Yela 13
13
Korowii chae wesoŋa
Kooro Devid yel
1N Naa Korowii, saŋ besoo
hɛɛ ba n waa soeh ka tel ɔ?
Hɛɛ soh n waa kwaraa kɛɛ?
Hɛɛ laa sie kpɔ n nɛɛ biɡri
kɛɛ?#Hab 1:2
2Saŋ besoo waa aa dawɛ
n nɛɛ nɔ ɛɛ ba a jaɡa bala ɔ?
Bɛweeree tebinichɔɡ
aa lɔ n nɛɛ chɔɔ ne
jwaana nɔ, ɛɛ ba tona ɔ?
Saŋ besoo n dɔma pɔ n nɛɛ
ka tel ɔ?
3N Naa Korowii maa dɛ tomɛ,
no n be dɛ́ cha mɛ,
ɡel n do kpeɡri ja,
bɛ ɡel ń sewɛ,
4a ba ɡɛ naa,
n dɔma ɛɛ ŋɔɔ ba pɔ n nɛ,
n horaa, baa hɛɡroo.
5N kpɔ n te dawɛ he nyina
waa wola jaɡa dɔe la ta,
n sie dɛ lɛ,
lɛɛ haa dɛ lɛɛ mɛɛ la ta.
6N Naa Korowii,
mɛɛ ɡo yelaa kpɛɛre,
kɛ haa ɛɛ mɛ wedɛɛɡa ɡa la.
നിലവിൽ തിരഞ്ഞെടുത്തിരിക്കുന്നു:
Yela 13: mzw
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.