2 LALTE മുഖവുര
മുഖവുര
രാജാക്കന്മാരുടെ ഒന്നാം പുസ്തകത്തിലെ രണ്ട് ഇസ്രായേൽരാജ്യങ്ങളുടെയും ചരിത്രത്തിന്റെ തുടർച്ചയാണ് 2 രാജാക്കന്മാരിലെ പ്രതിപാദ്യം. ഈ ഗ്രന്ഥത്തെ രണ്ടായി വിഭജിക്കാം:
1) ബി.സി. ഒൻപതാം ശതകത്തിന്റെ മധ്യംമുതൽ ശമര്യയുടെ പതനംവരെയും വടക്കേ രാജ്യത്തിന്റെ അഥവാ ഇസ്രായേൽരാജ്യത്തിന്റെ അന്ത്യംവരെയും നടന്ന സംഭവങ്ങൾ.
2) ഇസ്രായേൽരാജ്യത്തിന്റെ പതനത്തിനുശേഷം ബാബിലോൺരാജാവായ നെബുഖദ്നേസർ ബി.സി. 586 ൽ യെരൂശലേം പിടിച്ചടക്കി നശിപ്പിക്കുന്നതുവരെയുള്ള യെഹൂദാ രാജ്യത്തിന്റെ ചരിത്രം.
ബാബിലോണിന്റെ കീഴിൽ ഗെദല്യാ യെഹൂദ്യയുടെ ഗവർണർ ആകുന്നതും അല്പകാലത്തിനുള്ളിൽ വധിക്കപ്പെടുന്നതും യെഹൂദ്യയിലെ രാജാവായിരുന്ന യെഹോയാഖീൻ ബാബിലോണിലെ തടവറയിൽനിന്നു വിമോചിതനാകുന്നതും വിവരിച്ചുകൊണ്ട് ഈ ഗ്രന്ഥം അവസാനിപ്പിക്കുന്നു. ഇസ്രായേലിലെയും യെഹൂദ്യയിലെയും രാജാക്കന്മാരുടെയും ജനങ്ങളുടെയും അവിശ്വസ്തതയാണ് അവരുടെ ദേശീയ ദുരന്തത്തിനുള്ള കാരണം. യെരൂശലേമിന്റെ വിനാശവും യെഹൂദാജനത്തിന്റെ രാജ്യഭ്രംശവും ഇസ്രായേല്യചരിത്രത്തിലെ പ്രധാനപ്പെട്ട വഴിത്തിരിവുകളാണ്.
ഈ പുസ്തകത്തിലെ പ്രധാന പ്രവാചകനാണ് ഏലിയായുടെ പിൻഗാമിയായ എലീശ.
പ്രതിപാദ്യക്രമം
വിഭജിക്കപ്പെട്ട രാജ്യം 1:1-17:41
a) എലീശാപ്രവാചകൻ 1:1-8:15
b) യെഹൂദ്യയിലെയും ഇസ്രായേലിലെയും രാജാക്കന്മാർ 8:16-17:4
c) ശമര്യയുടെ പതനം 17:5-41
യെഹൂദ്യ 18:1-24:20
a) ഹിസ്ക്കീയാമുതൽ യോശീയാവരെ 18:1-21:26
b) യോശീയായുടെ ഭരണം 22:1-23:30
c) യെഹൂദ്യയിലെ അവസാന രാജാക്കന്മാർ 23:31-24:20
യെരൂശലേമിന്റെ പതനം 25:1-30
നിലവിൽ തിരഞ്ഞെടുത്തിരിക്കുന്നു:
2 LALTE മുഖവുര: malclBSI
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Malayalam C.L. Bible, - സത്യവേദപുസ്തകം C.L.
Copyright © 2016 by The Bible Society of India
Used by permission. All rights reserved worldwide.