Jon 17-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Ino anjam kalil bole. Ni na ino anjam bole di naŋgi minjroqnimqa naŋgo are miligiq di wauoqnimqa dena naŋgi ino segi tamo uŋgasari tiŋtiŋ sqab.

Ŋambile gaigai sqajqa kumbra agiende. Tamo ŋambile gaigai sqab qaji naŋgi ni qa qalieqab. Agi ni segi Qotei bole. E Yesus Kristus qa dego naŋgi qalieqab. Agi ni na e qariŋbonam bem.

“E ijo aŋgro 11-pela naŋgi qa segi ni pailmosai. Bunuqna ijo aŋgro 11-pela naŋgi ijo anjam mare mare laqnibqa tamo uŋgasari gargekoba naŋgi naŋgo anjam quoqnsib e qa naŋgo areqalo siŋgilatoqnqab. E naŋgi qa dego ni pailmonum. O Abu, ni ijoq di unum. E dego inoq di unum. Aqo aiyel are qujaitosim unum. Ijo segi tamo uŋgasari kalil naŋgi dego aqo aiyel koba na are qujaitosib sqajqa deqa e ni pailmonum. Soqnibqa mandam endeqa tamo uŋgasari naŋgi na unjrsibqa naŋgi dego e qa naŋgo areqalo siŋgilatqab. Osib qalieqab, ni na e qariŋbonam bem.

Ni na ijo segi tamo uŋgasari naŋgi joqimqa naŋgi mandam uratosib laŋ qureq oqwajqa e deqa ni pailmosai. Naŋgi mandamq endi soqnibqa ni na naŋgi taqatnjresoqnimqa tamo uge Satan a na naŋgi ugeugeinjraim deqa ni pailmonum.

Aqo aiyel are qujaitosim unum. Ijo segi tamo uŋgasari kalil naŋgi dego aqo aiyel koba na are qujaitosim sqajqa deqa ñam koba ti siŋgila ti ni na ebem qaji di e na kamba olo naŋgi enjrem. E ijo segi tamo uŋgasari naŋgoq di unum. Ni ijoq di unum. Kumbra dena naŋgi kalil dego aqo aiyel koba na are qujaitosib sqab. Soqnibqa mandam endeqa tamo uŋgasari naŋgi na unjrsibqa qalieqab, ni na e qariŋbonam bem. Osib qalieqab, ni na e tulaŋ qalaqalaibeqnum dego kere ijo segi tamo uŋgasari naŋgi dego ni na tulaŋ qalaqalainjreqnum.