Jon 15-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

“E segi wain ŋamtaŋ bole. Niŋgi ijo dani bul. Tamo bei a e beterbesqas di e dego a beteryesqai. Yimqa a gei koba ateleŋoqnqas. Niŋgi e uratbqab di niŋgi kumbra bole bei yqa keresai.

Niŋgi e beterbesoqnibqa e dego niŋgi beterŋgesqai. Ŋam dani a segi sqas di a geitqa keresai. Qoboq di qamesqas di a geitqas. Dego kere niŋgi e beterbesqasai di niŋgi gei bole atqa keresai.

“Niŋgi e beterbesosib ijo anjam nuŋgoq di soqnimqa niŋgi iŋgi bei qa osib Qotei pailyqab di a na iŋgi di eŋgwas.

“Niŋgi na e giltbosai. E na niŋgi ijo segi qa osim giltŋgem. Osim niŋgi wau eŋgem. Yimqa niŋgi gilsib gei koba ateleŋoqnibqa nuŋgo gei bole gaigai sqas. Deqa niŋgi ijo ñam na iŋgi bei qa ijo Abu pailyqab di a na eŋgwas.

Tamo bei na aqa kadoi naŋgi tulaŋ qalaqalainjrsim deqa a na naŋgi aqaryainjrqa osimqa aqa segi ŋambile uratosim moiqas di a kumbra tulaŋ boledamu yqas. Qalaqalaiyo kumbra dena qalaqalaiyo kumbra kalil tulaŋ buŋnjrejunu.

Ijo dani qudei naŋgi gei bole atqasai di ijo Abu na naŋgi giŋgeŋnjrsim taqal breinjrqas. Ijo dani gei bole ateleŋeqnub qaji di ijo Abu na gereinjreqnaqa naŋgi olo gei koba ateleŋeqnub.

Ijo dal anjam agiende. E na niŋgi qalaqalaiŋgeqnum dego kere niŋgi na nuŋgo was naŋgi dego qalaqalainjroqniye.

Niŋgi ŋam dani bul sosib gei koba ateleŋabqa tamo uŋgasari naŋgi nuŋgo kumbra di unsibqa niŋgi qa endegsib marqab, ‘Naŋgi Yesus aqa aŋgro bole.’ Amqa nuŋgo kumbra dena ijo Abu aqa ñam tulaŋ kobaqujaqas.

Osiqa Yesus a olo anjam endegsi minjrej, “E segi wain ŋamtaŋ bole. Ijo Abu a wain wau qa lanja.

Tamo bei a e beterbqasai di a ŋam dani bul giŋgeŋyosib taqal breiyib kaŋgraŋamqa koroiyosib ŋamyuoq di breiyib yugwas.

Ijo areqalo agiende. E segi tulaŋ areboleboleibeqnu niŋgi dego tulaŋ areboleboleiŋgoqnem. Utru deqa e na anjam endi niŋgi merŋgonum.

Niŋgi ijo dal anjam kalil dauryoqnqab di niŋgi ijo qalaqalaiyo kumbra ti sqab. E ijo Abu aqa dal anjam dauryoqnsimqa aqa qalaqalaiyo kumbra ti unum dego kere.

E na niŋgi dal anjam endegsi merŋgwai. Niŋgi segi segi na nuŋgo was naŋgi qalaqalainjroqniye.”

Niŋgi mandam endeqa tamo qamu tamo uŋgasari mandamq endi unub qaji naŋgi na niŋgi qalaqalaiŋgonub qamu. Agi naŋgi na naŋgo segi aŋgro naŋgi qalaqalainjreqnub dego kere. Ariya niŋgi mandam endeqa tamo sai. E na niŋgi giltŋgem deqa niŋgi mandam endeqa kumbra urateb. Utru deqa mandam endeqa tamo uŋgasari naŋgi na niŋgi jeutŋgeqnub.