Luk 10-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Niŋgi quiye. E na Qotei aqa siŋgila niŋgi eŋgonum deqa niŋgi amal uge ti degiŋ ti naŋgo siŋgila tentsib laqnqab. Nuŋgo jeu tamo Satan aqa siŋgila kalil dego niŋgi na kobotoqnqab. Deqa iŋgi bei na yala niŋgi ugeugeiŋgwa keresai.

Onaqa Tamo Koba Yesus na kamba Marta minjej, “O Marta, ni iŋgi iŋgi kalil qa are koba qaleqnum. Ni iŋgi iŋgi deqa are kobaimaiq. Iŋgi qujai qa are qalqam di kere. Agi Maria a iŋgi qujai di oqo. Iŋgi di tulaŋ boledamu. Di tamo bei na olo yaiyqa keresai.”

Onaqa tamo dena minjej, “Moses a nami dal anjam endegsi neŋgreŋyej, ‘Ni ino Tamo Koba Qotei tulaŋ qalaqalaiyime. Qalaqalaiysim ino are miligi ti ino qunuŋ ti ino siŋgila ti ino areqalo ti kalil yekritime. Osim ino segi jejamu gereiyeqnum dego kere ino was naŋgi dego geregereinjrime.’”

A naŋgi qariŋnjrqa osiqa yawo anjam endegsi minjrej, “Wauq dia iŋgi gargekoba melionub. Ariya iŋgi meli bunuj otorqajqa wau tamo koba sai. Deqa niŋgi wau lanja minjibqa a na wau tamo qudei eleŋosim qariŋnjrimqa naŋgi aqa wauq gilsib iŋgi meli bunuj otoreleŋqab.

Yesus na dal anjam qalie tamo di yawo anjam degsi minjsiqa olo minjej, “Tamo qalub naŋgi gam dena walwelosi gileb. Deqa ni merbe. Tamo yai a tamo gam qalaq di qalnab ŋeiesoqnej qaji aqa was bole?” Onaqa dal anjam qalie tamo a na kamba Yesus minjej, “Samaria tamo agi tamo deqa dulosiqa gilsiq gereiyej qaji di aqa was bole.” Degsi marnaqa Yesus na dal anjam qalie tamo di minjej, “Ni kere maronum. Deqa ni dego gilsim kumbra degsim yoqne.”

“Deqa niŋgi giliye. Niŋgi quiye. Niŋgi kaja du du bul deqa e na niŋgi qariŋgitqa gilsib bauŋ juwaŋ naŋgo ambleq dia walweloqnqab.