創世記 10
10
挪亞个後代
(歷代志上 1:5-23)
1以下係挪亞个孻仔閃、含㧯雅弗个後代。大水以後佢等全部有𫱔孻仔。
2 雅弗个孻仔係：歌篾、瑪各、瑪代、雅完、土巴、米設、提拉#10:2 第 2、6、15、22 等節中个名，有兜係地名，有兜係人名。該兜地名也係祖先个名。。 3歌篾个子孫係亞實基拿人、利法人、陀迦瑪人。 4雅完个子孫係以利沙人、他施人、基提人，羅德人。 5佢等係住在地中海海滣㧯海島民族个祖先。雅弗个後代各族在自家个部落、國家住，使用自家个語言。
6 含个孻仔係：古實、埃及、弗、迦南。 7古實个子孫係西巴人、哈腓拉人、撒弗他人、拉瑪人、撒弗提迦人。拉瑪个子孫係示巴人㧯底但人。 8古實有一個孻仔名安到寧錄；佢係歷史上第一個英雄。 9因為有上主个幫助，佢成做打獵英雄。所以，有俗語講：「願上主俾你成做像寧錄恁樣个打獵英雄。」 10本來，佢个王國包含巴比倫、以力、亞甲；這三個地方在示拿个所在。 11佢對這地方出來，去亞述，起尼尼微城、利河伯城、迦拉城， 12又在尼尼微㧯迦拉大城中間起利鮮城。
13 埃及个後代係：路低人、亞拿米人、利哈比人、拿弗土希人、 14帕斯魯細人、迦斯路希人㧯克里特人。非利士人係克里特人个後代。
15 迦南𫱔長子西頓，又𫱔赫。 16迦南也係耶布斯人、亞摩利人、革迦撒人、 17希未人、亞基人、西尼人、 18亞瓦底人、洗瑪利人、哈馬人个祖先。迦南人各族分佈盡闊； 19佢等个地界對西頓向南到迦薩附近个基拉耳，向東到所多瑪、蛾摩拉、押瑪㧯拉沙附近个洗扁。 20以上係含个子孫，各族在自家个部落、國家住，使用自家个語言。
21 閃係雅弗个大哥，佢係希伯#10:21 「希伯」就係希伯來人个祖先。子孫个祖先。 22閃个孻仔係：以攔、亞述、亞法撒、路得、亞蘭。 23亞蘭个子孫係：烏斯人、戶勒人、基帖人、瑪施人。 24亞法撒𫱔沙拉；沙拉𫱔希伯。 25希伯𫱔兩個孻仔：一個安到法勒#10:25 「法勒」有「分散」个意思。，因為在佢个時代，人類係分散來住个；佢个兄弟名喊約坍。 26約坍个子孫係：亞摩答人、沙列人、哈薩瑪非人、耶拉人、 27哈多蘭人、烏薩人、德拉人、 28俄巴路人、亞比瑪利人、示巴人、 29阿斐人、哈腓拉人、約巴人。這兜人全部係約坍个子孫。 30這兜人住東片个山地，對米沙一直到西發。 31這兜人係閃个子孫，各族在自家个部落、國家住，使用自家个語言。
32以上係挪亞三個孻仔个宗族，照各支族立國。大水後，地上个國家係對這兜宗族分出來个。
നിലവിൽ തിരഞ്ഞെടുത്തിരിക്കുന്നു:
創世記 10: THV12Hdb
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© The Bible Society in Taiwan, 2012
All rights reserved
© 台灣聖經公會版權所有 2012
