la,
3nɛn waa wola o dɔŋ
wechɔɡe bol,
nɛn waa wola o dɔŋ
wechɔɡa ɛ,
dɛ nɛn waa wola o dɔŋ
waa kpɔe dɛɛ perɛ,
4nɛn waa hah wechɔɡ-ɛɛra,
kɛ dɛɛ duu nɛra
baa dɛ ɔmɛ Korowii,
dɛ teŋɛ o nyobaɡa ta,
hale dɛ a kpeɡri tɛo
kwaaraa noo,
5ne nɛn waa dɛ kemɛ suuɡa,
waa wola a nee lɛ,
ne nɛn waa wola sɛɛh
baa yawɔ sen,
dɛ di dansewea dawɛ
nɛn waa wola
wechɔɡa ɛɛ nɛ.
Nɛn waa dɛ ɛ a ɡɛ
waa nɔ bwa la,
o wobɛlbwa ɛɛ do
werii tɛo.
നിലവിൽ തിരഞ്ഞെടുത്തിരിക്കുന്നു:
Yela 15: mzw
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.