Juan 15-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Jain tiꞌ, jaxca xutxal uva, quey jin tuꞌ. Jaex jaxca yakꞌil uva jex. Jaꞌ mac ey cꞌal oc win an, ey jin pax oc yin. Jaꞌ jun tuꞌ miman sat chi yakꞌa, jaxca junoj teꞌ miman sat chi yakꞌa. Ta cꞌam jin oc je yin, cꞌam niꞌoj tzet chi skeꞌ je yu je txꞌojli.

Eyanwej cꞌal ecꞌ win an. Jain xa oj jin eecꞌ je yin. Jaxca junoj yakꞌil an chi el yin xutxal, cꞌamxa chi skeꞌ satni, quey pax tuꞌ che yunne, ta cꞌam chex ey cꞌal ecꞌ win an.

Ta chex ey cꞌal ecꞌ win an, catuꞌ ey cꞌal oc je cꞌul yin jin kꞌane, kꞌanwej tzet chi yoche je cꞌul, oj akꞌle ey jex.

Manaj jex jix jin je sicꞌ eloj, tol jain jix jex jin sicꞌ eloj. Jix waon oc je yopiso jex jin chejon satnoj. Jaꞌ je sat tuꞌ, oj eecꞌ cꞌal yin tobꞌalkꞌinal. Yu jun tuꞌ, yuxan jantaj cꞌal tzet oj je kꞌan tet cu Mam Dios oj yakꞌ ey jex yutol wet jex an.

Ta ey junoj mac chi yakꞌ sbꞌa cam yu junoj yamigo, cꞌam junojxa mac ecꞌbꞌan scamcꞌulal yintaj jun mactxequel tuꞌ.

Ta ey junoj an akꞌile cꞌam chi satni, jaꞌ chi iꞌon eloj. Ta ey an akꞌile watxꞌ chi satni, chi yiꞌon el stajinal yakꞌil an yet watxꞌ chi cꞌal satni. Jaxca chi yute swaꞌnen el an naj tuꞌ, queytuꞌ chi yun swaꞌnele el ebꞌ eyoc win yu jin Mam.

Jaꞌ tinaniꞌ, ey jun jin chejbꞌanil oj wakꞌcan ey jex, tol che camcꞌulne je bꞌa junjun jex, jaxca chex wute jin camcꞌulnen an.

Ta miman je sat che yakꞌa, queyton tuꞌ oj je yute je txꞌoxon eloj, tol miman yeloc apnoj jin Mam. Quey pax tuꞌ oj je yute je txꞌoxon eloj, tol jin cuywom jex an.

Jix yalon Jesús tet ebꞌ scuywom jaxca tiꞌ: —Jaꞌ jun xutxal uva chin txꞌox tiꞌ, tol quey jin pax tuꞌ. Jaꞌ jun winaj chi ilwi uva tuꞌ, jaꞌ chi txꞌoxon el yechel jin Mam.

Jal ebꞌ cꞌam chi ey cꞌal ecꞌ win an xin, laan oj yun yeloc ebꞌ jaxca jun yakꞌil uva chi iꞌle el yin xutxal, catuꞌ chi tajeloj, chi lawi tuꞌ, chi yambꞌale aoj, catuꞌ chi tzꞌaꞌi.

Chi wal can wan tiꞌ ey jex an, yet watxꞌ jaxca ojabꞌ jin tzala an, quey ojabꞌ tuꞌ je tzala pax oj, catuꞌ chi tzꞌajna xacꞌal el je tzalacꞌulal.

Ta che jije jin chejbꞌanil an, oj jex ey cꞌal ecꞌ yin jin camcꞌulalil. Yutol queytuꞌ wakꞌon yetoj jin Mam, chin jije ẍejbꞌanil. Yu jun tuꞌ, yuxan ey jin cꞌal ecꞌ yin scamcꞌulal Naj.

Jaꞌton jun chejbꞌanil tiꞌ chi wakꞌcan ey jex, tol che camcꞌulne je bꞌa junjun jex.

Kꞌinaloj ta yet jex yul yibꞌankꞌinal tiꞌ yetoj ebꞌ, tejan chex scamcꞌulne ebꞌ, yutol je yetbꞌi je bꞌa yetoj ebꞌ. Manxa pax yetoj jex yul yibꞌankꞌinal tiꞌ, yutol xax jex jin sicꞌ el xol ebꞌ. Yu jun tuꞌ, yuxan chi chichon oc scꞌul ebꞌ je yin, yutol manxa je yetbꞌi oj je bꞌa yetoj ebꞌ.