Ifyakutaŋga 3-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Popele umwanakasi uyo, ili abwene ati umuti uyo uweme ukulya, kaŵili ati waku temwesya amenso, nakaŵili ati umuti uyo wakufwailwa uwakufunda amano, eli aŋgaswa ifyafisepo fyauo, nekulya; popele walimupele nemulume wakwe, naye alilile.

Lombe'nsoka yalicenjele ukwakuti ukucila napanama syonse isyamumpaŋga isi ŵaleŋgele ŵaYawe Lesa. Nayo yalilaŵile kumwana kasi ati: Kani cine ŵala ŵile ŵaLesa ati: Tesi mulye-ko kumiti yonse iyamwiŵala?

kaŵili ŋkakufeŋgele'ŋkondo, ukalukulwa nemwanakasi; neŵana ŵoŵe naŵo ŵakalukulwa neŵana ŵakwe: kaŵili Umwana wakwe akasomesya umutwi woŵe, nawe ukasomesya akasisilo kakwe.

Popele ŵaLesa ŵalilaŵile kumwanakasi ati: Ŋkafusyo'kwakuti insoni syoŵe nekusomenwa kwakwimita koŵe; mu nsoni ukafyala aŵana; kaŵili ukufwaya koŵe kukalukuli kumulume woŵe; naye akalukukukomeka.

pamatukuta apamenso oŵe ukalukulye'fyakulya, ili tauŋgabwelela mwiloŵa; pakuti emo wafumisiwe: pakuti weŵo ewefukutu, kaŵili ukabwelela nakwifukutu.

Nakaŵili kuli Adama ŵalilaŵile ati: Pakuti wakutike'siwi lyamukasi woŵe, nekulya-ko kumuti, uyo nakufundile ati: Tesi ukalye-ko; pakuti pali fyefyo ulifinjilwe umusili pakuti pali weŵo; pakulukupyunjisya ukalukulya-ko insiku syonse isyamweo woŵe

Naŵo ŵaLesa ati: Mbaninani uwakuŵula ati uli matako lukoso? Kani walya-ko kumuti uyo uyu nakukenye ati wiŋgesa kulya-ko?

Popele ŵalimutamfisye umuntu; nekuŵekalika kumutulesuŵa kwiŵala lyaEdeni ŵakelubi, nempoko yamulilo iyakwalacila ponse ponse, mukulame'nsila yamuti wamweo.

Popele apo umuntu uyo walimwilicile umukasi wakwe isi na lyakwe ati niEfa; pakuti waliŵele ninyinaŵo ŵonse aŵalaŵi.