Genesis 5
5
Iqmoeq 5
Aqdaq nee mail yavq kha lee thaq nail juq
1Niil neq, Aqdaq nee mail yavq kha lee thaq nail juq nail ganl gevq-ai thaq nail ngaol.
Miqyail tsaol-aq yaq bhai teivq-u phao, aivq nee mail dul lai dai, teivq-a nail ngaol.
2Aivq neq, tsaol-aq yaqyov-aq yaqmai-aq bhai teivq khi aqyu juq bhai geeqlaoq bivq-a nail nee ovqtavq, 'tsaol-aq' dai, mil bhiq-a nail ngaol.
3Aqdaq neq, aivq nail aqkovq 130 kovq bhee lal-u phao, aivq nee mail maivphaoq dul lai nail yaqyov teevq gaq ya-a nail ngaol. Aivq yaqyov al gaq bhai, Seiqtav dai mil bhiq-a nail ngaol.
4Seiqtav ya gaq khi mail haoqnao, Aqdaq neq, 800 kovq bhee dai yeel heel nail lavqkhoel, yaqmiq yaqyov juq gaoq ya-a nail ngaol.
5Aivq nail aqkovq 930 kovq bhee dai, doevq khi sil-a nail ngaol.
6Seiqtav neq, aivq nail aqkovq 105 kovq bhee lal-u phao, yaqyov Eilnov ya-a nail ngaol.
7Eilnov ya gaq khi mail haoqnao, aivq nail aqkovq 807 kovq bhee dai, yeel heel nail lavqkhoel, yaqmiq yaqyov juq gaoq ya-a nail ngaol.
8Aivq nail aqkovq 912 kovq bhee dai, doevq khi sil-a nail ngaol.
9Eilnov neq, aivq aqkovq 90 kovq bhee lal-u phao, yaqyov Keiq nanq ya-a nail ngaol.
10Keiqnanq ya gaq khi mail haoqnao, 815 kovq bhee dai, yeel heel nail lavqkhoel, yaqmiq yaqyov juq gaoq ya-a nail ngaol.
11Aivq nail aqkovq 905 kovq bhee dai doevq khi sil-a nail ngaol.
12Keiqnanq neq, aivq nail aqkovq 70 kovq bhee lal-u phao, yaqyov Maqhaqleiqlav ya-a nail ngaol.
13Maqhaqleiqlav ya gaq khi mail haoqnao, aivq nail aqkovq 840 kovq bhee dai yeel heel nail lavqkhoel, yaqmiq yaqyov juq gaoq ya-a nail ngaol.
14Aivq nail aqkovq 910 kovq bhee dai, doevq khi sil-a nail ngaol.
15Maqhaqleiqlal neq, aivq nail aqkovq 65 kovq bhee lal-u phao, yaqyov Yaqlai ya-a nail ngaol.
16Yaqlai ya gaq khi mail haoqnao, aivq nail aqkovq 830 bhee dai, yeel heel nail lavqkhoel, yaqmiq yaqyov juq gaoq ya-a nail ngaol.
17Aivq nail aqkovq 895 kovq bhee dai, doevq khi sil-a nail ngaol.
18Yaq lai neq, aivq nail aqkovq 162 kovq bhee lal-u phao, yaqyov Eilnaov ya-a nail ngaol.
19Eilnaov ya gaq khi mail haoqnao, aivq nail aqkovq 800 bhee dai yeel heel nail lavqkhoel, yaqmiq yaqyov juq gaoq ya-a nail ngaol.
20Aivq nail aqkovq 962 kovq bhee dai, doevq khi sil-a nail ngaol.
21Eilnaov neq, aivq nail aqkovq 65 kovq bhee lal-u phao, yaqyov Meiqthulseiqlav ya-a nail ngaol.
22Meiqthulseiqlav ya gaq khi mail haoqnao, Eilnaov neq, 300 kovq bhee dai, Miqyail nail sivtavq bhai ail lal khi yeel heel nail lavqkhoel, yaqmiq yaqyov juq gaoq ya-a nail ngaol.
23Aivq neq, 365 kovq bhee dai, yeel heel nail lavqkhoel doevq-a nail ngaol.
24Eilnaov neq, aivq nail doevqyeel teevq yeel yeel lao, Miqyail nail sivtavq bhai ail lal khi aqdoevq doevq-a nail ngaol. A bhai nee ngal-aq, Miqyail-i mail aivq bhai tsiq dal laivq khi, peivq ail-a nail ngaol.
25Meiqthulseiqlav neq, 187 kovq bhee lal-u phao, yaqyov Laqmail ya-a nail ngaol.
26Laqmail ya gaq khi mail haoqnao, aivq neq, 782 kovq bhee dai, yeel heel nail lavqkhoel, yaqmiq yaqyov juq gaoq ya-a nail ngaol.
27Aivq nail aqkovq 969 kovq bhee dai, doevq khi sil-a nail ngaol.
28Laqmail neq, 182 kovq bhee lal-u phao, yaqyov teevq gaq ya-a nail ngaol.
29Laqmail ge nail: "Heeqphaq Miqyail miltsaq bhai ivqkhail yavq-a nail ngel-i mail, ngadao juq neq, ganl nl nl-ail gaqdoil doil nail lavqkhoel nee, yaqyov niil gaq ngadao juq bhai aqphai tsiq phai lavq nail gaq ngaol" dai, ge khi yaqyov al gaq bhai Nol-avq#5.29 Nol-avq Nol-avq dai, ge nail daoqceevq neq, aqphai tsiq phai nail gaq dai ge movq nail ngaol. dai mil bhiq-a nail ngaol.
30Nol-avq ya gaq khi mail haoqnao, 595 kovq bhee dai yeel heel nail lavqkhoel, yaqmiq yaqyov juq gaoq ya-a nail ngaol.
31Aivq nail aqkovq 777 kovq bhee dai, doevq khi sil-a nail ngaol.
32Nol-avq neq, 500 kovq bhee lal-u phao, Seiqmav, Haqmav dai khi Yaqphai dai, khul nail yaqyov hail gaq jaol nail ngaol.
നിലവിൽ തിരഞ്ഞെടുത്തിരിക്കുന്നു:
Genesis 5: aeu
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2016, Wycliffe Bible Translators, Inc. All rights reserved.