Simuluho 9-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Mi Mulimu a ekeza, a li, “Sisupo sa bulikani bo bu si na ku fela, bo ni iswala ni mina ni lifolofolo ze pila kamukana, ki se. Ni beya nambwamutalati wa ka mwa malu. U ta ba sisupo sa bulikani bwa ka ni lifasi.

Nambwamutalati h'a ta bonahala mwa malu, ni ta mu bona, mi ni ta hupula bulikani bo bu sa feli, bo ni isweli ni ze pila kaufela mwa lifasi.”

Ya bulaya mutu kaufela ni yena u ta bulaiwa ki wahabo, kakuli mutu n'a ezizwe ka siswaniso sa Mulimu.

Mulimu a tohonolofaza Nuwe ni bana ba hae, mi a ba bulelela, a li, “Mu be ni bana ba bañata, kuli masika a mina a be kai ni kai mwa lifasi.

Mu ce lifolofolo kaufela, hamohocwalo ni miloho. Zeo kamukana, ki zona lico za mina ze ni mi fa.

Lifolofolo kaufela za fafasi, hamoho ni linyunywani, ni libupiwa kaufela ze zamaya ka mba, ni litapi, li ta mi saba. Kaufel'a zona li mwatas'a mina.

“Cwale mu be ni bana ba bañata, kuli baikulu ba mina ba be ba bañata mi ba pile kai ni kai mwa lifasi.”