Génesis 17-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Inae iscoon choonca iscoon jaanaca niha Abaranne bana jetaote rai ecocohin: “Canune itolere Coauneraneein itolere ichana naineraneein nenaa neeun. Aihane jaun, canu notaracaae chatohaneein baaso ichaelanaala ichaoone

Nii jaun, inae Abaran neein curuaariheeinita. Ena caje coauneeinte, Abaraaun neein curuaariquiincha, lauri lauri arajiin caa chauratane que neenihuru cachaauru foerateraneeine coina ichorataanerichaaunnine jaunra.

Canu ii Coaunera chabana satonoelanaala nenaaneeinne, itolere bana ii coroatajanichaaunne coina caa ichei aitoonra. Jerichanejeeinnechu, caa ichorotaanihanune rijijieein, caa baiha neenihuru ii inamacooru coroatajanereeunnicha.

“Caa ii coroatajanichaaunne coina caitoonjoante, satiin caa chauratane que lauri lauri arajiin neenihuru cachaauru foerateraneeine coina caitoonjoanera.

“Caa ichei caitoonjoan neeintejian leinjiin canaanai siricheein nii ii sinijiera Sarara. Nii bana curuaateeunni Isaca neeincha. Caa ii coroatajanichaaunne coina ichei aitocoaaunlune rijijieeinne nii ii calaohi Isaca coroatajanereeunnicha. Jerichanejeeinnechu rai inamacooru coroatajanereeunni, nii ii rai aitocoaaunne rijijieein, chabana satonoelanaala.

Chaennechu, nii ena ichaohine jaan Canaan batane jitariin tereeunni acaauru rai, ii rai, naaonjoaineeichene rai, inoaelunetojoeein chabana satonoelanaala, inara que banijiaain nihane coinara”

atane que nauri turuanacanejeein nenoracaain jetao: “Inasiina lefasha jaanacanihane cuhane canaanai inacanere leinjiin cacha. Inasiina jana iscoon chonca jaanacanihane cuhane leinjiin canaanai siriche Sara”, naa suujuane jaun jetao coenae Abaraaun.

Niritiin jetaote Abaraaun rai jetao: “Coatiha inae Sarai neein curuaarihaain nii ii comasaita. Ena caje coauneeinte, Sara neein curuaareeincha.

Acate inara coroatajanerichaaunnine jana, inara netonai leinjiin canu cachaneein neriquicheeine coina, ita rai rucuhena jaan coujunacaneein nereein inara jaberoco quera.

Nena laen, le jaanaca cuhane enene rijiu Sara aina iicha siriinu ii calaohi Isaca coroatajanereeunni, nii ichei aitocoaaunne rijijieein chabana satonoelanaalara”, naain Abaraaun rai

Aihane jaun, ena caje coaauneein quichaneein nejanoaa inara bereecurune, fosa janoneein nejanoaa baiha catiaain rai jaberoco cari macohi saerateeuchera. Jerichanejeeinchu nejelau atane nenacaauru caje coriqui que coreteein iicha sirichuri ii cachaauru netonai, rai bereecuru jaberoco cari macohi saerateeuruhinera. Nitohaneein ita rijijieein jiniiquiin, leinjiinniji cautelanaala inara jaberoco cari macohi saerateeuchete, inoaelunetojoeein chabana satonoelanaala leinjiin canuhacha cachaneein neriquicheeine que aitocoaane jaan coujunacanu que inara jaberoco que neeinera.